ဤသို့မေး၍ ဤသို့ ဖြေစေ လိုပါသည်

ကျင်းပဆဲ ဖြစ်သော ပထမအကြိမ် အမျိုးသားလွှတ်တော် စတုတ္ထ အစည်းအဝေးတွင် ‘အစိုးရ၏ အာမခံချက်များ၊ ကတိများနှင့် တာဝန်ခံချက်များ စိစစ်ရေး ကော်မတီ’ ၏ အစီရင်ခံစာ သုံးသပ်ချက် တွင်ေ ဖ်ာပြထားရာ၌ ‘လွှတ်တော်
ကိုယ်စားလှယ်များ၏ မေးခွန်းများ မေးမြန်းခြင်းနှင့် အဆိုများ တင်သွင်းခြင်း အပေါ် သက်ဆိုင်ရာ ဝန်ကြီးဌာန အချို့က ပြန်လည်ရှင်းလင်း ဖြေကြားချက် များမှာ တိကျ ရေရာမှု မရှိခြင်း၊ သက်ဆိုင်ရာ မေးခွန်းနှင့် ဆိုင်သည့် အဖြေများ အပေါ် ဝန်ကြီးဌာန၏ တစ်နိုင်ငံလုံး အတိုင်းအတာ အရ ဆောင်ရွက်ပြီးစီးသည့် Data များကို ဖတ်ကြား ရှင်းလင်း နေခြင်း တို့ကြောင့် အချိန်ကုန်ပြီး လိုရင်း မရောက်ဖြစ်နေ သဖြင့် မဖြစ်သင့်သော ဖြေကြားချက်များ ဖြစ်နေသည်ဟု သုံးသပ် ရရှိပါကြောင်း’ စသည်ဖြင့် ၂၃-၈-၂၀၁၂ ရက်နေ့ထုတ် ရန်ကုန်တိုင်းမ် ဂျာနယ်တွင် ဖတ်ရှု လိုက်ရပါသည်။ ကျွန်တော်သည် ပြည်သူ တစ်ဦး အနေဖြင့် လွှတ်တော် အစည်းအဝေးများကို များစွာ စိတ်ဝင်စားပါသည်။

လွှတ်တော် အစည်းအဝေး များ ကျင်းပပုံကို နိုင်ငံပိုင် ရုပ်သံများတွင် ကြည့်ရှုခြင်း၊ နေ့စဉ်ထုတ် သတင်းစာများကို ဖတ်ရှုခြင်းနှင့် အပတ်စဉ်ထုတ် ဂျာနယ်များတွင် လွှတ်တော် သတင်းများကို ဓာတ်ပုံနှင့်တကွ ဝေဝေဆာဆာ ဖော်ပြ ကြသည်ကို စဉ်ဆက်မပြတ် ဖတ်ရှုရင်း မိမိတစ်ဦးတည်း ဝေဖန် သုံးသပ်မှုများလည်း လုပ်ပါသည်။ ကျွန်တော်သည် မြန်မာ့ ဆိုရှယ်လစ် လမ်းစဉ် ပါတီ၊ တစ်ပါတီ စနစ်၏ ပြည်သူ့ လွှတ်တော်ကိုလည်း ကောင်းစွာ သိမီ လိုက်ပါသည်။ စည်းကိုက် ဝါးကိုက် ပျင်းရိ ငြီးငွေ့ဖွယ် အမေးအဖြေများနှင့် တစ်ပါတီ လွှတ်တော်ကို ပွင့်လင်း လွတ်လပ်လာသည့် ယနေ့ ပါတီစုံ လွှတ်တော် များနှင့် နှိုင်းယှဉ် စဉ်းစားရင်း ဒီမိုကရေစီ စနစ်၏ အရသာကို မြိန်ရေ ရှက်ရေ ခံစား နေမိပါသည်။ ထိုကဲ့သို့ စဉ်ဆက်မပြတ် ကြည့်ရှုနားထောင်၊ ဖတ်ရှုလေ့လာ လျက်ရှိရာမှ အချို့သော လွှတ်တော် ကိုယ်စားလှယ်များ၏ မေးခွန်းများ ကို အားမလို အားမရ ဖြစ်ရသလို အချို့သော တာဝန်ရှိ ပုဂ္ဂိုလ်တို့၏ ဖြေကြားချက်များ ကိုလည်း ဘဝင်မကျသည်များ ရှိလာခဲ့ရပါသည်။

