HIV ကူးစက်နှုန်း ကျတဲ့ ပထမဆုံး ဆေး

ဒီဆေးကြောင့် ရောဂါ ကူးစက်နှုန်း ၇၅ ရာနှုန်း ကျဆင်း

HIV ကူးစက်နှုန်း ကျဆင်းစေတဲ့ ပထမဆုံး ဆေးကို အမေရိကန်မှာ ခွင့်ပြု လိုက်ပါပြီ။

Truvada ဆိုတဲ့ ဆေးကို HIV ပိုးရှိသူနဲ့ ကိုယ်လက် နှီးနှောမှုလို ကူးစက် နိုင်ခြေ များတဲ့ အခါမျိုးမှာ သုံးသင့်ပါတယ်။

ဆေးသောက်တာ အပြင် ကွန်ဒုံး သုံးတာ၊ HIV ပိုး ရှိမရှိ မှန်မှန် စစ်တာတွေလဲ လုပ်မှ ရောဂါကို ထိရောက်အောင် ကာကွယ် နိုင်တယ် အမေရိကန် ဆေးဝါး အဖွဲ့က ထုတ်ပြန်ပါတယ်။

ဒီဆေးကြောင့် ရောဂါ ကူးစက်နှုန်း ၇၅ ရာနှုန်း ကျဆင်း စေတယ်လို့ သုတေသီ တွေက ဆိုပါတယ်။

ဘီဘီစီ မြန်မာပိုင်း


http://www.thithtoolwin.com/2012/07/hiv.html#.UAWKu5PbXbM

မိုးထိ မိုးမိ ရွှေတူးခွင့် မပြေလည်သေး

ဆန္ဒပြ ရွှေလုပ်သားများ နေပြည်တော်ကို ချီတက်ခဲ့စဉ်က တွေ့ ရပုံ

တပိုင်တနိုင် ရွှေတူးခွင့်ကို အမျိုးသား ကြီးပွားတိုးတက်ရေး ကုမ္ပဏီအုပ်စုက ပြန်လည် ခွင့်ပြု ခဲ့သော်လည်း လိုအပ်သည့် စက်ကိရိယာများကို သယ်ဆောင်မည့် ယာဉ်များအား တောင်ပေါ် တက်ခွင့် ပိတ်ပင် ထားဆဲ ဖြစ်ကြောင်း မန္တလေးတိုင်း၊ ရမည်းသင်းခရိုင် မိုးထိမိုးမိ ရွှေတောမှ အလုပ်သမားများက ပြောသည်။

မေလဆန်းတွင် တပိုင်တနိုင် ရွှေတူးခွင့်ကို ကုမ္ပဏီက ပိတ်လိုက်၍ ရွှေလုပ်သားများက နေပြည်တော်ထိ ဆန္ဒပြရန် ချီတက်စဉ် ခရီးတထောက်အရောက် ဇွန်လ ၁၄ ရက်နေ့တွင် ကုမ္ပဏီက ပြန်လည် လုပ်ကိုင်ရန် သဘောတူခဲ့သော် လည်း အလုပ်သမားများ ရွှေတွင်းသို့ ပြန်ရောက်ချိန်မှ စ၍ ယာဉ်များအား တောင်ပေါ် တက်ခွင့် ပိတ်လိုက်ခြင်းဖြစ်သည်ဟု ဆိုသည်။

“ပြန်လုပ်ဖို့ ဆိုတာက အလုပ်သမားတို့၊ စက်ကိရိယာတို့၊ ဆီတို့၊ ရိုက်ပြား ဇကာတို့ ဒါတွေ လိုမယ်ပေါ့ဗျာ။ ဒါတွေတောင်ပေါ် ရောက်အောင် ကားတွေ ဆိုင်ကယ်တွေကို တက်ခွင့် မပေးဘူး။ ဒီလို မပေးတာဟာ အင်းလုပ်ခွင့်ကို ပိတ်လိုက်တာနဲ့ အတူတူပဲ” ဟု လွတ်လပ်သော ရွှေလုပ်သားများ အခြေခံ အလုပ်သမား အဖွဲ့အစည်း ၏ ဥက္ကဋ္ဌ ဖြစ်သူ ကိုသက်လွင် က ပြောသည်။

သို့သော် ကုမ္ပဏီ ဥက္ကဋ္ဌ ဦးစိုးထွန်းရှိန်ကမူ လုံခြုံရေးအရ လုပ်ငန်းခွင်နှင့် လုပ်ငန်းဧရိယာ ပြင်ပကို ဇွန်လ ၁၅ ရက်နေ့မှ စ၍ ပိုင်းခြားလိုက်ခြင်းသာ ဖြစ်ပြီး လုပ်ငန်းခွင် ပြင်ပမှ သယ်ဆောင်လာသည့် ပစ္စည်းများကို လုပ်ငန်းခွင်သုံး ကားများဖြင့် နေ့စဉ် တနေ့သုံးကြိမ် သယ်ပို့ပေးကြောင်း ပြောသည်။

“ကျနော်တို့မှာ ဂိတ် ၁၊ ဂိတ် ၂ ဆိုတာ ရှိတယ်ခင်ဗျ။ ဂိတ် ၁ ဆိုတာက ကျနော်တို့ လမ်းစလုပ်ထားတဲ့ နေရာပေါ့။ register (မှတ်ပုံတင်) လုပ်ထားတဲ့ ကားတွေအားလုံး ဂိတ် ၁ ကို ပေးတက်တယ်။ ဂိတ် ၂ ဆိုတာက မိုင်းဧရိယာထဲ
ရောက်သွားပြီပေါ့။ မိုင်းတွင်းသွားတဲ့ လုပ်ငန်းခွင်သုံး ကားအားလုံးကိုပဲ ထားပြီးတော့ ဂိတ် ၂ ကို လာတဲ့ ကားအားလုံး ကို အဲဒီကနေ ပစ္စည်းတွေ သယ်ပေးတယ်” ဟု အမျိုးသား ကြီးပွားတိုးတက်ရေး ကုမ္ပဏီ ဥက္ကဋ္ဌ ဦးစိုးထွန်းရှိန်ကပြောသည်။

ယခင်က တောင်ပေါ်တက်ရန်အတွက် ကားတစီးလျှင် နှစ်သိန်းကျပ်၊ ဆိုင်ကယ်တစီးလျှင် ၃,၀၀၀ ကျပ်ဖြင့်
တောင်ပေါ်တက်ခွင့် လက်မှတ် ကုမ္ပဏီက လုပ်ပေးထားပြီး မှတ်ပုံတင်ထားသည့်ကား အစီး ၅၀ ခန့် ရှိကြောင်း သိရသည်။

၎င်းပြင် ရွှေဗြုံး ကြိတ်ရန်အတွက် ကြိတ်စက်ကို ကုမ္ပဏီက တောင်ခြမ်း မြောက်ခြမ်း နှစ်နေရာ သတ်မှတ်ထားသော်လည်း နေရာပြင်ဆင်သည့် အဆင့်သာ ရှိသေးသည့်အတွက် ကြိတ်ခွဲနိုင်ရန် အချိန်အတန်ကြာ လိုသေးကြောင်း လည်း ကိုသက်လွင်က ပြောသည်။

အမျိုးသား ကြီးပွားတိုးတက်ရေး ကုမ္ပဏီအုပ်စုကို ဝေလင်းထိုက်၊ အာရှအမြူတေ၊ ဓနစမ်းရေ၊ ရွှေလမင်း၊ ရွှေညီအကို၊မြင့်မိုရ်ရွှေတောင်၊ ရဲညီနောင်၊ မြမျိုးသက်ဦး၊ နေခြည်ပွင့်၊ ကန္တာရစိမ်း၊ ရေတော်သား၊ ရွှေပုံသာ၊ B.B.K. ၊ ရွှေပလောင်၊ မိုးရွှေဝါ၊ ဆွတ်မိုင်၊ ရွှေစုမိုးပြည့်နိုင် စသည့် မိတ်ဖက် ကုမ္ပဏီများဖြင့် စုဖွဲ့ထားပြီး ရှယ်ယာ ၂၈ ခု ရှိကာ အစုရှယ်ယာ တခုလျှင် သိန်းတထောင် ဖြစ်ကြောင်း သိရသည်။

၂၀၁၁ ခုနှစ်၊ စက်တင်ဘာလတွင် ရမည်းသင်းခရိုင်၊ မိုးထိမိုးမိဒေသ ၆,၁၀၅ ဧက၌ ရွှေသတ္တု တူးဖော်ရန် ၎င်းကုမ္ပဏီ အုပ်စုက တရားဝင် လုပ်ကိုင်ခွင့် ရရှိချိန်မှ စ၍ အသေးစား ရွှေထုတ်လုပ်မှု ဇုန် ၁၂ ခုအတွင်း အလုပ်သမား နှစ်သိန်းကျော်ကို ငါးနှစ်သက်တမ်းဖြင့် ထွက်ရှိသည့် ရွှေဗြုန်းများကို အချိုးကျ ခွဲယူရန် နှုတ်ကတိ ပြုခဲ့သော်လည်း ၇ လအကြာ တွင် အသေးစား ရွှေထုတ်လုပ်မှုကို ပိတ်လိုက်ခြင်း ဖြစ်သည်။

အသေးစား ရွှေထုတ်လုပ်မှုသည် သဘာဝ ပတ်ဝန်းကျင် ထိခိုက်သည်ဟု ကုမ္ပဏီဘက်မှ အကြောင်းပြသော်လည်း အလုပ်သမားဘက်ကမူ ၎င်းမှာ ခိုင်လုံသော အကြောင်းပြချက် မဟုတ်ဟု ဆိုသည်။

“ရွှေတွေက အရမ်းထွက်နေလို့ ကုမ္ပဏီက လောဘကြီးပြီးတော့ အင်းပိုင်တွေကို ပေးမစားချင်တော့လို့ လူတိုင်း မလုပ်နိုင်အောင် အင်းလေးတွေကို ပိတ်လိုက်တယ်လို့ ရွှေလုပ်သားတွေက ပြောတယ်” ဟု ရွှေလုပ်သားများအရေး ကူညီဆောင်ရွက်ပေးနေသူ ပြည်သူ့အကျိုးဆောင်ကွန်ယက်မှ ဒေါ်မြင့်မြင့်အေး က ပြောသည်။

အသေးစား ထုတ်လုပ်မှု ဖြစ်သည့် အင်းတခုလျှင် သိန်း ၁၀၀ ခန့် ကုန်ကျပြီး အကြီးစားလုပ်ငန်း ဖြစ်သည့် အက်ဒစ်ခေါ် အက်တာတခုလျှင် သိန်း ၃၅၀ ခန့် ကုန်ကျသည့်အတွက် အင်းပိုင်များအနေနှင့် အကြီးစား လုပ်ငန်းကို လုပ်နိုင် စွမ်း မရှိကြောင်း ဒေါ်မြင့်မြင့်အေး က ပြောသည်။

ရွှေလုပ်သားများ အနေနှင့် ဇွန်လ ၁၄ ရက်နေ့က သဘောတူထားချက်အတိုင်း လုပ်ကိုင်ခွင့် မရရှိသေးသဖြင့် ဇူလိုင်လ ၁၀ ရက်နေ့ နောက်ဆုံးထား ဖြေရှင်းပေးရန် တောင်းဆိုထားပြီးနောက် ကုမ္ပဏီများဘက်က ဇူလိုင်လ ၁၈ ရက်တွင်ပြေလည်အောင် ဖြေရှင်းပေးမည်ဟု အကြောင်းပြန်ထားသည်။

ကုမ္ပဏီများဘက်မှ သတ်မှတ်ရက်တွင် ဖြေရှင်းမပေးပါက လူထုအင်အားဖြင့် တောင်အောက် တဖန်ဆင်းကာနေပြည်တော်ထိ ချီတက်ဆန္ဒပြရန် သို့မဟုတ် ကုမ္ပဏီက ပိတ်ထားသည့် ဗြုန်းကြိတ်စက်တွင် ဝင်ကြိတ်ရန်တို့ကို ဆုံးဖြတ်ထားကြောင်းလည်း ဒေါ်အေးအေးမြင့် ပြောပြချက်အရ သိရသည်။

ကွန်းချမ်း 
စံခလပူရီ (မဇ္ဈိမ)


http://www.thithtoolwin.com/2012/07/blog-post_6035.html#.UAWKdJPbXbM

မြန်မာစစ်သားများ၏ ရိုက်နှက်မှုကြောင့် တီးတိန်တွင် ရွာသားတဦးသေဆုံး

ချင်းပြည်နယ် တီးတိန်မြို့နယ် ဆိုဇန် ကျေးရွာတွင် ရဲ နဲ့ စစ်သားများက လိုင်စင်မဲ့ ဆိုင်ကယ်ပိုင် ရှင်များ ထံ ငွေကြေးတောင်း ခံရာမှ ခိုက်ရန်ဖြစ်ပွားမှုတခုဖြစ်ခဲ့ရာ ဇူလိုင်လ ၁၁ ရက်နေ့က  ရွာသားတဦး သေဆုံးသွား သည်ဟု သိရသည်။

