နိုင်ငံခြားရောက်မိန်းခလေးများသတိထားကြပါရန်

ကျနော.စီရောက်လာသောမေးလေးအားမျှဝေပါသည်
မလေးရှားမှာ မြန်မာမလေးတစ်ယောက် မုဒိမ်းအကျင့်ခံရတဲ့အကြောင်းကို

ကျွန်တော့်ညီမတစ်ယောက်က ကျွန်တော့်ဆီ ရေးတဲ့စာ

ကိုကြီး ....
ညီမတို့ဆီမှာ ဖြစ်ပျက်နေတဲ့ ပြသနာကို ကိုကြီးဆီကို ရေးပေးလိုက်တာ ....
ဒီမှာက ဘယ်သူ့တိုင်လို့ ဘာလုပ်ရမှန်း မသိဘူးဖြစ်နေလို့ ....
ဖြစ်တာက 5-7-2012 ရက်နေ့ ည (၈)နာရီ အလုပ်က အပြန်မှာ ဖြစ်တာ ....
ညီမတို့က မလေးရှားနိုင်ငံ၊ ဂျိုဟိုးမြို့၊ စီနိုင်းမြို့နယ်က venture (ges) မှာ အလုပ်လုပ်ကြတာပါ ... ဒီကိုရောက်တာ 2010 ... 12 လပိုင်းကဆိုတော့ နှစ်နှစ် ပြည့်တော့မှာပေါ့ ....
5 ရက်နေ့ အလုပ်က အပြန်မှာ နှစ်ယောက်၊ သုံးယောက်စီ ပြန်ကြတာပေါ့
ကိုယ့်အဖွဲ့နဲ့၊ ကိုယ့်သူငယ်ချင်းနဲ့ ကိုယ်ပေါ့
ဖြစ်တဲ့ ကောင်မလေးက 4 ယောက်အဖွဲ့ပြန်တာ
နှစ်ယောက်တစ်တွဲစီ လမ်းလျှောက်လာတာ ၊ ကားက အနက်ရောက်၊ ကောင်မလေးသူငယ်ချင်းတွေက ပြောတော့ ကားက အနက်ရောင် (၀ီရာ) တဲ့။
ကားက ကောင်မလေးတွေရှေ့မှာ ရပ်ပီး ကားပေါ်ကနေ မလေးလူမျိုးနဲ့ အိနိယလူမျိုး ဆင်းလာပီး ကောင်မလေးနှစ်ယောက်ကို အတင်း ကားပေါ်ဆွဲခေါ်ကြတာ။ ကောင်မလေးတစ်ယောက်က ရုန်းပီး ထွက်ပြေးလို့ လွတ်သွားပေမယ့် တစ်ယောက်ကတော့ ကားပေါ် ပါသွားတယ်။ သူတို့ဆီမှာ ဓားတွေလည်း ပါကြတယ်။ ကောင်မလေးကို ဓားတွေနဲ့ ထောက်ပီး ခေါ်သွားကြတာတဲ့။ ပီးတော့ ညီမတို့ဆီမှာ (မလေးရှားမှာ) ရေစင်ကြီးတွေ ရှိတယ်။ အကြီးကြီးတွေ။ အပေါ်ကို တက်ဖို့ လှေကားတွေလည်း ပါတယ်။ အဲဒီကို ကားမောင်းပီး ခေါ်သွားကြတာ။ လမ်းတစ်လျှောက်မှာလည်း ခေါင်းကို ဖွက်သွားကြတယ်တဲ့။ လမ်းမသိအောင်လို့။ ပီးတော့ ရေစင်ကို ရောက်တော့ အဲဒီအပေါ်ကို တက်ခိုင်းတယ်တဲ့။ ကောင်မလေးက မတက်ဘူးဆိုပီး ရုန်းတော့ ပါးတွေ ရိုက်၊ ကန်ကျောက်ပီး တက်ခိုင်းတယ်။ အဲဒီရေစင်ပေါ်ရောက်တော့ ပါသွားတဲ့ မလေးသုံးယောက်ထဲက နှစ်ယောက်က မုဒိမ်းကျင့်တယ်။ မလေးတစ်ယောက်ကတော့ ကောင်မလေးကို သနားတဲ့ပုံစံနဲ့တဲ့။ သူက ပြောတယ်။ မကြောက်ဖို့နဲ့ ပီးရင် အိမ်ပြန်ပို့ပေးဖို့။ သြော် .... သူတို့ မုဒိမ်းမကျင့်ခင် ကောင်မလေးကို