“ငါသာ ဒီနေရာမှာ ဆိုလျှင် ဒီလို မေးလိုက်မဟဲ့၊ ငါသာဆိုလျှင် ဘယ်လို ဖြေလိုက်မဟဲ့” ဟူ၍ ဘောလုံးပွဲ တစ်ပွဲကို ရုပ်မြင်သံကြားမှ ကြည့်နေရင်း အားမလို အားမရ ဖြစ်ရသလို ခံစားရပါသည်။ တစ်စုံ တစ်ယောက်က မင်းကိုယ်တိုင် ဝင်ကန်ပါလားဟု ဆိုလာ ပါလျှင် “ငါမှ မကန်တတ်တာ” ဟူ၍ ပြန်ပြော မိပါမည်။ ယခုလည်း ကျွန်တော့်ကို တစ်စုံတစ်ယောက်က “လွှတ်တော် ကိုယ်စားလှယ် ဝင်လုပ် လိုက်ပါလား၊ ပြည်ထောင်စု ဝန်ကြီး လုပ်ပါလား” ဟူ၍ ဆိုပါလျှင် ကျွန်တော်သည် ရပ်ကွက် အုပ်ချုပ်ရေးမှူး အဆင့်ပင် ရှိသူ မဟုတ်၍ ငြိမ်ကုပ် နေလိုက်ရုံသာ ရှိပါသည်။ သို့သော် ကျွန်တော် စဉ်းစားမိသည်က ရုပ်မြင်သံကြား ကြည့်ရှု နေသူမှာ ကျွန်တော်တစ်ယောက်တည်း မဟုတ်သလို သတင်းစာ၊ ဂျာနယ် ဖတ်ရှု နေသူများ မှာလည်း ကျွန်တော် တစ်ယောက်တည်း မဟုတ်ဘဲ သိန်း၊ သန်းချီသော ပြည်သူများလည်း ကျွန်တော့်လို ခံစား မိနိုင်ပါသည်။

ထို့ကြောင့် ပြည်သူ တစ်ယောက် အနေဖြင့် သဲတစ်ပွင့် မျှသော တာဝန် တစ်ရပ်ကို ဝင်ရောက် ထမ်းဆောင်သည့်နှယ် ဤအကြံပြု ဆောင်းပါးကို ရေးသားရခြင်း ဖြစ်ပါသည်။ လွှတ်တော် ကိုယ်စားလှယ် အချို့၏ မေးခွန်းများကို လေ့လာ ကြည့်ရာတွင် အောက်ပါ အချက်များကို တွေ့ရှိ ရပါသည်။

- သာမန် အများပြည်သူများပင် သိရှိပြီး ကိစ္စမျိုးကိုပင် မေးခွန်း အဖြစ် မေးမြန်းခြင်း၊

- နိုင်ငံတော်မှ ယခင် အသိပေး ထုတ်ပြန် ကြေညာပြီး ဖြစ်သည့် စီမံကိန်း အပါအဝင် ကိစ္စ အချို့ကို ထပ်မံ မေးမြန်းခြင်း၊

- အချို့သော နေရာများတွင် အသိပေး ရှင်းလင်း ပြောကြားပြီး အချက်များကို မေးမြန်းခြင်း၊

- နိုင်ငံတော်တွင် တည်ဆဲ ဥပဒေ တစ်ရပ် ရှိပြီးလျက် ထိုကဲ့သို့ တည်ဆဲ ဥပဒေ ရှိကြောင်း မသိသည့် သဘောမျိုး သက်ရောက်သည့် မေးခွန်းမျိုးကို မေးမြန်းခြင်း၊