တီးတိန်မြို့မှ ၁ မိုင်ခန့်ဝေးသော ဆိုဇန်ကျေးရွာ အနီး ကနေဒီတောင်တွင် တာဝန်ကျ ကလေး မြို့ အမှတ် (၆) ဆက်သွယ် ရေးတပ်မှ တပ်သား ၂ ဦး နှင့် ရဲ ၁ ဦးတို့သည် ဆိုဇန်ကျေးရွာတွင် လိုင်စင်မဲ့ဆိုင်ကယ်ပိုင် ရှင်တွေ ထံ ငွေကြေး တောင်းခံ ရာမှ ဆိုင်ကယ်ပိုင်ရှင်များနှင့် ခိုက်ရန်ဖြစ် ပွားခဲ့ခြင်းဖြစ်သည်။

အဆိုပါ ခိုက်ရန်ဖြစ်ပွားမှုကို သွားရောက်ဖြန်ဖြေခဲ့သော ဆိုဇန်ရွာသား ဦးထန်မှုန်းသည် စစ်သား များ၏ရိုက်နှက်မှုကြောင့် ဇူလိုင်လ ၁၃ ရက်နေ့က တီးတိန်ပြည်သူ့ဆေးရုံး တွင် သေဆုံးသွား ခဲ့ခြင်းဖြစ်သည်ဟု တီးတိန်မြို့နယ် အမျိူးသား ဒီမိုက ရေစီ အဖွဲ့ချူပ် ခေါင်းဆောင် ပူးထန်ဒိုး လျန်ကပြောသည်။

“ ရဲတယောက်နဲ့ စစ်သားတွေက လိုင်စင်မရှိတဲ့ဆိုင်ကယ်တွေကို ပိုက်ဆံတောင်းတာ သူ့ရွာ သား တွေနဲ့စကား များတာ သူကတဖက်နဲ့တဖက် ရန်မဖြစ်နဲ့ဆိုပြီး ဖျန်ဖျေတာ စစ်သားတွေက ရိုက်တာပေါ့နော် သူ့နဖူး ၂ လက်မလောက် ကွဲပြီးတော့ ၂ လက်မလောက် နက်တယ်နော် ခုဆေးရုံးမှာ သေသွားတယ်’’ ဟု သူကပြောသည်။

အခင်းဖြစ်ပွားရာတွင် ပါဝင်သော ရဲ တဦးကို တီးတိန်မြို့နယ်အာဏာပိုင်များက ဖမ်းဆီးလိုက်ပြီ ဟု သိရပြီး စစ်သား ၂ ဦး၏ အခြေအနေကိုမူ မသိရသေးပေ။ ယခုကိစ္စနှင့်ပတ်သက်ပြီး ယနေ့ တွင် ဟားခါးမြို့မှ ပြည်နယ်ရဲမှူး တီးတိန်မြို့ သို့ ရောက် လာမည်ဟုသိရသည်။

တီးတိန်မြို့နယ်တွင် ယခုရက်ပိုင်းအတွင်း အရပ်သား နှင့် အာဏာပိုင်များ ခိုက်ရန်ဖြစ်ပွားမှုမကြာခဏဖြစ် ပွားလျက်ရှိ သည်။

ပြီးခဲ့သည့် ဇွန်လ ၂၉ ရက်နေ့ကလည်း တီးတိန်မြို့ပေါ်ရှိ ၅၂၈ စားသောက်ဆိုင် ပိုင်ရှင် မမားမာန် ကို ဒေသတွင်းအခြေ စိုက် စစ်ဘက်ရေးရာလုံခြုံရေး( စရဖ) ရဲဘော် တပ်ကြပ် ဇင်ထွေးက လည်ပင်းညှစ်ပြီး ဦးခေါင်းကို ထိုးနှက်ခဲ့မှုတခုဖြစ်ပွား ခဲ့ပြီး ယင်းကိစ္စကို အရေး ယူပေးရန် အထက်အာဏာပိုင်များထံ အမှုဖွင့်တိုင်ကြားခဲ့သည်။

ခိုနူမ်းထုန် သတင်းဌာန


http://www.thithtoolwin.com/2012/07/blog-post_1674.html#.UAWJnZPbXbM

စာအုပ်ထုတ်ဝေရေး လောကသားအားလုံး တစ်ပြေးညီ ခံစားရမည့် အခွင့်အလမ်းများကို ဆောင်ရွက်နေပြီ

စာအုပ်ထုတ်ဝေရေး လောကသားအားလုံး တစ်ပြေးညီခံစားရမည့် အခွင့်အလမ်းများကို မြန်မာနိုင်ငံ စာပေထုတ်ဝေသူနှင့် ဖြန့်ချိသူများအသင်းက ဆောင်ရွက်နေပြီဖြစ်ကြောင်း သိရသည်။ ဇူလိုင် ၁၅ ရက် နံနက် ၉ နာရီတွင် ရန်ကုန်မြို့၊ လမ်းမတော်မြို့နယ်ရှိ သူနာပြုတက္ကသိုလ်ခန်းမ၌ ကျင်းပသော မြန်မာနိုင်ငံ စာပေထုတ်ဝေသူနှင့် ဖြန့်ချိသူများအသင်း ပထမအကြိမ် မျက်နှာစုံညီ အစည်းအဝေးတွင် အတွင်းရေးမှူး ဦးမြင့်ထွန်း (Quality Publishing House နှင့် ဆုပြည့်စုံထွန်းစာပေ) က ယင်းကဲ့သို့ ပြောကြားလိုက်ခြင်း ဖြစ်သည်။ ယင်းအခမ်းအနားသို့ ပြန်ကြားရေးနှင့် ယဉ်ကျေးမှု ဝန်ကြီးဌာန ပြည်ထောင်စုဝန်ကြီး ဦးကျော်ဆန်း တက်ရောက် အဖွင့်အမှာစကား ပြောကြားခဲ့ကြောင်း သိရသည်။ ဦးမြင့်ထွန်းက “လောလောဆယ် အသင်းဝင်ထားသူရော၊ အသင်းဝင်မထားသူတွေရော၊ ထုတ်ဝေရေး၊ ဖြန့်ချိရေး လုပ်ဆောင်နေသူတွေ အားလုံး တစ်ပြေးညီခံစားရမည့် အခွင့်အလမ်းများကိုလည်း ဆောင်ရွက်နေပါပြီ” ဟု ပြောကြားခဲ့သည်။ ယင်းအပြင် ISBN ၊ ISSN ကိစ္စများ၊ စာအုပ်ရောင်းအား မြှင့်တင်ရေး စာအုပ်ပွဲတော်များကို ရန်ကုန်မြို့ပေါ်တွင် သာမက နယ်မြို့များတွင်ပါ နှစ်စဉ်ဆောင်ရွက်သွားရန်၊ စာရေးဆရာအသင်းနှင့် ညှိနှိုင်း၍ စာဖတ်ရှိန် မြှင့်တင်ရေးနှင့် စာပေဟောပြောပွဲများကိုလည်း လုပ်ဆောင်သွားမည်ဖြစ်ပြီး စာအုပ်ထုတ်ဝေသူများ သိသင့်သိထိုက်သော Copyright ကိစ္စနှင့် ပတ်သက်သော ဆွေးနွေးပွဲများ၊ ထုတ်ဝေသူ၊ ဖြန့်ချိသူများ အချင်းချင်း အခက်အခဲများကို ပွင့်ပွင့်လင်းလင်း ဆွေးနွေးတင်ပြနိုင်သော အလုပ်ရုံဆွေးနွေးပွဲများ၊ နိုင်ငံတကာ စံချိန်စံညွှန်များကို လေ့လာနိုင်သော ပြည်တွင်းပြည်ပ ခရီးစဉ်များ၊ အာဆီယံ စာအုပ်ရောင်းချသူများ အသင်းနှင့် ချိတ်ဆက်၍ ဒေသတွင်း ထုတ်ဝေရေးများကို မြှင့်တင်သွားရန် လုပ်ဆောင်နေပြီဖြစ်ကြောင်း ၂၀၁၂ ခုနှစ် ဇူလိုင် ၁၉ ရက်နေ့ထုတ် ရန်ကုန်တိုင်း(မ်) ဂျာနယ်တွင် ဖြော်ပထားပါသည်။  http://www.khitlunge.net.mm/news/news_detail.aspx?info_id=26274

ဗြိတိန်နိုင်ငံက ရန်ကုန်တွင် ကုန်သွယ်ရေးရုံး ဖွင့်လှစ်

မြန်မာနိုင်ငံ၏ စီးပွားရေး အချက်အချာအကျဆုံး မြို့ဖြစ်သည့် ရန်ကုန်မြို့တွင် ဗြိတိန်နိုင်ငံ ကုန်သွယ်ရေးနှင့် ရင်းနှီးမြှုပ်နှံမှုဆိုင်ရာ ရုံးကို ၁၁-၇-၂၀၁၂ ရက်က ဖွင့်လှစ်ခဲ့ကြောင်း သိရသည်။ မြန်မာနိုင်ငံ၏ ပွင့်လင်းမြင်သာသော အပြောင်းအလဲများအပေါ် တုံ့ပြန်မှုအနေဖြင့် အရေးယူ ပိတ်ဆို့မှုများကို ဖယ်ရှားပေးခဲ့သည့်အပြင် မြန်မာနိုင်ငံ၏ စီးပွားရေး အချက်အချာမြို့ဖြစ်သော ရန်ကုန်မြို့တွင် ဗြိတိန်ကုန်သွယ်ရေး အမှုဆောင်ညွှန်ကြားရေးမှူးချုပ် Nick Baird က မြန်မာနိုင်ငံ၏ ဖွံ့ဖြိုးရေး လုပ်ငန်းများတွင် အာရုံစိုက် ရင်းနှီးမြှုပ်နှံပြီး စီးပွားရေးဆိုင်ရာ အခြေခံအဆောက်အအုံ လိုအပ်ချက်များကို ဖြည့်ဆည်းပေးနိုင်မည့် ရင်းနှီးမြှုပ်နှံမှုများ ပြုလုပ်ရန် ရည်ရွယ်ထားကြောင်း ရုံးဖွင့်ပွဲ အခမ်းအနားတွင် ပြောကြားခဲ့သည်။ “လျှပ်စစ်စွမ်းအား ဝန်ကြီးဌာနရဲ့ စွမ်းအင်ကဏ္ဍမှာ ကျွန်တော်တို့ ဗြိတိန်က နည်းပညာပိုင်း ဆိုင်ရာ ကျွမ်းကျင်မှု အကူအညီတွေ ပံ့ပိုးပေးနိုင်တယ်ဆိုတာ လုံးဝသေချာပါတယ်” ဟု ယင်းက ပြောကြားခဲ့သည်။ မြန်မာနိုင်ငံတွင် နိုင်ငံရေး၊ လူ့အခွင့်အရေး အခြေအနေများကြောင့် ဗြိတိန်အပါအဝင် အခြား အနောက်နိုင်ငံများက မြန်မာနိုင်ငံအပေါ် အရေးယူပိတ်ဆို့မှုများ ပြုလုပ်ခဲ့သော်လည်း အစိုးရသစ် လက်ထက်တွင် ပွင့်လင်းမြင်သာသော ပြောင်းလဲမှုများကြောင့် အရေးယူဒဏ်ခတ်မှုများ လျှော့ပေါ့ပြီး မြန်မာနိုင်ငံ ဖွံ့ဖြိုးရေးလုပ်ငန်းများအတွက် အကူအညီများ ပေးအပ်လာကြခြင်းဖြစ်ကြောင်း သိရသည်။ ဗြိတိန်နိုင်ငံ အနေဖြင့်လည်း မြန်မာနိုင်ငံတွင် ရင်းနှီးမြှုပ်နှံမှုများအတွက် ဘဏ္ဍာရေးလုပ်ငန်းများ အားကောင်းလာစေရန် ကူညီပေးမည်ဖြစ်ကြောင်း၊ စီးပွားရေး ပူးပေါင်းဆောင်ရွက်မှုများ သာမက လူမှုရေးအရ ဆက်ဆံမှုများကိုလည်း တိုးမြှင့်သွားရန် နှစ်နိုင်ငံ တာဝန်ရှိသူများက မျှော်လင့်နေကြောင်းလည်း သိရသည်။ ယင်း ဗြိတိန်ကုန်သွယ်ရေးရုံး ကိုယ်စားလှယ်အဖွဲ့မှ တာဝန်ရှိသူများသည် မြန်မာနိုင်ငံမှ စီးပွားရေး လုပ်ငန်းရှင်များ၊ အစိုးရ တာဝန်ရှိသူများနှင့် တွေ့ဆုံဆွေးနွေးမှုများ ပြုလုပ်ရန် စီစဉ်ထားကြောင်း ၂၀၁၂ ခုနှစ် ဇူလိုင် ၁၉ ရက်နေ့ထုတ် ပြည်မြန်မာ ဂျာနယ်တွင် ဖော်ပြထားပါသည်။ http://www.khitlunge.net.mm/news/news_detail.aspx?info_id=26273