မုန့်တွေ၊ နို့တွေ တိုက်ကြသေးတယ်။ ကောင်မလေးက မစားဘူး။ ထွေးထုတ်ပစ်တယ်တဲ့။ ပီးတော့ ဘီယာတွေ တိုက်တယ်တဲ့။ သူတို့လည်း သောက်ကြတယ်တဲ့။ ဒီပြသနာမှာ အိနိယလူမျိုး တစ်ယောက်လည်း ပါတယ်။ မလေးနှစ်ယေက် မုဒိမ်းကျင့်လို့အပီးမှာ အိနိယလူမျိုးကို ပြောတယ်။ ပိုက်ဆံပေးဖို့။ ပြောရရင် ကောင်မလေးကို ရောင်းစားတဲ့ ပုံစံမျိုးပေါ့။ ပြသနာဖြစ်တဲ့ ကောင်မလေးပြောပြတာပါ။ 70 တောင်းတယ်တဲ့။ အိနိယလူမျိုးဆီက။ 70 မပါဘူးလို့ ပြောတယ်။ ဘယ်လောက်ပေးလိုက်တယ်ဆိုတာတော့ ကောင်မလေး မပြောပြလို့ ညီမတို့ မသိရဘူး။ ပါးတွေလည်း ရိုက်တယ်တဲ့။ ကောင်မလေး ရုန်းရင် ပါးတွေလည်း ရိုက်တယ်။ ကောင်မလေးက သူတို့ မုဒိမ်းကျင့်လို့ အပီးမှာ အဲဒီရေစင်ပေါ်ကနေ ခုန်ချဖို့တောင် လုပ်သေးတယ်။ ပီးတော့ ကောင်မလေးကို ည 12 နာရီမှာ အဆောင်နားကို ကားနဲ့ လာပို့သွားကြတယ်။ ကောင်မလေးရောက်ပီး သိပ်မကြာခင်မှာပဲ ရဲတွေနဲ့ အေးဂျင့် ရောက်လာပီး ကောင်မလေးကို ခေါ်သွားကြတယ်။ ဆေးရုံမှာ ဆေးစစ်ကြတယ်။ ပီးတော့ နောက်တစ်နေ့ နေ့လည် လာပြန်ပို့ပေးတယ်။ ရဲကားနဲ့ပဲ။ ညီမတို့ အခင်းဖြစ်ပီးနောက်နေ့ ညီမတို့ မြန်မာမိန်းကလေးတွေအကုန်လုံး အလုပ်မသွားကြဘူး။ အေးဂျင့်ကို ပြောတာပေါ့။ ပီးတော့ အလုပ်နဲ့ စက်ရုံက မိနစ် 20 ကျော်ကျော် လမ်းလျှောက်ရတယ်။ ဖယ်ရီကား မစီစဉ်ပေးထားဘူးလေ။ အခင်းဖြစ်ပီး နောက်နေ့မှ အေးဂျင့်က ဖယ်ရီကား စီစဉ်ပေးမယ်လို့ ပြောတယ်။ ညီမတို့က ကောင်မလေးအတွက် လျော်ကြေးနဲ့ မြန်မာပြည်ကို ပြန်ပို့ပေးဖို့ ပြောတယ်။ အခုထက်ထိတော့ ဘာမှ မထူးသေးပါဘူး။ ကောင်မလေးက ခုထိ အဆောင်မှာပဲ။ အလုပ်လည်း မဆင်းတော့ဘူးလေ။ ညီမတို့ ဖြစ်စေချင်တာက တစ်ခုခုကို ထိထိရောက်ရောက် ဆောင်ရွက်ပေးစေချင်တာပါ။ တကယ်လို့များ ဘာမှဖြစ်မလာဘူးဆိုရင် အဲဒီမလေးတွေက ထပ်လုပ်မှာပါ။ အလားတူ ပြသနာမျိုးပေါ့။ မြန်မာမိန်းကလေးတွေလည်း တော်တော်ကို လန့်နေကြတယ်။ မလေးရှားအစိုးရကလည်း သူတို့မလေးလူမျိုးတွေဆိုတော့ ဘာမှထိထိရောက်ရောက်လုပ်ပေးမှာ မဟုတ်ဘူး။ အဲဒါကြောင့်မို့ ဒီစာကို ရေးပီး မြန်မာနိုင်ငံကို ပို့လိုက်တာပါ။
.....................................