- အချို့ ကိစ္စများမှာ မြို့နယ်အဆင့်၊ ခရိုင်အဆင့် တာဝန်ရှိသူ များကို မေးမြန်းလျှင်ပင် သိနိုင်သည့် ကိစ္စမျိုး ဖြစ်နေခြင်း၊

- အချို့ကိစ္စများမှာ တိုင်းဒေသကြီး သို့မဟုတ် ပြည်နယ် အစိုးရက ဆောင်ရွက်ပေးရမည့် ကိစ္စများ ဖြစ်နေခြင်း၊

- အချို့ကိစ္စများမှာ ကျင်းပပြီး ယခင် လွှတ်တော် အစည်းအဝေး များတွင် ဆင်တူယိုးမှား အဖြေပေးပြီး ဖြစ်နေခြင်း

စသည့် အချက်များ အပြင် အခြားသော အချက်အချို့လည်း ပါဝင်ပါသည်။ မည်သည့် အစည်းအဝေးတွင် မည်သည့် လွှတ်တော် ကိုယ်စားလှယ်က မေးမြန်းသော မေးခွန်းဟူ၍ တိကျစွာ ကိုးကား ဖော်ပြခြင်း မပြုနိုင်သည်ကို နားလည် ခွင့်လွှတ် စေချင်ပါသည်။

ထို့ကြောင့် မေးခွန်းများ မေးခြင်း၊ အဆိုများ တင်သွင်းခြင်းနှင့် ပတ်သက်၍ ပိုမို ထိရောက်မှု ရှိရေးအတွက် လွှတ်တော် ကိုယ်စားလှယ်များ အနေဖြင့် မိမိကိုယ်ကိုယ် ဖြည့်ဆည်း ထားရှိရန် လိုအပ်မည် ဖြစ်ပါ သည်။

- လွှတ်တော် ကိုယ်စားလှယ် အများစုသည် ဥပဒေ ပညာရှင်များ မဟုတ်ကြသော်လည်း တည်ဆဲ ဥပဒေများကို တီးမိ ခေါက်မိ ရှိရန် ဥပဒေ အမည်နာမ များနှင့် မည်သည့် အကြောင်းအရာ ကိစ္စအတွက် ပြဋ္ဌာန်းခဲ့ကြောင်း သိရှိရန် လေ့လာ ထားသင့်ပါသည်။

- နိုင်ငံတော်မှ ဆောင်ရွက်ပြီး၊ ဆောင်ရွက်ဆဲ၊ ဆောင်ရွက် လတ္တံ့ (ထုတ်ဖော် ကြေညာပြီး) စီမံကိန်းများ အနက် မိမိဒေသနှင့် ဆိုင်ရာ စီမံကိန်းများ အကြောင်း သိရှိ လေ့လာ ထားရပါမည်။

- အများပြည်သူနှင့် ဆက်ဆံ လုပ်ကိုင်နေသည့် အစိုးရ ဌာနများ နှင့် သက်ဆိုင်သည့် ဥပဒေ၊ နည်းဥပဒေ၊ လုပ်ထုံးလုပ်နည်း များကို အကြမ်းဖျင်း သိရှိအောင် လေ့လာ ထားရပါမည်။