အမြန်ချောစာများအား ယနေ့ပို့ မနက်ဖြန်ရောက်စနစ်ဖြင့် ၀န်ဆောင်မှုပေးလျက်ရှိ

ဆက်သွယ်ရေး၊ စာတိုက်နှင့် ကြေးနန်းဝန်ကြီးဌာနမှ ပြည်တွင်းအမြန်ချောပို့ လုပ်ငန်းများကို ပုဂ္ဂလိကကုမ္ပဏီ သုံးခုသို့ လုပ်ကိုင်ခွင့်ပေးသည်။ ပုဂ္ဂလိက ကုမ္ပဏီသုံးခုမှာ United Courier Services(UCS)၊ ကစ္စပနဒီ၊ Matrix Logistic ကုမ္ပဏီတို့ဖြစ်ပြိး ပထမအဆင့်အနေဖြင့် နေပြည်တော်၊ ရန်ကုန်၊ မန္တလေး၊ ပြည်၊ မကွေး၊ မြိတ်၊ ဘားအံမြို့များသို့ ပို့ဆောင်မှုပေးသည်။ နေပြည်တော်၊ ရန်ကုန်၊ မန္တလေး အမြန်ချောပို့ စာတစ်စောင် ကျပ် ၂၅၀၀ သတ်မှတ်ထားပြီး လာရောက်ပေးပို့ရန် အခက်အခဲရှိသူများအတွက် သွားရောက်ယူခြင်း၊ သွားရောက်ပို့ခြင်း ဝန်ဆောင်မှုပေးခြင်းများ ဆောင်ရွက်ပေးသည်။ အမြန်ချောစာများအား ယနေ့ပို့ မနက်ဖြန်ရောက် စနစ်ဖြင့် ဝန်ဆောင်ပေးပြီး ပျောက်ဆုံးပျက်စီးပါက ကျပ်ငါးသောင်း (သို့) ပစ္စည်းတန်ဖိုး ပေးလျော်ကြောင်း ၂၀၁၂ ခုနှစ် ဇူလိုင်လ ၁၇ ရက်နေ့ထုတ် ကြေးမုံ သတင်းစာတွင် ဖော်ပြထားပါသည်။ 


http://www.khitlunge.net.mm/news/news_detail.aspx?info_id=26272

မက်စ်မြန်မာနှင့် ဒေသခံဆန်စပါး အထူးပြုကုမ္ပဏီများ စိုက်စရိတ် ကျပ်ငွေ ၂ ဒသမ ၅ ဘီလီယံကို ၁ ရာခိုင်နှုန်း အတိုးဖြင့် ထုတ်ချေး

မက်စ်မြန်မာကုမ္ပဏီနှင့် ဒေသခံဆန်စပါး အထူးပြုကုမ္ပဏီတို့ ပူးပေါင်းကာ ဧရာဝတီတိုင်းဒေသကြီး ရေကြည်နှင့် ကျုံပျော်မြို့နယ်ရှိ လယ်သမားများကို မိုးစပါးစိုက်ပျိုးစရိတ်အတွက် အတိုးနှုန်း တစ်ရာခိုင်နှုန်းဖြင့် ငွေကျပ် ၂ ဒသမ ၅ ဘီလီယံအား ဇူလိုင်လ ၁၂ ရက်နေ့တွင် ချေးငွေအဖြစ် ထုတ်ချေးပေးခဲ့ကြောင်း သိရသည်။ ဧရာဝတီတိုင်းဒေသကြီးအတွင်း အထူးပြုကုမ္ပဏီများမှ လယ်သမားများကို စိုက်စရိတ် ချေးငွေများ ပံ့ပိုးပေးရာတွင် ယခင်နှစ်များက အတိုးနှုန်းကို နှစ်ရာခိုင်နှုန်း သတ်မှတ်ခဲ့ရာမှ ယခုနှစ်တွင် တစ်ရာခိုင်နှုန်းသို့ လျှော့ချပေးခဲ့ခြင်းဖြစ်ကြောင်း ဒေသခံတောင်သူများက ပြောသည်။ “ချေးငွေပေးတာ သုံးနှစ်ရှိပါပြီ။ နှစ်တိုင်းတော့ အတိုးက နှစ်ကျပ်ပေးရတယ်။ ဒီနှစ် တစ်ကျပ်ဆိုတော့ ကုမ္ပဏီကို ကျေးဇူးတင်ပါတယ်။ လိုသလောက် ဦးရေတော့ မရနိုင်သေးဘူး။ ငွေထုတ်မယ့် တောင်သူတွေကိုတော့ အုပ်ချုပ်ရေးမှူးက တာဝန်ခံပေးရတယ်” ဟု ကျုံပျော်မြို့နယ် စနှောင်းကွင်းကျေးရွာမှ လယ်သမား ဦးသိန်းလွင်က ပြောသည်။ ယင်းသို့ ချေးငွေများ ထုတ်ပေးရာတွင် လယ်တစ်ဧကလျှင် ကျပ် ၅၀၀၀၀ နှုန်းဖြစ်ပြီး လတ်တလောတွင် သွင်းအားစု အပါအဝင် စိုက်စရိတ်အတွက် ကျပ် ၄၀၀၀၀ နှင့် ရိတ်သိမ်းစရိတ် ကျပ် ၁၀၀၀၀ ကိုလည်း ရိတ်သိမ်းချိန်အမီ ထုတ်ပေးသွားမည်ဖြစ်ကြောင်း သိရသည်။ အဆိုပါ ချေးငွေ ထုတ်ပေးရာတွင် ကျုံပျော်မြို့နယ်အတွင်း ကျေးရွာအုပ်စု ၄၆ စုမှ တောင်သူ ၃၃၅၀ အတွက် ကျပ်သိန်းပေါင်း ၁၀၀၀၀ နှင့် ရေကြည်မြို့နယ်အတွင်း ကျေးရွာအုပ်စု ၅၁ စုမှ တောင်သူ ၃၉၀၀ ကျော်အတွက် ကျပ်သိန်းပေါင်း ၁၅၀၀၀ ထုတ်ချေးပေးနိုင်ခဲ့ကြောင်း ၂၀၁၂ ခုနှစ် ဇူလိုင်လ ၁၉ ရက်နေ့ထုတ် ရန်ကုန်တိုင်း(မ်) ဂျာနယ်တွင် ဖော်ပြထားပါသည်။ 


http://www.khitlunge.net.mm/news/news_detail.aspx?info_id=26271

Visa နှင့် Master ကတ်များ ဆီးဂိမ်းအမီ အသုံးပြုနိုင်ရန် ပြည်တွင်းဘဏ်များ ညှိနှိုင်းဆောင်ရွက်နေ

နိုင်ငံတကာ ခရီးသွားဧည့်သည်များ Visa, Master ကတ်ကို ပြည်တွင်း၌ အသုံးပြုနိုင်ရေးကို ၂၀၁၃ ခုနှစ် ဆီးဂိမ်းအမီအကောင်အထည်ဖော်နိုင်ရန်အတွက် ပြည်တွင်းဘဏ်များမှ ဆွေးနွေးညှိနှိုင်းလျက်ရှိကြောင်း ပြည်တွင်းပုဂ္ဂလိကဘဏ် အသိုင်းအဝိုင်းမှ သိရသည်။ လက်ရှိတွင် ပြည်တွင်းဘဏ်များ အနေဖြင့် ပူးပေါင်းဆောင်ရွက်နိုင်ရန်အတွက် ကြိုတင်ပြင်ဆင်မှုများ ပြုလုပ်၍ ညှိနှိုင်းမှုများ ပြုလုပ်နေကြောင်း ပြည်တွင်းပုဂ္ဂလိကဘဏ် တစ်ခုဖြစ်သည့် သမဝါယမဘဏ်လီမိတက်မှ မန်နေဂျင်းဒါရိုက်တာ ဦးဖေမြင့်က ပြောသည်။ “မြန်မာနိုင်ငံမှ လုပ်မယ့် ဆီးဂိမ်းမတိုင်မီမှာ နိုင်ငံတကာက ကတ်တွေကို ပြည်တွင်းမှာ သုံးနိုင်ဖို့အတွက် ပြည်တွင်းဘဏ်တွေက ညှိနှိုင်းမှုတွေ လုပ်နေပါပြီ။ အဓိကကတော့ Visa, Master ကတ်တွေ ပြည်တွင်းမှာ သုံးစွဲနိုင်အောင် စီစဉ်နေပါတယ်” ဟု ဦးဖေမြင့်က ပြောသည်။ လက်ရှိတွင် ပြည်တွင်းပုဂ္ဂလိက ဘဏ်များအနေဖြင့် ပြည်တွင်း၌ အသုံးပြုနိုင်မည့် Debit ကတ်အမျိုးအစား ဖြစ်သည့် မြန်မာပေးမန့်ယူနီယမ်ကတ်များကို စမ်းသပ်သုံးစွဲနိုင်ရန် စီစဉ်လျက်ရှိကြောင်း သိရသည်။ “မြန်မာပေးမန့် ယူနီယမ်ကတ်ကတော့ ပြည်တွင်းမှာ Network တစ်ခုအနေနဲ့ ရှိမယ်။ အဲဒါကို Visa, Master တို့နဲ့ ချိတ်ဆက် အသုံးပြုနိုင်အောင် ဆွေးနွေးညှိနှိုင်းနေပါတယ်” ဟု ယင်းကဆက်လက် ပြောကြားခဲ့ကြောင်း ၂၀၁၂ ခုနှစ် ဇူလိုင်လ ၁၉ ရက်နေ့ထုတ် ရန်ကုန်တိုင်း(မ်) ဂျာနယ်တွင် ဖော်ပြထားပါသည်။  http://www.khitlunge.net.mm/news/news_detail.aspx?info_id=26270

မော်တော်ယာဉ် ပြုပြင်ထိန်းသိမ်းရေး နည်းပညာကောလိပ် ဖွင့်ရန်စီစဉ်

မြန်မာနိုင်ငံတွင် ပထမဆုံးအနေဖြင့် မော်တော်ယာဉ် ပြုပြင်ထိန်းသိမ်းရေး နည်းပညာကောလိပ်တစ်ခုကို ဂျပန်နိုင်ငံမှ လာရောက်ဖွင့်လှစ်သွားမည်ဖြစ်ကြောင်း သိရသည်။ “ဂျပန်နိုင်ငံက အဆင့် ၁၊ ၂ တို့နဲ့ အလားတူတဲ့ မြန်မာစက်ပြင်ဆရာတွေ ပေါ်ထွန်းလာဖို့အတွက် ဒီကောလိပ်ကို ဖွင့်လှစ်မှာ ဖြစ်ပါတယ်” ဟု ရထားပို့ဆောင်ရေး ဝန်ကြီးဌာနမှ တာဝန်ရှိသူတစ်ဦးက ပြောသည်။ ကုန်းလမ်းပို့ဆောင်ရေးနှင့် ဂျပန်ကုမ္ပဏီတို့ ပူးပေါင်းတည်ထောင်လိုက်သည့် Oriental Transporation Co.,Ltd မှ မြန်မာနိုင်ငံတွင် ပြေးဆွဲမည့် ဂျပန်ယာဉ်များကို မကြာမီတင်သွင်းတော့မည်ဖြစ်ရာ အဆိုပါ ယာဉ်များနှင့် ပတ်သက်သည့် ပြင်ဆင်ရေးအပိုင်း ပညာရပ်များနှင့် အခြားသော မော်တော်ယာဉ်များ ပြုပြင်ထိန်းသိမ်းရေးဆိုင်ရာ ပညာရပ်များကို သိရှိနိုင်ရန်အတွက် ယင်းကောလိပ်တစ်ခု ဖွင့်လှစ်ရန် စီစဉ်ခြင်းဖြစ်ကြောင်း ကုန်းလမ်းပို့ဆောင်ရေးမှ လက်ထောက်အထွေထွေမန်နေဂျာ ဦးတင်ဝင်းအောင်က ပြောသည်။ “ဒါက ဂျပန်ကုမ္ပဏီဘက်က တောင်းဆိုတာပေါ့။ ဂျပန်ကားတွေ တင်သွင်းပြီး နောက်ပိုင်းမှ ဖြစ်လာမှာပါ။ ဒီကောလိပ်ကနေ ဒီပလိုမာအဆင့် ဘွဲ့ပေးနိုင်တဲ့အထိ လုပ်ပေးနိုင်ဖို့ အစီအစဉ်ရှိပါတယ်” ဟု ယင်းကဆက်လက် ပြောသည်။ အဆိုပါ ဖွင့်လှစ်မည့် မော်တော်ယာဉ် ပြုပြင်ထိန်းသိမ်းရေးဆိုင်ရာ နည်းပညာကောလိပ်ကို အနောက်ပိုင်းခရိုင် (ဘုရင့်နောင်ဈေး) အနီးတဝိုက်တွင် ဖွင့်လှစ်နိုင်မည်ဟု ခန့်မှန်းထားကြောင်း ၂၀၁၂ ခုနှစ် ဇူလိုင်လ ၁၇ ရက်နေ့ထုတ် Flower News ဂျာနယ်တွင် ဖော်ပြထားပါသည်။ 


http://www.khitlunge.net.mm/news/news_detail.aspx?info_id=26267

 NLD ဥက္ကဋ္ဌဒေါ်အောင်ဆန်းစုကြည်နှင့် အမေရိကန် အထက်လွှတ်တော်အမတ် Mitch McConnell တို့ ပိတ်ဆို့အရေးယူမှုများနှင့် ပတ်သက်၍ ဖုန်းဖြင့်ဆွေးနွေး