အဲဒါက ကျွန်တော့်ဆီကို ပို့လိုက်တဲ့စာပါ။ ညီမ ထပ်ပြောပြတာတွေလည်း အများကြီးပါပဲ။

***အေးဂျင့်က သတင်းထောက် လာရင်တောင် အဆောင်ထဲ အတင်းဝင်ခိုင်းတာ***

***မလေးရှားက လုံးဝ မလုံခြုံတဲ့ နိုင်ငံဆိုတာပါ***

***အစိုးရကလည်း ဒီအတိုင်း ကြည့်နေတယ်****

***ဘာမှ မစီစဉ်ပေးဘူး***

***မိန်းကလေးများအတွက် လုံးဝ မသင့်တော်တဲ့ နိုင်ငံလို့ပါ***

ကဲ ဒီစာကို ဖတ်ရတဲ့သူတွေအကုန်လုံးက မလေးမှာ မြန်မာမလေးတွေကို စောင့်ရှောက်ပါဦးလို့ ပြောချင်ပါတယ်။

ပြီးတော့ ဒီအကြောင်းအရာကိုလည်း ၀ိုင်းပြီး ပြောပေးကြစေချင်ပါတယ်။

By Edinooyin

၁၉၊၇၊၂၀၁၂ ညနေပိုင်းသတင်းတိုများစုစည်းမှု

(၆၅) နှစ်မြောက် အာဇာနည်နေ့ အခမ်းအနားသို့ လွမ်းသူပန်းခွေချ အလေးပြုမည့် နိုင်ငံရေးပါတီများစာရင်းဖြစ်ပါတယ်။
၁။ ပြည်ထောင်စု ကြံ့ ခိုင်ရေးနှင့် ဖွံ့ ဖြိုးရေးပါတီ
၂။ တိုင်းရင်းသား စည်းလုံးညီညွတ်ရေးပါတီ
၃။ ဒီမိုကရက်တစ်ပါတီ(မြန်မာ)
၎။ မြန်မာနိုင်ငံ ရခိုင်ပြည်နယ်အမျိုးသားအင်အားစု ပါတီ
၅။ ဒီမိုကရေစီနှင့် ငြိမ်းချမ်းရေးပါတီ
၆။ ၈၈ မျိုးဆက်ကျောင်းသားလူငယ်များ(ပြည်ထောင်စု မြန်မာနိုင်ငံ)
၇။ ပြည်ထောင်စု မြန်မာနိုင်ငံအမျိုးသားနိုင်ငံရေး အဖွဲ့ ချုပ်
၈။ အမျိုးသားနိုင်ငံရေး မဟာမိတ်များအဖွဲ့ ချုပ်
၉။ ချင်းအမျိုးသားပါတီ
၁၀။ ခေတ်သစ်ပြည်သူ့ ပါတီ
၁၁။ ပြည်ထောင်စု ဒီမိုကရေစီပါတီ
၁၂။ မတူကွဲပြားခြင်းနှင့် ငြိမ်းချမ်းရေးပါတီ
၁၃။ ချင်းတိုးတက်ရေးပါတီ(Chin Progressive Party)
၁၄။ အမျိုးသားဖွံ့ ဖြိုးတိုးတက်ရေး ဒီမိုကရက်တစ်ပါတီ
၁၅။ ကမန်အမျိုးသား တိုးတက်ရေးပါတီ
၁၆။ အမျိုးသား ဒီမိုကရေစီ အင်အားစုပါတီ
၁၇။ အမျိုးသား ဖွံ့ ဖြိုးတိုးတက်ရေးနှင့် ငြိမ်းချမ်းရေးပါတီ
၁၈။ အမျိုးသား ဒီမိုကရေစီပါတီသစ်
၁၉။ ညီညွတ်ရေး နှင့် ငြိမ်းချမ်းရေးပါတီ
၂၀။ အမျိုးသား ဒီမိုကရေစီ အဖွဲ့ ချုပ်
၂၁။ မြန်မာ့ လူ့ ဘောင်သစ် ဒီမိုကရက်တစ်ပါတီ
၂၂။ မြန်မာအမျိုးသား ကွန်ကရက်
၂၃။ ရခိုင်ဒီမိုကရေစီ အဖွဲ့ ချုပ်
By Popular Myanmar News Journal