- အချို့ ကိစ္စများကို သက်ဆိုင်ရာ မြို့နယ် အုပ်ချုပ်ရေးမှူးနှင့် မြို့နယ်အဆင့် ဌာန ဆိုင်ရာများအား တွေ့ဆုံ မေးမြန်းခြင်းဖြင့်လည်း ကောင်း၊ မြို့နယ်အဆင့်က ဖြေကြားခြင်း မပြုနိုင်ပါက ခရိုင်အဆင့်သို့ မေးမြန်းခြင်းဖြင့် လည်းကောင်း၊ တိုင်းဒေသကြီး သို့မဟုတ် ပြည်နယ် အစိုးရများက ဆောင်ရွက် ပေးနိုင်သည့် လုပ်ပိုင်ခွင့် နယ်ပယ် အတွင်း ဖြစ်ပါက သက်ဆိုင်ရာ တိုင်းဒေသကြီး/ပြည်နယ် လွှတ်တော် ကိုယ်စားလှယ်များက သက်ဆိုင်ရာ လွှတ်တော် အစည်းအဝေးတွင် တင်ပြမေးမြန်း အဆို တင်သွင်း စေခြင်း အားဖြင့်လည်းကောင်း၊ ပြည်သူ့ လွှတ်တော်၊ အမျိုးသား လွှတ်တော် စသည်တို့တွင် တင်ပြ မေးမြန်းရ သည့် မေးခွန်းများနှင့် အဆိုများ လျော့နည်း သွားနိုင်ပြီး မေးမြန်းသည့် မေးခွန်းနှင့် အဆိုများသည်လည်း အဆင့်မြင့် ထိရောက်သည့် အဆို များဖြစ်လာကာ လွှတ်တော် အစည်းအဝေးများ သည်လည်း သွက်လက် ထက်မြက်ပြီး တန်ဖိုးရှိသော အချိန်များကို လွှတ်တော် များ၏ အဓိက လုပ်ငန်း တာဝန်ဖြစ်သည့် ဥပဒေများ တင်သွင်း၊ ဆွေးနွေး၊ အတည်ပြုခြင်းများကို ပိုမို ဆောင်ရွက်လာနိုင်မည် ဖြစ်ပါသည်။

မေးခွန်းများ မေးမြန်းခြင်းနှင့် ပတ်သက်၍ အစိုးရ၏ အာမခံ ချက်များ၊ ကတိများနှင့် တာဝန်ခံချက်များ စိစစ်ရေး ကော်မတီက သုံးသပ်ရာတွင် လွှတ်တော် ကိုယ်စားလှယ်များက မေးခွန်းများ မေးမြန်းရာတွင် ဝန်ကြီးဌာနများ အလိုက် ခွဲခြား မေးမြန်းရန် လိုအပ် သကဲ့သို့ အကြောင်းအရာပေါ် မူတည်၍ မေးခွန်း တစ်ခုတည်းတွင် နှစ်ခုသုံးခု တွဲ၍ မေးခြင်းမျိုး မလုပ်ရန်နှင့် တစ်ခုဆို တစ်ခု ထိထိ ရောက်ရောက် မေးလျှင် အဖြေမှာ ကတိလား၊ အာမခံချက်လား ကွဲပြား သွားမည်ဖြစ်ကြောင်း သုံးသပ် ပါသည်။ ထို့ကြောင့် လွှတ်တော် ကိုယ်စားလှယ်များက စနစ်တကျ မေးမြန်းရန် လိုအပ် သကဲ့သို့ သက်ဆိုင်ရာ ပြည်ထောင်စု ဝန်ကြီး ဌာနများကလည်း မေးခွန်း အပေါ် တိတိကျကျ ဖြေကြားရန် အကြံပြု တင်ပြသွားပါသည်။ မေးခွန်းများ ဖြေကြားခြင်းနှင့် ပတ်သက်၍လည်း ကျွန်တော်တို့ ရုပ်မြင်သံကြား ကြည့်ရှုသူ၊ သတင်းစာ၊ ဂျာနယ်ဖတ်သူများ အဖို့ မျက်စိ လည်ရသည်များ ရှိပါသည်။ အဖြေတစ်ခုကို နားထောင်နေစဉ် မူလ မေးခွန်းမှာ မည်သည့် အကြောင်းအရာကို မေးမှန်း မသိအောင် လည်ထွက် သွားပါတော့သည်။