အမျိုးသားဒီမိုကရေစီအဖွဲ့ချုပ် ဥက္ကဋ္ဌ ပြည်သူ့လွှတ်တော် ကိုယ်စားလှယ် ဒေါ်အောင်ဆန်းစုကြည်နှင့် အမေရိကန် အထက်လွှတ်တော်အမတ် Mitch McConnell တို့သည် မြန်မာနိုင်ငံအပေါ် ပိတ်ဆို့အရေးယူမှုများနှင့် ပတ်သက်၍ ဇူလိုင် လ ၁၆ ရက်နေ့တွင် ဖုန်းဖြင့်ဆွေးနွေးခဲ့ကြကြောင်း သတင်းရရှိပါသည်။

အမျိုးသားဒီမိုကရေစီအဖွဲ့ချုပ်မှ ပြည်သူ့လွှတ်တော် ကိုယ်စားလှယ် ဦးအုန်းကြိုင်က "ဇူလိုင်လ ၁၆ ရက်နေ့ညက ဥက္ကဋ္ဌ ဒေါ်အောင်ဆန်းစုကြည်နဲ့ Mitch McConnell တို့ လွှတ်တော်မှာပဲ ဆွေးနွေးသွားတဲ့ The Burmese Freedom and Democracy ဥပဒေကိစ္စ ဆွေးနွေးဖြစ်ခဲ့ပါတယ်။ ဖုန်းနဲ့စကားပြော ဖြစ်တာပါ။ အဲဒီမှာ ဥက္ကဋ္ဌက အချက် ၃ ချက် ပြောခဲ့တယ်။ မြန်မာ-အမေရိကန် ဆက်ဆံရေး ပိုမိုတိုးတက်လာဖို့ကိစ္စ၊ မြန်မာနိုင်ငံမှာ ဖြစ်ပေါ်နေတဲ့ ဒီမိုကရေစီ အပြောင်းအလဲတွေ အရှိန်အဟုန်မြှင့်ဖို့ကိစ္စ၊ မြန်မာနိုင်ငံ ပြည်သူလူထုဘဝ ပိုမိုတိုးတက်ဖို့ ကိစ္စတွေ ဆွေးနွေးဖြစ်ကြတယ်။ ဒီအကြောင်းအရာ ၃ခုပဲ။ ဘာ result ထွက်မယ်ဆိုတာ မပြောတတ်ဘူးလို့ ဥက္ကဋ္ဌက ပြောပါတယ်။ ကျွန်တော့် private အမြင်ပြောရရင် ဒါဟာ ဟိုနေ့က လွှတ်တော်မှာ ဆွေးနွေးခဲ့တဲ့ ကိစ္စနဲ့ ဆက်စပ်နေတယ်။ ဘာဖြစ်လို့လဲဆိုတော့ The Burmese Freedom and Democracy ဆိုတာ sanction ပဲ။ အဲဒါကို Mitch McConnell က ဥပဒေ draft လုပ်ပြီး Senate မှာ တင်တာ။ အဲဒါကို extend လုပ်ဖို့ကိစ္စလည်း သူကပဲ နှစ်စဉ်နှစ်စဉ် ခေါင်းဆောင်ပြီး တင်လာတာ။ အခုလည်း ရှေ့အပတ်ထဲမှာ တင်ဖို့၊ ဆွေးနွေးဖို့ လုပ်တော့မယ် ပြောတယ်။ အဲဒီကိစ္စပဲ။ အဲတော့ ဒါကအရေးကြီးတယ်။ ဒီဟာနဲ့ ဆက်စပ်နေတယ်။ တစ်ယောက်ထဲ အမြင်ပြောရရင် Sanction နဲ့ပတ်သက်ပြီး အခြေအနေကောင်းတွေ ဖြစ်လာမယ်လို့ ထင်ပါတယ်။ ဒီလိုဆက်သွယ်မှုကနေ ကောင်းတဲ့အလားအလာတွေ ထွက်လာမယ်လို့ မြင်ပါတယ်"ဟု ပြောကြားခဲ့သည်။

The Burmese Freedom and Democracy Act 2003 သည် လာမည့် ၂၆ ရက်နေ့တွင် သက်တမ်းကုန်ဆုံးမည် ဖြစ်ကြောင်း သိရသည်။

အဆိုပါ ဥပဒေသည် မြန်မာနိုင်ငံမှ ကုန်ပစ္စည်းများအား အမေရိကန်နိုင်ငံသို့ တင်သွင်းမှုကို ပိတ်ပင်ထားသည့် ဥပဒေဖြစ်ပြီး အမေရိကန် ကွန်ဂရက်တွင် နှစ်စဉ် သက်တမ်းတိုးရကြောင်း သိရသည်။

ပြီးခဲ့သည့်နှစ်များအတွင်းက အဆိုပါဥပဒေအား သက်တမ်းတိုးမှုမှာ လုပ်ရိုးလုပ်စဉ်အဖြစ် ဆောင်ရွက်နိုင်ခဲ့သော်လည်း ယခုနှစ်တွင်မူ ထူးခြားလျက်ရှိနေသည်။

အမေရိကန်သမ္မတ ဘာရက်အိုဘားမားသည် ၁၅ နှစ်အတွင်း မြန်မာနိုင်ငံတွင် ရင်းနှီးမြှုပ်နှံမှုများ ပြန်လည်စတင်နိုင်ရန် အမေရိကန် ကုမ္ပဏီများအား ခွင့်ပြုကြောင်း ဇူလိုင်လ ၁၁ ရက်နေ့က ကြေညာခဲ့သည်။

ထိုသို့ ကြေညာပြီး ရက်ပိုင်းအတွင် ဇူလိုင်လ ၁၄ ရက်နေ့တွင် ရင်းနှီးမြှုပ်နှံမှု အခွင့်အလမ်းများ လေ့လာရန် Boeing, Chevron, Google, General Motors, IBM, Dell, Time Warner, Visa, MasterCard Worldwide, ExxonMobil, Coca-Cola, Federal Express,GE အစရှိသည့် နာမည်ကျော် အမေရိကန်ကုမ္ပဏီများ ပါဝင်သည့် စီးပွားရေး ကိုယ်စားလှယ်အဖွဲ့သည် မြန်မာနိုင်ငံသို့ ပထမဆုံးအကြိမ် လာရောက်ခဲ့ကြသည်။

http://www.weeklyeleven.com/index.php?option=com_content&view=article&id=14581:nld----mitch-mcconnell----&catid=42:2009-11-10-07-36-59&Itemid=112

ချင်းမိုင် မြန်မာ ဘုန်းကြီးကျောင်းအရေး သမ္မတ ဦးသိန်းစိန်ထံ တင်ပြမည်

ချင်းမိုင်မြို့ရှိ ၀ပ် ဆိုင်းမွန်း မြန်မာ ဘုန်းကြီးကျောင်း၌ မြန်မာ ကျောင်းထိုင် ဆရာတော် ဆက်လက်ထား ခွင့်ရရန် သမ္မတ ဦးသိန်းစိန်ထံ တင်ပြပေးမည်ဟု ထိုင်းနိုင်ငံ ဆိုင်ရာ မြန်မာ သံအမတ်ကြီး ဦးတင်ဝင်းက ပြောကြားသည်။

ဦးသိန်းစိန်၏ ထိုင်းနိုင်ငံသို့ ဇူလိုင်လ ၂၂ ရက်နေ့မှ စတင်၍ ၃ ရက်ကြာ လာရောက်မည့် ခရီးစဉ် မတိုင်ခင် ယင်းကိစ္စကို နှစ်နိုင်ငံ တာဝန်ရှိသူများနှင့် ဆွေးနွေးနိုင်ရန် တင်ပြသွားမည် ဖြစ်ကြောင်း ယနေ့ ၀ပ်ဆိုင်းမွန်း ကျောင်းတွင် ဂေါပက အဖွဲ့ဝင်များ အပါအ၀င် မြန်မာ သံရုံး တာဝန်ရှိသူများနှင့် တွေ့ဆုံ ဆွေးနွေးရာတွင် သံအမတ်ကြီး ဦးတင်ဝင်းက ပြောကြားခြင်းဖြစ် သည်။

“၀ပ်ဆိုင်းမွန်း ကျောင်းထိုင် ပြဿနာလေးတွေမှာ လာပြီးတော့ သံဃာတော်တွေကိုလျှောက်ရင်း ဒကာ၊ ဒကာမတွေကို တွေ့ရင် ဖြစ် နိုင်မယ့် နည်းလမ်းတွေ ရှာဖွေဖို့ လာခဲ့တာပါ၊ အဓိကတော့ ကျနော်တို့တွေက ၀ိုင်းဝန်းပြီးတော့ ကူညီဆောင်ရွက်ဖို့ လာခဲ့တာ ပါ” ဟု သံအမတ်ကြီး ဦးတင်ဝင်းက သတင်းထောက်များကို ရှင်းပြသည်။

တွေ့ဆုံဆွေးနွေးသည့် အထဲတွင် ပါဝင်သည့် ချင်းမိုင်မြို့မှ ဗုဒ္ဓဘာသာ အသင်း ဥက္ကဌ ကိုစိုးဝင်းကလည်း သံအမတ်ကြီး အနေနှင့် ကူညီ ဆောင်ရွက်ပေးမည်ဟု ပြောဆိုသည်ကို အားရကျေနပ်ကြောင်း ပြောသည်။

“ကျနော်တို့ ထိုင်းပိုင်၊ မြန်မာပိုင် ဆိုတာထက် မြန်မာဘုန်းကြီးနဲ့ မြန်မာယဉ်ကျေးမှု၊ မြန်မာ အသိုင်းအ၀ိုင်းနဲ့ပဲ ဆက်လက်နေသွား နိုင်တဲ့ အခြေအနေတွေကိုပဲ မျှော်လင့်ပါတယ်”ဟု ကိုစိုးဝင်းက ဆက်ပြောသည်။

ဝပ်ဆိုင်းမွန်း ဘုန်းတော်ကြီးကျောင်းသည် ချင်းမိုင်မြို့ရှိ မြန်မာနိုင်ငံသားအများစုက ကိုးကွယ်သည့်ကျောင်းဖြစ်ပြီး မြန်မာ့ယဉ်ကျေး မှု ထုံးတမ်းစဉ်လာအရ ရိုးရာပွဲလမ်း အခမ်းအနားများ ပြုလုပ်ရန် အားထားရသော ကျောင်းလည်း ဖြစ်သည်

၂၀၁၁ ခုနှစ် ဒီဇင်ဘာလ ၁၉ ရက် တွင် ပျံလွန်တော်မှုသွားသည့် နောက်ဆုံး ကျောင်းထိုင် ဆရာတော် ဦးအာသဘ (သက်တော် ၉၁နှစ်၊ ၀ါတော် ၇၀)၏ နေရာတွင် ထိုင်း ဥပဒေအရ ထိုင်း သံဃာတော် တပါးကို အစားထိုး ခန့်အပ်ရန် ထိုင်း သာသနာရေး ဦးစီး ဌာနနှင့် ထိုင်း သံဃာတော်များက စီစဉ်နေခြင်း ဖြစ်သည်။

ပြီးခဲ့သည့်အပတ် တနင်္လာနေ့က ထိုင်း သာသနာရေးဦးစီးဌာနအပါအ၀င် ထိုင်းလူမျိုးတချို့က ထိုင်းသံဃာများကို ကျောင်းအပ်ပွဲပြု လုပ်ရန် စီစဉ်မှုကြောင့် ကျောင်းဂေါပက အဖွဲ့နှင့် ချင်းမိုင်ရှိ မြန်မာ အသိုင်းအ၀ိုင်း က ကန့်ကွက်၍ အစီအစဉ်ပျက်ခဲ့သည်။

ပျံလွန်တော်မှုသွားသည့် ဆရာတော်ကြီး ဦးအာသဘသည် ၁၃၀၈ ခုနှစ်မှ စတင်၍ ၆၅ နှစ်ခန့် ၀ပ်ဆိုင်းမွန်း ကျောင်းတွင် သတင်း သုံး နေထိုင်ခဲ့ကြောင်း ဆရာတော်၏ ထေရုပ္ပတ္တိတွင် ပါရှိသည်။

ဝပ် ဆိုင်းမွန်း ကျောင်း၌ ဆရာတော် ဦးဝရဓမ္မသည် ပထမဆုံး ကျောင်းထိုင်၍ ဦးဂန္ဓမာလာ၊ ဦးဘောဂဓမ္မ၊ ဦးဇိန၊ ဦးသာဒရ၊ ဦးတေ ဇောသိရီ၊ ဦးအာစိဏ္ဏ၊ ဦးပညာသာရ၊ ဦးဝဇီရိန္ဒနှင့် ယမန်နှစ်က ပျံလွန်တော်မူခဲ့သော ဦးအာသဘ အပါအ၀င် ကျောင်းထိုင် ဆရာ တော် ၁၀ ဆက် သီတင်းသုံးခဲ့ကြကြောင်း ကျောင်း မှတ်တမ်း၌ ဖော်ပြထားသည်။

ထိုင်း ဥပဒေအရ ထိုင်းနိုင်ငံရှိ ဘုန်းကြီးကျောင်းများတွင် သီတင်းသုံးနေထိုင်လျက်ရှိသော မြန်မာ ကျောင်းထိုင် ဆရာတော်များ ပျံ လွန်တော်မူသွားပါက ထိုင်း သံဃာတော်များ ကျောင်းထိုင်ခွင့်ရှိသည်ဟု ပြဌာန်းထားကြောင်း၊ ထိုင်းနိုင်ငံ မြောက်ပိုင်း၌ လန်ပန်းမြို့ ရှိ မြန်မာဘုန်းကြီးကျောင်း တကျောင်းကိုသာ ထိုင်းအစိုးရက တရားဝင် သတ်မှတ်ထားကြောင်းလည်း သိရှိရသည်။