(၆၅) နှစ်မြောက် အာဇာနည်နေ့ အခမ်းအနားသို တက်ရောက်သည့် အာဇာနည် (၉)ဦး၏ မိသားစုစာရင်းများဖြစ်ပါတယ်။

၁- အာဇာနည်- ဗိုလ်ချုပ်အောင်ဆန်း
တက်ရောက်သူ- ဒေါ်အောင်ဆန်းစုကြည်( သမီး )

၂- အာဇာနည်- ဗိုလ်ချုပ်အောင်ဆန်း
တက်ရောက်သူ- ဗိုလ်မှူးလှဖေ(ငြိမ်း)
တော်စပ်ပုံ- ဦးအောင်ဆန်းဦး (ကိုယ်စား)

၃- အာဇာနည်- သခင်မြ
တက်ရောက်သူ- ဦးရဲမြင့်အောင်(သား)၊ ဒေါ်ခင်ဆွေဝင်း(တူမ)၊ ဒေါ်အေမီအောင်(ခ) ဒေါ်နွယ်နွယ်အောင်(သမီး)၊ မယမင်းအောင်(မြေး)၊ မကေခိုင်(မြေး)

၎- အာဇာနည်- ဦးဘချို
တက်ရောက်သူ- ဒေါ်ခင်လှချို(မြေး)၊ ဦးသန့်ဇင်ချို(မြေး)၊ ဦးမင်းမြင့်ချို(မြေး)

၅- အာဇာနည်- ဦးဘ၀င်း
တက်ရောက်သူ- ဦးထွေးဝင်း(သား)၊ ဒေါ်မမလေး(ချွေးမ)

၆- အာဇာနည်- မန်းဘခိုင်
တက်ရောက်သူ- ဒေါ်နန့်ခင်ဌေးရီခိုင်(သမီး)၊ ဦးမန်းဝင်းခိုင်သန့်(မြေး)၊ ဦးမန်းမျိုးခိုင်(မြေး)၊ ဒေါ်နန်းစိုးစိုးခိုင်(မြေး)၊ ဒေါ်နန့်ကြည်ကြည်ခိုင်(မြေး)၊ ဒေါ်နန့်ခင်မျိုးခိုင်(မြေး)၊ ဒေါ်နန့်လွင်ဝါ၀ါခိုင်(မြေး)

၇- အာဇာနည်- မန်းဘခိုင်
တက်ရောက်သူ- ဒေါ်မြင့်မြင့်ခိုင်(သမီး)၊ ဒေါက်တာခင်မောင်ဆွေ(သားမက်)၊ ဦးညီညီဆွေခိုင်(မြေး)