အဖြေသည် တိတိကျကျ လိုရင်းကိုမရောက် ဝေ့လည် ကြောင်ပတ်ဖြင့် အဆုံးသတ် သွားကြသည်လည်း ရှိပါသည်။ မေးခွန်းများကို လွှတ်တော်တွင် မေးမြန်းသည့်အခါ သက်ဆိုင် ရာ လွှတ်တော် နည်းဥပဒေများအရ ၁၀ ရက် ကြိုတင် ပေးပို့ရပါသည်။ ထိုအခါ မေးခွန်း မေးမြန်းခြင်း ခံရသည့် ဝန်ကြီးဌာနသည် ၎င်းလက်အောက်ရှိ ဦးစီးဌာနများသို့ မေးခွန်းကို ဖြေကြားရန် ဆက်ပေး ပို့ရပါသည်။ အကယ်၍ မေးမြန်းသော မေးခွန်းသည် အောက်ခြေမြို့ နယ်အဆင့်မှ ဖြေကြားရမည့် မေးခွန်းဖြစ်ပါက မေးခွန်းသည် အဆင့်ဆင့် အောက်ခြေအထိ ဆင်းသွားပြီး အောက်ခြေမှလည်း မေးခွန်း၏အဖြေကို မိမိဘက်က အပြည့်အစုံ ဖြစ်အောင် ရာဇဝင် သမိုင်းနှင့် ချီ၍ ဖြစ်ကြောင်းရယ် ကုန်စင် ဖြေကြား ပါလိမ့်မည်။ ထိုအခါ အဖြေ တစ်ခုသည် အဆင့်ဆင့် အပေါ် ပြန်တက်လာပြီး မည်သူကမျှ မဖြတ် တောက်၊ မစိစစ် ကြတော့ဘဲ မေးခွန်းနှင့် သဟဇာတဖြစ်၊ မဖြစ် မသုံးသပ် ကြတော့ဘဲ ဖြေကြားမည့် သူ၏ လက်ထဲသို့ ထည့်လိုက် ကြပါလိမ့် မည်။ ဖြေဆိုသူ (ပြည်ထောင်စုဝန်ကြီး၊ ဒုတိယဝန်ကြီး) က လွှတ်တော် ရှေ့မှောက်တွင် ဖြေဆိုသည့် အခါတွင်လည်း မိမိကိုယ်တိုင် ထဲထဲဝင်ဝင် သိသောကိစ္စ မဟုတ်ပါက အောက်ခြေမှ ရေးသား တင်ပြသည့်အတိုင်းပင် ဖတ်ကြား ဖြေဆိုတော့ရာ အမေးနှင့် အဖြေသည် တစ်လွဲမဟုတ် သော်မှ တည့်တည့် မကျတော့ဟု ဆိုရမည်ဖြစ်ပါသည်။ ဥပမာလေး တစ်ခု၊ နှစ်ခု တင်ပြပါမည်။