ယမန်နေ့ညပိုင်းက ၀ပ် ဆိုင်းမွန်း ကျောင်း၌ ကျင်းပသည့်တရားပွဲတွင် သီတဂူ ဆရာတော် အရှင် ဉာဏိဿရက မြန်မာ ဘုန်းတော်ကြီးများ အဆက်ဆက် ကျောင်းထိုင်ခဲ့သည့် ၀ပ် ဆိုင်းမွန်း မြန်မာ ဘုန်းကြီးကျောင်းကို မြန်မာ နိုင်ငံသားများ အနေနှင့် စနစ်တကျ သမိုင်းကြောင်းများ လေ့လာ၍ ညီညီ ညွတ်ညွတ် ထိန်းသိမ်း ဆောင်ရွက်သင့်ကြောင်း မိန့်ကြားခဲ့သည်။

“ယဉ်ကျေးမှု အမွေအနှစ်တွေကို စနစ်တကျ ကာကွယ်ပြီးတော့ ထိန်းသိမ်း စောင့်ရှောက်နိုင်ရင် လူမျိုးရဲ့ သမိုင်းဟာ ခိုင်လုံတယ်၊ ဒီလူမျိုး ဘယ်က ဆင်းသက်တယ် ဆိုတာကို ခိုင်ခိုင်လုံလုံ ပြောကြားနိုင်လိမ့်မယ်”ဟု အရှင် ဉာဏိဿရက မိန့်သည်။

ဝပ် ဆိုင်းမွန်း ကျောင်း ကိစ္စကို ဆရာတော်ကြီးများ အနေနှင့် လေးနက်စွာ မိန့်ကြား၍ လာရောက်အားပေးခြင်း ဖြစ်ကြောင်း၊ လိုအပ်သည့်အကြံ အဉာဏ်များ ပေးရန် အဆင်သင့် ရှိကြောင်းလည်း အရှင် ဉာဏိဿရက ဆိုသည်။

http://burma.irrawaddy.org/archives/15133

 ရင်းနှီးမြှုပ်နှံမှု အခွင့်အလမ်းများ လေ့လာရန် Boeing, Chevron,Google, General Motors ,IBM, Dell, Master Card, Visa,Coca-cola ,GE အစရှိသည့် နာမည်ကျော် အမေရိကန်ကုမ္ပဏီများ ပါဝင်သည့် စီးပွားရေး ကိုယ်စားလှယ်အဖွဲ့ မြန်မာနိုင်ငံသို့ ပထမဆုံးအကြိမ် လာရောက်

မန်မာနိုင်ငံတွင် ရင်းနှီးမြှုပ်နှံမှု အခွင့်အလမ်းများ လေ့လာရန် ကမ္ဘာကျော် အမေရိကန် ကုမ္ပဏီများဖြစ်သည့် Boeing, Chevron,Google, General Motors ,IBM, Dell, Time Warner, Visa, Master Card Worldwide , Exxon Mobil ,Coca-cola , Federal Express , GE တို့ အပါအ၀င် နယ်ပယ် အသီးသီးမှ စီးပွားရေး လုပ်ငန်းကြီးများ ပါဝင်သည့် စီးပွားရေး ကိုယ်စားလှယ် အဖွဲ့ မြန်မာနိုင်ငံသို့ ပထမဆုံး အကြိမ် လာရောက်ခဲ့သည်။

အဆိုပါစီးပွားရေး ကိုယ်စားလှယ်အဖွဲ့ကို US-ASEAN စီးပွားရေးကောင်စီမှ ဦးဆောင်ခဲ့ခြင်း ဖြစ်ပြီး အမေရိကထိပ်တန်း ကုမ္ပဏီ ၃၈ ခုမှ အဆင့်မြင့်အမှုဆောင်ပေါင်း ၇၀ ဦးကျော်ပါဝင်ခဲ့ပြီး သည်ကာ မြန်မာနိုင်ငံအပေါ် အမေရိကန်၏ စီးပွားရေးပိတ်ဆို့မှုများ ဖြေလျော့အပြီးတွင် ပထမဆုံး လာရောက်ခဲ့သော စီးပွားရေး ကိုယ်စားလှယ်အဖွဲ့ဖြစ်သည်။

၎င်းကိုယ်စားလှယ် အဖွဲ့သည် မြန်မာနိုင်ငံ၏ စီးပွားရေးဝန်းကျင်ကို လေ့လာရန်နှင့် မြန်မာအစိုးရ၏ စီးပွားရေး အစီအစဉ်များမှ သတင်းအချက်အလက်များ စုစည်းရန်ဖြစ်ကြောင်း သိရသည်။

ကိုယ်စားလှယ် အဖွဲ့ လာရောက်ခြင်းနှင့် အတူ စီးပွားရေးကောင်စီ၏ အဖွဲ့ဝင် GE ကုမ္ပဏီ က ရန်ကုန်မြို့ရှိ ဆေးရုံနှစ်ရုံသို့ ဆေးပစ္စည်းများ တင်ပို့ရန် သဘောတူညီချက်ရထားပြီ ဖြစ်သည်။

“ ပြီးခဲ့တဲ့လတွေထဲမှာ ကျွန်တော်တို့ အမေရိကန်ကုမ္ပဏီတွေကို မြန်မာနိုင်ငံမှာ စီးပွားရေး လုပ်ကိုင်ဖို့ ဖွင့်ပေးခဲ့တဲ့ နည်းလမ်းကို ကျွန်တော်တို့ အလွန်ပဲကျေနပ်မိပါတယ်။ ဒါပေမယ့် ဒါဟာလုပ်ငန်းစဉ်ရဲ့ အစပဲ ရှိပါသေးတယ်။ အတူ တကွလက်တွဲ လုပ်ကိုင်ဖို့ နှစ်ဘက်စလုံးကအများကြီး လေ့လာရဦးမှာပါ။ ဒါ့ကြောင့် ကောင်စီက အမေရိကန်-မြန်မာ နှစ်နိုင်ငံ ဆက်ဆံရေးကို ရေရှည်တည်ဆောက်ဖို့ မြန်မာအစိုးရနဲ့ နီးကပ်စွာ ဆက်လက် လုပ်ဆောင်သွားချင်ပါတယ်” ဟု US-ASEAN စီးပွားရေးကောင် စီ၏ ဥက္ကဌဖြစ်သူ Alexander Feldman ကပြောကြားခဲ့သည်။

အမေရိကန် စီးပွားရေး ကိုယ်စားလှယ်အဖွဲ့၏ လေ့လာ ချက်အရ မြန်မာနိုင်ငံတွင် စီးပွား ရေးလုပ်ငန်းများလုပ်ကိုင်ရန်မှာ  နိုင်ငံ၏ အခြေခံအဆောက်အဦ၊ ပို့ဆောင်ရေးနှင့် ဆက်သွယ်ရေး လုပ်ငန်းများမှာ နိုင်ငံခြားမှ စီးပွားရေးလာရောက်လုပ် ကိုင်မည့်သူများအတွက် စိန်ခေါ်မှု များဖြစ် သည်ဟု USASEAN စီးပွားရေး ကောင်စီ၏ ပူးတွဲဒါရိုက်တာ Anthony Nelsonက ဇူလိုင်လ ၁၆ ရက်နေ့က ဆီဒိုးနားဟိုတယ် တွင် ပြုလုပ်ခဲ့သော သတင်းစာ ရှင်းလင်းပွဲတွင် ပြောကြားသွားခဲ့သည်။

၎င်းက ဖြေရှင်းရမည့် ကိစ္စများစွာ ကျန်နေသေးကြောင်း၊ မြန်မာနိုင်ငံကိုယ်၌က ဒေသတွင်း နှင့် ကမ္ဘာကြီးကို မည်သို့ဆက်စပ်နိုင်မည်ကို အချိန်နှစ်အနည်းငယ် ယူရဦးမည်ဖြစ်ကြောင်း သုံးသပ်သည်။

“ ဆက်စပ်တဲ့နေရာမှာ ရထားလမ်း၊ ကားလမ်းတွေလို ရုပ်ပိုင်းဆိုင်ရာအခြေခံ အဆောက်အဦတွေတင် မဟုတ်ပဲ ဒစ်ဂျစ်တယ် အခြေခံအဆောက်အဦနဲ့ ICT အခြေခံအဆောက်အဦတွေလည်း လိုအပ်ပါတယ်။ ငွေကြေးဆိုင်ရာ အဖွဲ့အစည်းတွေကိုလည်း ခရက်ဒစ်ကဒ် တွေ လုပ်ကိုင်ခွင့်ပေးဖို့၊ လူတွေ ကို ခရက်ဒစ်ကဒ်တွေ အသုံးပြု ခွင့်ပေးဖို့တွေလည်း လုပ်ဆောင်ပေး ဖို့လိုပါတယ်။ ဒါမှ ငွေကြေးတွေ ကိုအလွယ်တကူ ရွှေ့ပြောင်းနိုင်မှာပါ” ဟု ၎င်းကဆက်လက်ပြော ကြားခဲ့သည်။

၎င်းက စီးပွားရေးကိုယ်စားလှယ်အဖွဲ့တွင် ကဏ္ဍပေါင်းစုံ မှ စီးပွားရေးလုပ်ငန်းရှင်များ ပါဝင်လာသဖြင့် မည်သူတွေက အမြန် လှုပ်ရှားမည်၊ မည်သူတွေက မှန်ကန်သည့် အခွင့်အရေးကို ရှာဖွေနိုင်မည်ကို စောင့်ကြည့်ရမည်ဖြစ်သည်ဟု ဆိုသည်။

ကိုယ်စားလှယ်အဖွဲ့တွင် ပါဝင်သော ကုမ္ပဏီကြီးများအနက် Chevron ကုမ္ပဏီမှာ အမေရိကန်၏ ဒုတိယအကြီးဆုံးစွမ်းအင် ကုမ္ပဏီကြီးဖြစ်ပြီး မြန်မာနိုင်ငံအပေါ် စီးပွားရေးပိတ်ဆို့မှုများကြောင့် ၎င်း၏ လုပ်ငန်းများကို မချဲ့ထွင်နိုင်ခြင်း ဖြစ်သည်။

“ မြန်မာနိုင်ငံထဲမှာရှိတဲ့ အခွင့်အလမ်းတွေကို ကျွန်တော်တို့ ရရှိနိုင်ဖို့၊ ရှေ့ဆက်နိုင်ဖို့ အမေရိကန် က ရှေ့ကိုတစ်လှမ်းတိုးမယ်လို့ မျှော်လင့်ပါတယ်” ဟု Chevron ကုမ္ပဏီ၏ ဒုဥက္ကဌဖြစ်သူ George Kirkland အင်တာဗျူးတစ်ခုတွင် ပြောကြားခဲ့သည်။

US-ASEAN  စီးပွားရေး ကောင်စီသည် အမေရိကန်အစိုးရ နှင့်လည်း နီးကပ်စွာဆောင်ရွက် လျှက်ရှိသော အဖွဲ့အစည်းဖြစ်ပြီး သက်တမ်း ၂၇ နှစ်ရှိသွားပြီဖြစ်ကြောင်း သိရသည်။

http://www.weeklyeleven.com/index.php?option=com_content&view=article&id=14583:-boeing-chevrongoogle-general-motors-ibm-dell-time-warner-visacoca-cola-ge-&catid=99:2011-04-10-07-08-41&Itemid=174

ဇူလိုင်လ (၁၅) ရက်နေ့က ရန်ကုန်၊ Junction Square Shopping Mall မှာ ကျင်းပခဲ့တဲ့ မိုးရာသီ ပျော်ပွဲရွှင်ပွဲ နှင့် Promotion ပွဲတော်

Model Saung Yonn San @ Monsoon Fair & Promotion Festival

Monsoon Fair & Promotion Festival Organized by Universal INT'L Model Agency
Held On July 15, 2012
At Junction Square Shopping Mall, Yangon.