၈- အာဇာနည်- မိုင်းပွန်စော်ဘွားကြီး စ၀်စံထွန်း
တက်ရောက်သူ - ဦးစ၀်ကိုင်ဖ(သား) ၊ဒေါ်သောင်းသောင်း(ချွေးမ)၊ဦးစ၀်သောင်းတင်(သား)၊ဦးစ၀်ခွန်မြတ် (မြေး)၊ဒေါ်မြင့်မြင့်သန်း(မြေး)၊ဦးစ၀်နန္ဒာ(မြေး)၊ယိင်းယိင်းနန္ဒာမောင်(မြစ်)၊ယိင်းယိင်းဝိုဟွမ်(မြစ်)

၉- အာဇာနည်- ဦးရာဇတ်
တက်ရောက်သူ- ဦးတင်မြင့်(သား)၊ ဦးလှကြည်(သား)၊ ဒေါ်ဝေမာ(ချွေးမ)၊ ဒေါ်ညိုမီရာဇာတ်(မြေး)၊ ဦးလှမျိုးထွန်း(မြေးသမက်)

၁၀- အာဇာနည်- ဦးအုန်းမောင်
တက်ရောက်သူ- ဒေါ်သိန်းကြွယ်(ဇနီး)၊ ဦးတင်မောင်သိန်း(သား)၊ ဦးကိုကိုလှ(သား)၊ ဒေါက်တာမင်းမြင့်(သား)၊ ကိုကျော်ထက်အောင်(မြေး)၊ ကိုကျော်သက်အောင်(မြေး)၊ မသိမ့်ကိုကိုလှ(မြေး)၊ ကိုကျော်ထက်လင်း(မြေး)

၁၁- အာဇာနည်- ရဲဘော်ကိုထွေး
တက်ရောက်သူ- ဒုဗိုလ်မှူးကြီး အောင်ကိုကို(ငြိမ်း)(တူ)၊ ဒေါ်မမကြီး(တူမ)၊ ဒေါ်လှိုင်ဌေးမော်(တူမ)၊ ဒေါ်လှဝင်းချို(တူမ)
By Popular Myanmar News Journal






(၆၅) နှစ်မြောက် အာဇာနည်နေ့ အခမ်းအနားသို့ လွမ်းသူပန်းခွေချ အလေးပြုမည့် အဖွဲ့  အစည်းများ၊ တတ်ရောက်သူများ စာရင်းဖြစ်ပါတယ်။
၁) မြန်မာနိုင်ငံ စစ်မှုထမ်းဟောင်းအဖွဲ့ ချုပ်
(က) ဒုမှူးကြီးအောင်ဝင်း(ငြိမ်း)
(ခ) ဒုမှူးကြီးအောင်မြင့် (ငြိမ်း)

(၂)မြန်မာနိုင်ငံမီးသတ်တပ်ဖွဲ့ 
(က) ဦးကျော်သူရ၊ ညွှန်မှူး(ဌာနချုပ်)
(ခ)ဦးမြင့် ထွန်း၊ ဒုညွန်မှူး

(၃)မြန်မာနိုင်ငံကြက်ခြေနီအသင်း
(က)ဒေါက်တာလှဖေ၊ အကျိူးဆောင်အတွင်းရေးမှူး
(ခ)ဦးကြည်၊ အကျိုးဆောင်ဘဏ္ဍထိန်း

(၄)မြန်မာနိုင်ငံစာရေးဆရာများအသင်း
(က) ဦးခင်မောင်ထွန်း၊ ဒု-ဥက္ကဋ္ဌ
(ခ)ဦးမောင်မောင်အေး၊ အတွင်းရေးမှူး