ကျင်းပဆဲ အမျိုးသား လွှတ်တော် အစည်းအဝေး ၁၆-၇-၂၀၁၂ ရက်နေ့တွင် ရန်ကုန်တိုင်း ဒေသကြီး မဲဆန္ဒနယ် အမှတ် (၄) မှ ဒေါက်တာမြတ်ဥာဏ်စိုး၏ ‘မြို့တွင်း ပြေးဆွဲနေသော ဘတ်စ်ကားများနှင့် အဝေးပြေး ခရီးသည် တင်ယာဉ် များတွင် ထိုင်ခုံ နေရာများ ကျပ်ညပ်စွာ စီစဉ်ထားရှိခြင်း အပါအ၀င် ခရီးသည်တင် ယာဉ်တစ်စီး၏ စံနှုန်းနှင့် ကိုက်ညီမှု မရှိသည်များကို ထိရောက်စွာ အရေးယူ ဆောင်ရွက်ရန် အစီအစဉ် ရှိ/မရှိ’ ဟူသော မေးခွန်းကို သက်ဆိုင်ရာ ပြည်ထောင်စုဝန်ကြီးက ပြောကြားရာတွင် ကုန်းလမ်း ပို့ဆောင်ရေး ညွှန်ကြားမှု ဦးစီးဌာနသည် ခရီးသည်တင် ယာဉ်များအား တစ်နှစ်လျှင် တစ်ကြိမ် ယာဉ်ကြံ့ခိုင်မှုနှင့် မှတ်ပုံတင် လုပ်ငန်းများ အတွက် ယာဉ်စစ်ဆေးပြီး သတ်မှတ် ထိုင်ခုံ အရေအတွက် နှင့် စံချိန်စံညွှန်း ကိုက်ညီမှသာလျှင် မှတ်ပုံတင် လုပ်ငန်းများအား ဆက်လက် ဆောင်ရွက်ပေးပါကြောင်းနှင့် လွှတ်တော် ကိုယ်စားလှယ် များနှင့် ပြည်သူများကလည်း သတ်မှတ်ချက်နှင့် မကိုက်ညီသည့် ယာဉ်များကို တွေ့ရှိပါက သတင်းပေး အကြောင်းကြား ခြင်းအားဖြင့် ထိရောက်စွာ ဆောင်ရွက်နိုင်မည် ဖြစ်ကြောင်း စသည်ဖြင့် ပြောကြား ခဲ့ပါသည်။ ဤအဖြေကို ကြည့်ပါက လက်တွေ့ဘဝနှင့် များစွာ ကွာဟလျက် ရှိသည်ကို တွေ့ရမည်ဖြစ်ပါသည်။ လက်တွေ့တွင် မော်တော်ယာဉ် သက်တမ်းတိုး မှတ်ပုံတင်သော ယာဉ်များသည် ပြုပြင်ပြောင်းလဲ တပ်ဆင်ထားသည့် ထိုင်ခုံ အပါအဝင် အခြားပစ္စည်းများကို လိုင်စင် မဝင်မီ မူလ စံချိန်စံညွှန်း သတ်မှတ်ချက်အတိုင်း ယာယီပြန်လည် တပ်ဆင်၍ သက်တမ်းတိုး လိုင်စင်ဝင်ကြပါသည်။ သက်တမ်းတိုး မှတ်ပုံတင် ခွင့်ပြုချက် ရပြီးသောအခါ ထိုင်ခုံ အရေအတွက် တိုးမြှင့်ခြင်း၊ ပြုပြင်ခြင်းများကို ပြန်လည် လုပ်ဆောင်ကြပါသည်။

ဤသို့ ဆောင်ရွက် ခြင်းကို ကုန်းလမ်း ပို့ဆောင်ရေး ညွှန်ကြားမှု ဦးစီးဌာနမှ စစ်ဆေးသော ဝန်ထမ်းများ အပါအဝင် လူအတော်များများက သိကြပါသည်။ ဝန်ကြီး မသိ၍ ထိုကဲ့သို့ ဖြေကြားခြင်း ဖြစ်နိုင်ပါသည်။ နောက်တစ်ချက်က မည်သည့် လွှတ်တော် ကိုယ်စားလှယ်/ပြည်သူ တစ်ဦးဦးကမျှ သတင်းပေး တိုင်ကြားရန် မလိုအပ်ပါ။ အဘယ်ကြောင့် ဆိုသော် ယနေ့မြို့တွင်း ပြေးဆွဲနေသော (အထူးသဖြင့်) အထူးကားများကို ရပ်တန့် စစ်ဆေး ကြည့်ပါက ထိုင်ခုံ မပြုပြင်ထားသော ကားဟူ၍ မရှိသလောက်ပင် ဖြစ်ပါ သည်။