Photos By Wai Yan.
Photos of MyanmarCelebrity.Com

Sky Net အပါအ၀င် လုပ်ငန်းစုံ လုပ်ကိုင်နေသည့် ရွှေသံလွင်ကုမ္ပဏီ ဘီယာ၊ စီးကရက်နှင့် အချိုရည်ထုတ် လုပ်ငန်း တည်ထောင်ရန် MIC မှ ခွင့်ပြုချက်ရရှိ

မြန်မာနိုင်ငံ ရင်းနှီးမြှုပ်နှံမှု ကော်မရှင်(MIC) မှ ရွှေသံလွင် ကုမ္ပဏီအား ဘီယာ၊ စီးကရက်နှင့် အချိုရည် ထုတ်လုပ်သည့် လုပ်ငန်း တည်ထောင်ရန် ခွင့်ပြုထားကြောင်း သတင်းရရှိပါသည်။

ရွှေသံလွင်ကုမ္ပဏီ အနေဖြင့် လက်ရှိတွင် Sky Net ရုပ်သံလိုင်းအပါအ၀င်၊ ဆောက်လုပ်ရေးလုပ်ငန်း၊ သယ်ယူ ပို့ဆောင်ရေးလုပ်ငန်း၊ ပို့ကုန်သွင်းကုန်လုပ်ငန်း၊ သတ္တု တွင်းတွက် လုပ်ငန်း၊ စိုက်ပျိုးရေးလုပ်ငန်း၊ စက်မှုလုပ်ငန်းနှင့် အခြားလုပ်ငန်းများ လုပ်ကိုင်နေခြင်းဖြစ်ပြီး ယခုအခါ ဘီယာ၊ စီးကရက်နှင့် အချိုရည်ထုတ်လုပ်ငန်းအား ထပ်မံလုပ်ကိုင်ခွင့်ရခြင်းဖြစ်ကြောင်း သိရသည်။
ဘီယာ၊ စီးကရက်နှင့် အချိုရည်ထုတ်လုပ်ငန်း လုပ်ကိုင်ခွင့်အား မြန်မာနိုင်ငံ ရင်းနှီးမြှုပ်နှံမှုကော်မရှင်မှ မကြာသေးခင်က လုပ်ကိုင်ခွင့်ပြုခဲ့ခြင်းဖြစ်ကြောင်း ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှုဦးစီးဌာနမှ တာဝန်ရှိသူတစ်ဦးက ပြောကြားခဲ့ပါ သည်။

"ရွှေသံလွင်ကုမ္ပဏီက လျှောက်ထားတဲ့ ဘီယာ၊ စီးကရက်၊ အချိုရည်ထုတ်လုပ်ငန်း လုပ်ကိုင်ခွင့်ကို ချထားပေးလိုက်ပါပြီ။ သိပ်မကြာခင်က ခွင့်ပြုလိုက်တာပါ။ မြန်မာနိုင်ငံသားများ ရင်းနှီးမြှုပ်နှံမှုဥပဒေ (Myanmar citizens Investment Law) အရ မြှုပ်နှံခွင့်ပြုတာပါ" ဟု ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှုဦးစီးဌာနမှ တာဝန်ရှိသူတစ်ဦးက ပြောပြခဲ့သည်။

မြန်မာနိုင်ငံ ရင်းနှီးမြှုပ်နှံမှု ကော်မရှင် (MIC) သို့ လုပ်ကိုင်ခွင့်ပြုရန် တင်ပြထားသည့် လုပ်ငန်းများစွာရှိကြောင်း၊ မြန်မာနိုင်ငံသားများ ရင်းနှီးမြှုပ်နှံမှု ဥပဒေအရ လုပ်ကိုင်ခွင့်ပြုရန် လျှောက်ထားသည့် လုပ်ငန်းများထဲတွင် လုပ်ငန်းကြီးအနေဖြင့် လျှောက်ထားဆဲ လုပ်ငန်းမှာ မန္တလေးတိုင်းဒေသကြီးအတွင်း စက်မှုဇုန် တည်ထောင်ရန် လျှောက်ထားသည့် လုပ်ငန်းပါဝင်ကြောင်းလည်း သိရသည်။

အဆိုပါ စက်မှုဇုန် အား တည်ထောင်လုပ်ကိုင်ခွင့်ပြုရန်အတွက် Royal HighTech ကုမ္ပဏီမှ လျှောက်ထားခြင်းဖြစ်ကြောင်းနှင့် လုပ်ကိုင်ခွင့်ပြုရန် ချထားပေးခြင်း မပြုရသေးကြောင်းလည်း သိရသည်။
"လျှောက်ထားတဲ့ လုပ်ငန်းတွေကတော့ ရှိပါတယ်။ အခုနောက်ဆုံး ခွင့်ပြုမိန့်ပေးခဲ့တာကတော့ ဒီလပိုင်းမှာ ရွှေသံလွင်ရဲ့လုပ်ငန်းပါ။  ခွင့်ပြုမိန့် ချမပေးရသေးတဲ့ လုပ်ငန်းထဲမှာ လုပ်ငန်းကြီးတာဆိုရင်တော့ မန္တလေးက လျှောက်ထားတဲ့ စက်မှုဇုန် ပဲရှိတယ်။ ဒါကိုတော့ Royal HighTech က လျှောက်တာပါ"ဟု ၎င်းက ဆက်လက်ပြောကြားခဲ့ပါသည်။

နိုင်ငံသားများ ကဏ္ဍအလိုက် မြှုပ်နှံမှုပမာဏ(ကျပ်၊ သန်း)

လုပ်ငန်းအမျိုးအစား	၂-၄-၂၀၁၂ ထိမြှုပ်နှံမှု		၂၁-၅-၂၀၁၂ ထိမြှုပ်နှံမှု
	အရေအတွက်	ပမာဏ	အရေအတွက်	ပမာဏ
ဆောက်လုပ်ရေး	၅၂	၆၃၂၃၀၈ .၉၃	၅၂	၆၃၂၃၀၈ .၉၃
စွမ်းအင်	၆	၂၄၁၈၆၃ .၂၄	၆	၂၄၁၈၆၃ .၂၄
ကုန်ထုတ်လုပ်မှု	၅၈၂	၄၆၂၇၈၀ .၈၄	၅၈၂	၄၅၂၈၄၂ .၄၆
အခြား	၁၇	၁၄၄၁၅၀ .၁၆	၁၇	၁၄၄၁၅၀ .၁၆
အိမ်ခြံမြေ	၃၁	၃၅၀၈၁ .၉၆	၃၁	၃၅၀၈၁ .၉၆
သယ်ယူပို့ဆောင်ရေး	၁၇	၇၁၇၂၀ .၆၂	၁၈	၇၁၉၃၇ .၆၂
ရေထွက်ကုန်	၅၆	၁၅၃၅၃ .၀၀	၅၆	၁၅၃၅၃ .၀၀
သတ္တုတူးဖော်ရေး	၅၀	၁၀၅၀၇ .၉၂	၅၁	၁၁၀၀၇ .၉၂
ဟိုတယ်နှင့်ခရီးသွားလာရေး	၂၃	၅၄၂၃၆ .၅၃	၂၃	၅၄၂၃၆ .၅၃
စက်မှု	၁	၁၀၁၂ .၇၉	၁	၁၀၁၂ .၇၉
လယ်ယာစိုက်ပျိုးရေး	၅	၅၄၇ .၉၀	၅	၅၄၇ .၉၀

http://www.weeklyeleven.com/index.php?option=com_content&view=article&id=14582:mic-sky-net-&catid=42:2009-11-10-07-36-59&Itemid=112

ကမ္ဘာ့ဆွဲဆောင်မှုအရှိဆုံးအမျိုးသမီး

ဓာတ်ပုံ - www.firstpost.com

ကမ္ဘာပေါ်မှာ ဆွဲဆောင်မှုအရှိဆုံး အမျိုးသမီးလို့ နာမည်ကြီး FHM အမျိုးသားမဂ္ဂဇင်းက ၄ နှစ်ဆက်တိုက် မဲပေး ရွေးချယ်ခဲ့တဲ့ ဘောလီးဝုဒ် (Bollywood) ရုပ်ရှင်မင်းသမီးချော ကက်ထရီနာ ကာ့ဖ် (Katrina Kaif) ဟာ ဒီနေ့ဆိုရင် အသက် ၂၈ နှစ် ပြည့်ပါပြီ။

အင်္ဂလိပ်မိခင်နဲ့ အိန္ဒိယဖခင်တို့က ပေါက်ဖွားလာတဲ့ ကက်ထရီနာဟာ ဟောင်ကောင်မှာမွေးပြီး အင်္ဂလန်မှာ ကြီးပြင်းခဲ့သူ ဖြစ်ပါတယ်။

ကက်ထရီနာဟာ ၂၀၀၃ ခုနှစ်မှာ Boom ရုပ်ရှင်နဲ့ ဘောလီးဝုဒ်လောကထဲကို စတင်ဝင်ရောက်ခဲ့ပေမယ့် အောင်မြင်မှုမရခဲ့ပါဘူး။
ဒါပေမယ့် သူ့ရဲ့ ၂၀၀၇ ခုနှစ် Namaste London ရုပ်ရှင် ထွက်လာပြီးနောက်မှာတော့ ဘောလီးဝုဒ်ရဲ့ ထိပ်တန်းသရုပ်ဆောင် တယောက် ဖြစ်သွားပါပြီ။

အခုဆိုရင် ရုပ်ရှင်သရုပ်ဆောင်အဖြစ်သာမက Vogue, Elle နဲ့ Bazaar စတဲ့ နိုင်ငံတကာမဂ္ဂဇင်းတွေအတွက် မျက်နှာဖုံးပုံရိုက်တာ၊
နာမည်ကြီး ဒီဇိုင်နာတွေရဲ့ ဖက်ရှင်ပွဲတွေမှာ လမ်းလျှောက်တာတွေအပြင်
လူကြိုက်များ အသုံးအဆောင်ပစ္စည်းတွေ ဖြစ်တဲ့ Lakme၊ Pentene၊ Veet၊ L'Oreal၊ Kodak ကင်မရာ၊ Samsung၊ LG နဲ့ Estelle လက်ဝတ်ရတနာ ကုမ္ပဏီတွေအတွက်လည်း ကြော်ငြာတွေ ရိုက်နေပါပြီ။

ဓာတ်ပုံ - www.bollywoodmantra.com 

ကမ္ဘာကျော် ရှာဖွေရေးကုမ္ပဏီကြီး ဂူဂယ်လ်ကတော့ ကက်ထရီနာဟာ ၂၀၀၈၊ ၂၀၀၉ နဲ့ ၂၀၁၀ ခုနှစ်တွေအတွင်း ဂူဂယ်လ်မှာ လူအများဆုံး ရှာကြည့်သူတယောက်လို့ ဆိုပါတယ်။


http://blog.irrawaddy.org/2012/07/blog-post_1965.html

“အမျိုးသားရေးဟာ ဆားလိုပဲ”

၈၈ မျိုးဆက် ကျောင်းသားများအဖွဲ့ဟာ မကြာသေးမီက ရခိုင်ပြည်နယ် ပဋိပက္ခဒေသတွေကို သွားရောက်ပြီး လိုအပ်နေသူ တွေကို အကူအညီပေးတာ၊ အားပေးနှစ်သိမ့် စကားတွေပြောတာတွေ အပြင် အချက်အလက် ရှာဖွေရေးတွေလည်း လုပ်ဆောင်ခဲ့ ကြပါတယ်။ ၈၈ မျိုးဆက် ကျောင်းသားခေါင်းဆောင် တဦးဖြစ်တဲ့ ကိုကိုကြီးကို ရခိုင်ပြည်နယ် ခရီးစဉ်နဲ့ ပတ်သက်ပြီး ဧရာဝတီ သတင်းထောက် လင်းသန့်က ဆက်သွယ်မေးမြန်း ထားပါတယ်။

ရခိုင်ပြည်နယ် အလယ်သံတောင် ကျေးရွာရှိ ဒုက္ခသည်စခန်းတွင် နေထိုင်သူတဦးကို နှစ်သိမ့်နေသည့် ကိုကိုကြီး (ဓာတ်ပုံ – ၈၈ မျိုးဆက်ကျောင်းသားများ facebook မှ)

မေး။     ။ ရခိုင်ပြည်နယ် ပဋိပက္ခဖြစ်တဲ့နေရာတွေဆီ သွားပြီး ပြန်လာတဲ့ ကိုကိုကြီး အနေနဲ့ ဟိုက အတွေ့အကြုံတွေကို ပြောပြပေးပါ။

ဖြေ။    ။ စစချင်းတော့ စစ်တွေပေါ့။ စစ်တွေ ရောက်တော့ ရခိုင် ဒုက္ခသည် စခန်းတွေကိုသွားပြီး အားပေးခဲ့တယ်။ အဲဒီမှာ ရခိုင် ဒုက္ခသည် စခန်းတွေကတော့ ဘုန်းကြီးကျောင်း တွေရယ်၊ စာသင်ကျောင်းတွေမှာရယ် လောလောဆယ် ဒုက္ခသည် တွေကို နေရာ ချထားပေးတယ်။ သူတို့တွေနဲ့ တွေ့ဆုံပြီးတော့ အများပြည်သူ လှူလိုက်တဲ့ ငွေတွေထဲက စခန်းတခုကို ကျပ် ၅ သိန်းစီ လိုက်ပြီးလှူဒါန်းခဲ့တယ်။ ပြီးတော့ သူတို့ကိုလည်း အားပေးနှစ်သိမ့် ခဲ့တယ်။

စစ်တွေမှာ ညအိပ်ပြီးတော့ နောက်နေ့မှာ ဘူးသီးတောင် မောင်တောကို တောက်လျှောက် သွားတယ်။ မောင်တောမှာ ကျတော့ အခြေအနေက တမျိုး။ မောင်းတောမှာ အများစုက ဘင်္ဂါလီတွေ ချည်းပဲ ဖြစ်နေတယ်။ အဲဒီနား ရှိသမျှ ရွာတွေ အားလုံးက ဘင်င်္ဂါလီရွာတွေချည်းပဲ။ မြို့ပေါ်မှာ ရခိုင်အနည်းအကျဉ်းပဲ ရှိတယ်။ အဲဒီမှာ မြို့ခံတွေ ပြောသလောက် ကတော့ ၉၇ ရာခိုင်နှုန်းလောက်က ဘင်္ဂါလီတွေ။

နောက်တော့ ရခိုင်ရွာတွေ မီးရှို့ဖျက်ဆီးခံရတာတွေ သွားကြည့်တယ်။ သူတို့အနေနဲ့က စိတ်ပိုင်းဆိုင်ရာမှာ လုံခြုံမှု မရှိတော့တဲ့ အခြေအနေမျိုးတွေ ဖြစ်နေတယ်။ နောက်ဆုံး မောရ၀တီရွာဆိုရင် တရွာလုံး မီးရှို့ ဖျက်ဆီး ခံရတယ်။ အဲဒီမှာ ဘုန်းကြီးကျောင်းလည်း ဖျက်ဆီး၊ သတ်ဖြတ် မီးရှို့တာတွေ ခံခဲ့ရပြီးတော့ အလယ်သံပြာရွာမှာ ကွပ်ကဲရေး စခန်းပေါ့။ ကျောင်းဝန်းထဲမှာ ဒုက္ခသည်တွေ နေရာချထား ပေးထားတယ်။

အဲဒီလိုပဲ နောက်တနေရာမှာ ကျတော့လည်း စာသင်ကျောင်းထဲမှာ တွေ့တဲ့ ဟာတွေက တရွာလုံး ဖျက်ဆီးခံရလို့  ရောက်နေတဲ့ ရခိုင်မိသားစုတွေ၊ ကလေး လ သားလေးတွေပါ ပါတယ်။ သူတို့တွေအားလုံး တညလုံးလုံး တောထဲမှာ မေယုတောင်တွေကို ကျော်ပြီး ပုန်းအောင်းနေခဲ့ရတဲ့ အခြေအနေမျိုးတွေလည်း ရှိတော့ တော်တော်တော့ စိတ်ထိခိုက်စရာ ကောင်းတာပေါ့လေ။

နောက် ပိုဆိုးတာက လုံခြုံရေး တပ်စခန်းတွေ ရှိတဲ့နေရာ အနားမှာတင် အဲဒီလို မီးရှို့ဖျက်ဆီး နေတာတွေကို မတားဆီး နိုင်ခဲ့တဲ့ အပေါ်မှာလည်း ဒေသခံတွေက အမြင်မကြည်ဘူး။ ရခိုင်အမျိုးသားကြီး တယောက်ဆိုရင်လည်း သူတို့ မွေးတဲ့မြေ ဒီမြေ ဒီရေမှာ သူတို့ ဒီလိုနေနေရတာ ကိုယ်နှိုက်က သူတို့အနေနဲ့ တာဝန်တခုလိုမျိုး ကျားကုတ်ကျားခဲ ရပ်တည်နေရတာ ဖြစ်တယ် ဆိုတဲ့အကြောင်း ပြောပြီးတော့ မျက်ရည်ပါ ကျတယ်။ မချိတင်ကဲနဲ့ ဖြစ်နေရတာကို ကျနော်တို့လည်း စိတ်ထိခိုက်တယ်။ အဲဒါကတော့ မောင်းတောက အခြေအနေပေါ့။

စ ဖြစ်တဲ့ နေ့တုန်းကလည်း ၀တ်ပြုတဲ့ ဘင်္ဂါလီတွေက ဗလီထဲက ထွက်လာပြီးတော့ အုပ်စုလိုက် မီးရှို့တာတွေ၊ ဖျက်ဆီး တာတွေ လုပ်တယ်။ ၈ ရက်နေ့ပေါ့။ အဲဒီနေ့က ဗီဒီယိုခွေတွေလည်း ကျနော်တို့ကို ပေးလိုက်တယ်။ ဗီဒီယိုတွေလည်း ပြတယ်။ ဒါက မောင်းတောမှာရှိတဲ့ အခြေအနေတွေ။ ရခိုင်ရွာတွေ ဖျက်ဆီးခံရတယ်။

စစ်တွေကို အပြန်မှာ မွတ်စလင် ဒုက္ခသည် စခန်းတွေကိုလည်း ကျနော်တို့သွားတယ်။ ကျတော်တို့ မရောက်ရောက်အောင် သွားခဲ့တယ်။ အဲဒီတော့ ဟိုမှာက မွတ်စလင် ဒုက္ခသည်တွေကို သီးခြား နေရာချထားပေးရတဲ့ သဘောရှိတယ်။ အဲဒီမှာ ကျတော့လည်း စိတ်ထိခိုက်စရာ ကောင်းတာက မြေကြီးပေါ်မှာတင် ရွက်ဖျင်တဲတွေ ထိုးပြီး နေနေရတယ်။ ဒုက္ခသည် တွေပေါ့။ နောက် ကလေးတွေကလည်း အများကြီးပဲ။ စခန်းတိုင်း စခန်းတိုင်းက လမ်းပေါ်တွေမှာရော၊ ဘာရော၊ ကျပ်ခဲ ပြွတ်သိပ် နေတာပေါ့။ အဓိက ကတော့ လူဦးရေ ပြန့်ပွားနှုန်းနဲ့ ပတ်သက်တဲ့ အကြောင်းချင်းရာ တခုအနေနဲ့ ဒါ ကျနော်တို့ သတိပြုမိတယ်။

ကျနော် မွတ်ဆလင် ဒုက္ခသည် စခန်းက တာဝန်ရှိတဲ့သူတွေနဲ့ရော၊ ရွာခံတွေနဲ့ပါ သက်ကယ်ပြင်ကို ရောက်တော့လည်း ဆွေးနွေးခဲ့တယ်။ အဲဒီမှာလည်း ကျနော် ဘာပြောခဲ့လဲဆိုတော့ ဒီ နိုင်ငံသားနဲ့ ပတ်သက်လို့ကတော့ ဘယ်ဘာသာ ကိုးကွယ်သူပဲ ဖြစ်ပါစေ အားလုံး တပြေးညီပဲ ဖြစ်ရမယ်။ အဲဒီတော့ ဖြစ်နေတဲ့ ကိစ္စဟာ ဘာသာရေး၊ လူမျိုးရေး မုန်းတီးမှု ပုံသဏ္ဍန် မဖြစ်စေရဘူး။ အဲဒီလိုလဲ မမြင်ဘူး။

အဲဒီတော့ နှစ်ပေါင်းများစွာ အကျင့်ပျက် ချစားမှုတွေကြောင့် တရားမ၀င် ၀င်လာတဲ့ ဘင်ဂါလီတွေရဲ့ ပြဿနာဟာ အခုအခြေအနေထိ ဖြစ်လာတယ်ပေါ့။ အဲဒါကို ကျနော်တို့ ရေရှည် အမြော်အမြင်ရှိရှိ၊ ခေါင်းအေးအေးနဲ့ ဖြေရှင်းကြဖို့ လိုမယ်ဆိုတာကို ဒီအတိုင်းပဲ သူတို့ကို ကျနော်ပြောခဲ့တယ်။ ဒါ နိုင်ငံသား အခွင့်အရေး တန်းတူညီမျှမှုနဲ့ ဆိုင်တယ်။ ဒီအထဲမှာလည်း နိုင်ငံသား တယောက်ဖြစ်လာရင် နိုင်ငံတော်ရဲ့ ကျေးဇူး သစ္စာကို စောင့်သိဖို့၊ နိုင်ငံသားတယောက်ရဲ့ တာဝန် ၀တ္တရားတွေကို ထမ်းဆောင်ဖို့၊ ရှိနေတဲ့ လူ့အဖွဲ့အစည်းအတွင်းမှာ လူမှုရေး သဟဇာတ ဖြစ်အောင် နေနိုင်ကြဖို့၊ နောက် ကိုယ့်နောက်ပိုင်း လူငယ်မျိုးဆက်တွေကို ၀ိုင်းပြီးတော့ ထိမ်းကြဖို့ အစရှိသဖြင့် အဲဒါတွေ သူတို့ကို ပြောခဲ့တယ်။

ရခိုင်တိုင်းရင်းသားတွေ အနေနဲ့ကလည်း သီးခြားစီ ခွဲနေဖို့ ဆိုတာ ရေရှည်မှာလည်း ဒါ ပုံမှန် အခြေအနေ မဟုတ်ဘူး။ တကယ့်တကယ်က ကျနော်တို့ နိုင်ငံသားတွေ၊ ဘယ်လို ဘာသာပဲ ကိုးကွယ်သည်ဖြစ်စေ အားလုံးက လူမှုရေး သဟဇာတ ဖြစ်အောင် ရေရှည် ချင့်ချင့်ချိန်ချိန်နဲ့ စဉ်းစားကြရမှာ ဖြစ်တယ်ဆိုတာလည်း ပြောခဲ့တယ်။

အဲဒီမှာ စိုးရိမ်စရာ အခြေအနေတခုကို ပြောရမယ်ဆိုရင်တော့ ကျနော် မောင်တောကို ရောက်တဲ့အချိန်မှာ ဒီ ပဋိပက္ခဖြစ်တဲ့ ကာလအတွင်းက ကြွေးကြော်တဲ့ ကြွေးကြော်သံတခု၊ အစ္စလမ် ဂျီနာပါးဆိုပြီး ကြွေးကြော်တယ်။ အဓိပ္ပာယ်က ဘာလဲ ဆိုတော့ ပါကစ္စတန်နိုင်ငံ အဓွန့်ရှည်ပါစေ ဆိုတာပဲ။ ဒါ ကျနော်တို့က အမျိုးသားရေးရာ ဆိုရင် နိုင်ငံသား ဖြစ်မှုနဲ့ ပတ်သက်တဲ့၊ အရေးပါတဲ့ ကိစ္စကို ကိုင်တွယ်ဖြေရှင်း ရတဲ့အခါမှာ နိုင်ငံတော်ရဲ့ ကျေးဇူးသစ္စာ စောင့်သိမှု ဆိုတဲ့ အပိုင်းပေါ့၊ အဲဒါလည်းကျနော်တို့ အလေးအနက် ထားရမယ့် အပိုင်းပေါ့။

အဲဒီအခြေအနေတွေကို ကျနော်တို့က ဒေသတွေကို ကိုယ်တိုင်သွားခဲ့၊ ရောက်ခဲ့လို့ မြင်ရတာ။ လူသားချင်း စာနာမှု အရကတော့ ဘေးဒုက္ခ ရောက်နေတဲ့ ဘယ်သူပဲဖြစ်ဖြစ် အားပေးကူညီရမယ်။ တတ်နိုင်သမျှ အစားအသောက်၊ အမိုးအကာတွေ ကျနော်တို့ ဖြေရှင်းပေးရမယ်။ ဒါက လူသားချင်း စာနာမှုအရ တယောက်နဲ့ တယောက်  ထားရမယ့် အရာတခု။ နောက်တခုက နိုင်ငံရေးအရ ဘယ်နိုင်ငံဖြစ်ဖြစ် ကိုယ့်နိုင်ငံရဲ့ လိုအပ်ချက်ဖြစ်တဲ့ လိုက်လျောညီထွေဖြစ်တဲ့ နိုင်ငံသား ဥပဒေဆိုတာ ပြဌာန်းကြရတယ်။ နိုင်ငံတော်ရဲ့ လုံခြုံရေးကို ကာကွယ် စောင့်ရှောက်ကြရတယ်။

ကျနော်တို့မှာက စီးပွားရေးအရလည်း ဆင်းရဲတဲ့ နိုင်ငံဖြစ်တယ်။ နောက်တခါ အမျိုးသား ပြန်လည် သင့်မြတ်ရေးနဲ့ ပတ်သက်ပြီးတော့လည်း ကျနော်တို့က ထိခိုက်ဒဏ်ရာ အနာတရတွေ အများကြီးဖြစ်ခဲ့တဲ့ နိုင်ငံဆိုတော့ ကျနော်တို့ နိုင်ငံ ပြန်လည်ထူထောင်ရေးမှာ ဘက်ပေါင်းစုံကနေ ၀ိုင်းပြီးတော့ စဉ်းစား အဖြေရှာကြဖို့လိုတယ်လို့ မြင်တယ်။ ကျနော်တို့ သွားခဲ့တဲ့ နေရာမှာလည်း အများပြည်သူ လှူဒါန်းလိုက်တဲ့ ငွေ၊ အစားအစာ၊ အ၀တ်အထည်တွေ အားလုံးကို မျှပြီး ကူညီနိုင်ဖို့ ကြိုးစားခဲ့တယ်။

မွတ်ဆလင် ဒုက္ခသည် စခန်းကိုလည်း ကျနော်တို့ ဆန်အိတ်တွေ၊ အ၀တ်အစားတွေ ပြည်နယ်အစိုးရကနေ တဆင့် လှူဒါန်းဖို့ စီစဉ်ခဲ့တယ်။ ရခိုင် ဒုက္ခသည် စခန်းတွေကိုလည်း အလားတူ လှူဒါန်းဖို့ ကြိုးစားခဲ့တယ်။ အဲဒီတော့ လူသားချင်း စာနာမှုဆိုင်ရာနဲ့ ပတ်သက်လို့ကတော့ ဒုက္ခသည်အားလုံးကို အတတ်နိုင်ဆုံး အကူအညီ ပေးဖို့ ကျနော်တို့ ကြိုးစားတယ်။