ထို့ကြောင့် မေးခွန်းများကို ဖြေကြားမည့် တာဝန်ရှိသူများ သည် အောက်ခြေမှ ရေးသား တင်ပြသော အဖြေများကိုသာ ဖတ်ကြား ဖြေဆိုခြင်း မပြုဘဲ ကိုယ်တိုင်လည်း ကွင်းဆင်း လေ့လာသင့်ကြောင်း အကြံပြု တင်ပြပါသည်။ နောက်ထပ် ဥပမာတစ်ခု တင်ပြချင် ပါသေးတယ်။ ကျင်းပဆဲ ပြည်သူ့လွှတ်တော် စတုတ္ထ အစည်းအဝေး ၃၁-၇-၂၀၁၂ ရက်နေ့တွင် ပြည်သူ့ လွှတ်တော် ကိုယ်စားလှယ် ဒေါ်တင်နွယ်ဦးနှင့် ဦးသိန်းညွန့်တို့၏ ဆွေးနွေးချက်များနှင့် ပတ်သက်၍ ပြန်လည် ဆွေးနွေး ရှင်းလင်းရာတွင် လည်း အချို့သော အချက်များ လွဲချော်နေမှု အပေါ် ကော့မှူးမြို့နယ် လွှတ်တော် ကိုယ်စားလှယ် ဒေါ်အောင်ဆန်းစုကြည်က ‘ခုနက ကိုယ်စားလှယ်နှစ်ဦး ပြောသွားတဲ့ အချက်တွေနဲ့ ကျွန်မမြင်ထားတဲ့ အချက်တွေဟာ အတူတူပါပဲ။ အခုမြန်မာနိုင်ငံက တက္ကသိုလ်တွေက နိုင်ငံခြား တက္ကသိုလ်နဲ့ ဆက်သွယ်ရေးကို အဓိကထားပြီး ပြောတာ မဟုတ်ပါဘူး။ တက္ကသိုလ်များရဲ့ လွတ်လပ်စွာ လုပ်ပိုင်ခွင့် ရှိဖို့အတွက် ပညာရေးဝန်ကြီးဌာနရဲ့ သြဇာအာဏာ လျှော့ချရေးကို အဓိကထားပြီး ပြောတာလို့ ကျွန်မ နားလည်ပါတယ်။ဘယ်လိုပဲ နိုင်ငံခြားတက္ကသိုလ် တွေနဲ့ ဆက်သွယ်ဆက်သွယ် ဒီဆက်သွယ်ရေး အားလုံးကို ပညာရေးဝန်ကြီး ဌာနက နေပြီး အုပ်စီးထားမယ် ဆိုရင် ခေတ်နဲ့ လျော်ညီတဲ့ တက္ကသိုလ် တွေ မပေါ်လာနိုင်ဘူးလို့ ကျွန်မထင်တဲ့ အကြောင်းကို လေးစားစွာ တင်ပြအပ်ပါတယ်’ ဟူ၍ ပြန်လည် ထောက်ပြ ဆွေးနွေး သွားခဲ့သည် ကို စာရှုသူများ သိရှိပြီး ဖြစ်ပါမည်။

ထိုကဲ့သို့ ပြန်လည် ဖြေကြားသည့် အချက်များနှင့် ပတ်သက်၍ လည်း ‘အစိုးရ၏ အာမခံချက်များ၊ ကတိများနှင့် တာဝန်ခံ ချက်များ စိစစ်ရေး ကော်မတီ’ က သုံးသပ် အကြံပြု တင်ပြရာတွင် ‘လွှတ်တော် ကိုယ်စားလှယ်များ၏ တိကျသော မေးခွန်းများအပေါ် ဝန်ကြီးဌာန များမှ ဖြေကြား ရာတွင် တိုက်ရိုက် ဆက်စပ်မှု မရှိသော လုပ်ငန်း ဆောင်ရွက်ချက်များကိုပါ ထည့်သွင်း ဖော်ပြခြင်းမျိုးကို ရှောင်၍ တိကျ သော အဖြေ လိုရင်းကိုသာ ဖြေကြားရန် အကြံပြု တိုက်တွန်းကြောင်း စသည်ဖြင့် ဖော်ပြခဲ့ပါသည်။ သို့ဖြစ်ပါ၍ ပြည်သူတို့၏ အကျိုးကို ဖော်ဆောင်လျက် ရှိကြ သော ပြည်သူ့ ကိုယ်စားလှယ များကလည်း တန်ဖိုးရှိသော အချိန်များ ကို အလေးထား၍ တိကျသော မေးခွန်းများကို မေးမြန်းသင့် ကြသလို ဖြေကြားသူများကလည်း မေးမြန်းသူနှင့် ပြည်သူများကို အလေးထား သောအားဖြင့် လိုရင်းတိုရှင်းနှင့် တိုက်ရိုက် ထိရောက်သော အဖြေများ ကို မသွယ်မဝိုက်၊ မကွေ့မကောက်ဘဲ ဖြေကြား သင့်ကြပါကြောင်း အကြံပြု ရေးသားလိုက်ရပါသည်။

By The Voice Weekly