မေး။    ။ အခု အင်တာနက်ပေါ်မှာ ကိုကိုကြီးပြောတဲ့ စကားဆိုပြီး ဖြန့်နေတာတွေ တွေ့ရတယ်။ ရိုဟင်ဂျာအရေးမှာ တပ်မတော်နဲ့ လက်တွဲ ဖြေရှင်းမယ်လို့ ပြောတယ်ဆိုတာ ဟုတ်ပါသလား၊ ပြောခဲ့ရင် ဘယ်လို ရည်ရွယ်ချက်နဲ့ ပြောခဲ့တာ ပါလဲ။

ဖြေ။    ။ အဲဒီဟာက ၈ ရက်နေ့မှာ ရခိုင်ရွာတွေ ၂၀ လောက် မီးရှို့ဖျက်ဆီး ခံရတယ်။ ဌာနေ ရခိုင်လူမျိုးတွေက နေရပ် တွေကို စွန့်ခွာပြီးတော့ အသက်လုပြီး ပြေးကြရတယ်ဆိုတဲ့ အခြေအနေတုန်းက သတင်းစာရှင်းလင်းပွဲမှာ ကျနော် ပြောခဲ့ တယ်။ ရိုဟင်ဂျာဟာ ကျနော်တို့ တိုင်းရင်းသား လူမျိုး မဟုတ်ဘူးဆိုတာ ကျနော် အတိအလင်း ပြောခဲ့တယ်။ နောက်တခု ကတော့ ကျနော်တို့ဟာ ဒီမိုကရေစီ ကိစ္စ၊ လူ့အခွင့်အရေး ကိစ္စ၊ တို်င်းရင်းသား တန်းတူ ညီမျှရေး ကိစ္စတွေ  ငြင်းခုန် ပြောဆိုနေရတဲ့ အချိန်မှာ တဘက်က အမျိုးသားရေး ပြဿနာမျိုးလို ဖြစ်လာခဲ့မယ်ဆိုရင် ကျနော်တို့က တပ်မတော်နဲ့ပါ ပူးပေါင်း ဆောင်ရွက်ရလိမ့်မယ်လို့ ပြောခဲ့တယ်။ အမျိုးသားရေး ပြဿနာ ဖြစ်ခဲ့ရင်လို့ ကျနော် ရည်ညွှန်းပြီး ပြောဆို ခဲ့တယ်။

အဲဒီလို အမျိုးသားရေး ပြဿနာလိုမျိုး ရင်ဆိုင်လာရပြီ ဆိုရင်တော့ ကျနော်တို့က ကျန်တဲ့ အင်အားစုတွေနဲ့ပါ အားလုံး ညှိနှိုင်းပြီး ပူးပေါင်းဆောင်ရွက် ကြရလိမ့်မယ်ဆိုတဲ့ဟာ ကျနော် ပြောခဲ့တယ်။ အဲဒါက ကျနော် ၈ ရက်နေ့ သတင်းစာ ရှင်းလင်းပွဲ အချိန်တုန်းက ပြောခဲ့တယ်။ ကျနော်တလျှောက်လုံး ရပ်တည်ခဲ့တာလည်း နိုင်ငံသားဆိုတဲ့ အခြေခံ အပေါ်မှာပဲ ရပ်တည်ပြီး ပြောခဲ့တယ်။

မေး။    ။ အခု လူတွေက ပြောဆို ဝေဖန်နေတာတွေ ကြားရပါတယ်။ အခုဖြစ်ရပ်ကြီးရဲ့ နောက်ကွယ်က မရိုးသားမှုတွေနဲ့ ဖန်တီးနေသူတွေ ရှိတယ်၊ ဒီ ထောင်ချောက်ထဲကို တော်တော်များများလည်း သက်ဆင်းမိ နေကြတယ် ဆိုပြီးပြောတယ်၊ ကိုကိုကြီးတို့ ၈၈ မျိုး ဆက် ကျောင်းသားတွေလည်း ဆင်ထားတဲ့ ထောင်ချောက်ထဲ ရောက်နေကြပြီဆိုတဲ့ ဝေဖန်မှု တွေကို ဘယ်လို တုံ့ပြန်ချင်ပါလဲ။

ဖြေ။    ။ ကျနော်တို့ရဲ့ နိုင်ငံရေး ဖြတ်သန်းမှုဟာ ၂၄ နှစ် ရှိခဲ့ပါပြီ။ ပြောရင် ကျနော်တို့ ငွေရတု တိုင်တော့မယ်။ ဆိုတော့ ကောင်းကောင်း နားလည်ပါတယ်။ ဒီလို အသုံးချ ခံရတယ်ဆိုတာ ကျနော်တို့လည်း သူငယ်နှပ်စား မဟုတ်သလို လုပ်နေတဲ့ သူတွေကိုလည်း အထင်အမြင် လွဲစေနိုင်တဲ့ အသုံးအနှုန်းမျိုးတွေ မဖြစ်သင့်ဘူး။

ကျနော်ပြောနေတာလည်း အမျိုးသားရေး ပြဿနာလိုမျိုး ကိစ္စမျိုးမှာ ကျနော်တို့ အားလုံး လက်တွဲ ဆောင်ရွက်ကြဖို့၊ ပူးပေါင်း ဆောင်ရွက်ကြဖို့ လိုတယ်ဆိုတာကိုပဲ အဓိက ထားပြီး ပြောတယ်။ အဲဒီတော့ နိုင်ငံသား ဖြစ်မှုဆိုတဲ့ ကိစ္စဟာ အရေးတကြီး ကိစ္စအဖြစ်နဲ့၊ အဓိက ကိစ္စတခု အဖြစ်နဲ့ ဆောင်ရွက်ကြရတယ်။ ဆိုလိုတာက ကျနော် ခဏခဏ ဥပမာလေး ပြောဖူးတယ်။ အမေရိကန် နိုင်ငံမှာလည်းပဲ မက္ကဆီကို နယ်စပ် လုံခြုံရေးကို ကာကွယ် စောင့်ရှောက်နေရတဲ့ ကိစ္စမျိုး၊ နောက်တခါ အိန္ဒိယမှာ ဆိုရင်လည်း နယ်စပ်မှာ ခြံစည်းရိုးကာပြီးတော့ ခြံစည်းရိုးနားကပ်ရင် ပစ်ချတဲ့ အခြေအနေမျိုးတွေ အထိ ဒီလိုပဲ ဖြေရှင်းကြရတယ်။

တဘက်က လက်တွေ့ နိုင်ငံရေးမှာ နိုင်ငံနယ်နိမိတ်တွေနဲ့ နိုင်ငံရဲ့ အချုပ်အခြာ၊ အာဏာ ဆိုတာ အရှိတရားပါ။ အဲဒါကို ကိုင်တွယ်တဲ့ နေရာမှာ Humanism ဆိုတဲ့ လူသားဝါဒတို့၊ လူသားချင်း စာနာ ထောက်ထားတာတို့ ဆိုတာတွေနဲ့ မရောထွေး သင့်ဘူး။ အဲဒါတွေက တခုစီလို့ပဲ မြင်တယ်။ လူသားဝါဒကို ကျနော်လည်း အင်မတန် တန်ဖိုး ထားပါတယ်။ နိုင်ငံတနိုင်ငံရဲ့ နယ်မြေ၊ အချုပ်အချာ၊ လုံခြုံရေးဆိုတာတွေနဲ့ပါ ထည့်သွင်း စဉ်းစားဖို့ လိုလိမ့်မယ်လို့ မြင်တယ်။

မေး။    ။ ကိုကိုကြီးတို့ ၈၈ မျိုးဆက်တွေက အခုအခါမှာ မြန်မာပြည် အနောက်ဘက်က ကိစ္စတွေလည်း စိတ်ဝင်တစား ရှိနေတာ တွေ့ရတယ်။ တခါ မြောက်ဘက်ပိုင်းက ကိစ္စတွေလည်း စိတ်ဝင်တစား သွားခဲ့တာ တွေ့ရတယ်။ ဒီပြဿနာတွေ ပြေလည်အောင် ဘယ်လို ကဏ္ဍကနေ လုပ်ဆောင် သွားဖို့ ရှိပါသလဲ။

ဖြေ။    ။ ကျနော်တို့ အနေနဲ့ နိုင်ငံရဲ့ ဒေသအသီးသီးမှာ ဖြစ်နေတဲ့ ကိစ္စအားလုံးမှာ ကျနော်တို့နဲ့ ပတ်သက်တယ်။ ကျနော်တို့နဲ့ တာဝန်ရှိတယ်လို့ ခံယူထားတာ ဖြစ်တဲ့အတွက်ကြောင့် ကျနော်တို့ နိုင်ငံသား အားလုံးနဲ့ ပတ်သက်တဲ့ အရေးအရာ၊ မြန်မာနိုင်ငံ တခုလုံးနဲ့ ပတ်သက်တဲ့ အရေးအရာ အားလုံးကို ကျနော်တို့ရဲ့ အရေးကိစ္စတွေ အဖြစ်ပဲ သတ်မှတ်ပြီးတော့ အသိစိတ်နဲ့ပဲ ကျနော်တို့ ဆက်ပြီး ဆောင်ရွက်သွားမှာပါ။

မေး။    ။ ရခိုင်အရေး ဖြစ်တဲ့အချိန်မှာ ကိုကိုကြီး ပြောစကားကြောင့် ကိုကိုကြီးဟာ ကျဉ်းမြောင်းတဲ့ အမျိုးသားရေး ၀ါဒီဆိုပြီး ပြောဆို ဝေဖန်တာနဲ့ ပတ်သက်လို့ ဘာပြောချင်ပါသလဲ။ အမျိုးသားရေး စိတ်ဓာတ်ဆိုတာ ကိုကိုကြီးက ဘယ်လို ခံယူပြီး ဘယ်လို အဓိပ္ပာယ်ဖွင့်ပါသလဲ။

ဖြေ။    ။ ကျနော်တို့ နိုင်ငံတနိုင်ငံမှာ နိုင်ငံရေး ဦးဆောင်တဲ့ သူတွေမှာ အမျိုးသားရေး ဆိုတာ မရှိရင် ဘယ်လိုမှ နိုင်ငံကို ဦးဆောင်နိုင်တဲ့ တာဝန်ယူနိုင်တဲ့သူ ဖြစ်မလာနိုင်ဘူး။ အရေးအကြီးဆုံးက နိုင်ငံ တနိုင်ငံမှာ၊ နိုင်ငံရေး ခေါင်းဆောင်မှာ အမျိုးသားစိတ်ဓာတ်က ရှိကို ရှိရမယ်။ အမျိုးသား စိတ်ဓာတ်ဆိုတဲ့ နေရာမှာ အစွန်းမရောက်ဖို့ဘဲ အရေးကြီးတယ်။ ကမ္ဘာမှာလည်း အစွန်းရောက် အမျိုးသားရေးတွေကြောင့် တိုက်ပွဲတွေ၊ စစ်ပွဲတွေ၊ သွေးထွက်သံယိုတွေ ဖြစ်နေကြတာ ကျနော်တို့ ကောင်းကောင်းကြီး သင်္ခန်းစာ ယူပါတယ်။

သို့သော် အဲဒီအမျိုးသားရေး ဆိုတာ မပါတော့ဘူး ဆိုရင်တော့ သူ့ရဲ့ နိုင်ငံ နယ်နိမိတ်ဆိုတာ အချုပ်အချာအာဏာ၊ နိုင်ငံသားဆိုတာတွေပါ ပျောက်သွားလိမ့်မယ်။ အမျိုးသားရေးဟာ “ဆား” လိုပါပဲ။ ဆားမပါရင် ဟင်းမဖြစ်သလို ဆားများရင်လည်း ဟင်းပျက်ပါတယ်။ ကျနော်တို့က အမျိုးသားရေးကို ချိန်ချိန်ဆဆနဲ့ ကျနော်တို့ နိုင်ငံရဲ့ အကျိုးစီးပွား၊ အိမ်နီးချင်း နိုင်ငံတွေနဲ့ ချစ်ကြည်ရင်းနှီးတဲ့ ဆက်ဆံရေး၊ နိုင်ငံတကာ မိသားစုနဲ့ ချစ်ကြည်ရင်းနှီးတဲ့ ဆက်ဆံရေး ဆိုတာတွေကို တပြိုင်နက်တည်းမှာ တည်ဆောက်ကြရမှာပါ။

နိုင်ငံတကာ သတင်းမီဒီယာတွေ၊ အွန်လိုင်းသတင်းတွေမှာ လုပ်ကြံ ၀ါဒဖြန့်ထားတဲ့ ဖိုတိုရှော့ နဲ့ ပြုပြင်ထားတဲ့ သတင်း၊ ဓာတ်ပုံ ၀ါဒ ဖြန့်မှုတွေဟာ နိုင်ငံတကာ မိသားစုတွေ နားလည်ဖို့အတွက်ကို အကြီးအကျယ် အဟန့်အတား ဖြစ်စေပါတယ်။ အဲဒီတော့ ကျနော်တို့ နိုင်ငံမှာဖြစ်နေတဲ့ တကယ့် ပကတိ အခြေအနေတွေကို မှန်မှန်ကန်ကန် သိနိုင်ဖို့အတွက်ကို ယုံကြည် စိတ်ချ ရတဲ့အဖွဲ့အစည်းတွေ၊ သတင်းဌာနတွေရဲ့ အခန်းကဏ္ဍဟာ အရေးကြီးတယ်လို့ ပြောချင်ပါတယ်

http://burma.irrawaddy.org/archives/15108