(၅)မြန်မာနိုင်ငံစာပေထုတ်ဝေသူနှင့် ဖြန့် ချိသူများအသင်း
(က)ဦးမျိုးအောင်၊ ဒုဥက္ကဋ္ဌ(၁) (ခ)ဦးမြင့်ထွန်း၊ အတွင်းရေးမှူး

(၆)မြန်မာနိုင်ငံသတင်းစာဆရာများအသင်း
(က)ဦးစိုးသိန်(မောင်ဝံသ)၊နာယက (ခ)ဦးကိုကို(ကိုကို-စက်မှုတက္ကသိုလ်)၊အတွင်းရေးမှူး

(၇)မြန်မာနိုင်ငံရုပ်ရှင်အစည်းအရုံး
(က)ဦးဇင်ဝိုင်း၊ ဥက္ကဋ္ဌ
(ခ)ဦးလူမင်း(ခ)မင်းမင်းလှိုင်၊ ဒုဥက္ကဋ္ဌ(၂)

(၈)မြန်မာနိုင်ငံဂီတအစည်းအရုံး
(က)ဒေါ်ထား၊ စည်းရုံးရေးမှူး
(ခ)တက္ကသိုလ် လဲ့လဲ့၊ ဗဟိုအမှူဆောင်

(၉)မြန်မာနိုင်ငံသဘင်အစည်းအရုံး
(က)ဦးရဲဒွေး၊ ဥက္ကဋ္ဌ
(ခ)ဦးမိုးမင်း၊ တွဲဖက်အတွင်းရေးမှူး

(၁၀)မြန်မာနိုင်ငံရိုးရာပန်းပညာရှင်များအစည်းအရုံး
(က)ဦးမောင်မောင်လှမြင့်၊ ဥက္ကဋ္ဌ
(ခ)ဦးနီပိုဦး၊ အတွင်းရေးမှူး
By Popular Myanmar News Journal








သန်လျင်မြို့ရှိ အာဇာနည် ကျောက်တိုင်တွင် ဇူလိုင်လ ၁၉ ရက် (အာဇာနည်နေ့)က နှစ်ပေါင်း ၂၀ ကျော်အတွင်း ပထမဆုံးအကြိမ် အာဇာနည်နေ့ အခမ်းအနားကျင်းပခဲ့ ကြောင်း သိရသည်။

အဆိုပါ အာဇာနည်ကျောက်တိုင်တွင် ကျင်းပသည့် အာဇာနည်နေ့ အခမ်းအနားကို အမျိုးသားဒီမိုကရေ စီအဖွဲ့ချုပ်မှ ဦးဆောင်ကျင်းပခဲ့ခြင်း ဖြစ်သည်။ ယင်းအခမ်းအနားသို့ သန်လျင်မြို့ရှိ နိုင်ငံရေးပါတီရုံးများ၊ အသင်းအဖွဲ့များ၊ ၈၈ မျိုးဆက် ကျောင်းသားများအဖွဲ့နှင့်အတူသန်လျင်မြို့ခံ ပြည်သူများက ပန်းစည်း၊ ပန်းခွေများဖြင့် တက်ရောက်ဂါရ၀ါ ပြုခဲ့ကြသည်။

“ ကျွန်တော်က သန်လျင်ဇာတိ ပါ။ ကျွန်တော်တို့ငယ်ငယ်ကတည်း ကရှိနေတဲ့ ဒီကျောက်တိုင်ကြီးမှာ အာ ဇာနည်နေ့ရောက်တိုင်း မြို့နယ်အ လိုက်၊ ရပ်ကွက်အလိုက်၊ အသင်းအဖွဲ့အလိုက် စုရုံးလာရောက်ပြီး ဂါရ၀ ပြုကြတယ်။ ဥသြဆွဲပြီး ငြိမ်သက်တာမျိုးတွေ လုပ်ခဲ့ကြတယ်။ ဒါပေမယ့် ၁၉၈၈ ခုနှစ်နောက်ပိုင်းမှာ အဲဒီလို အခမ်းအနားမရှိတော့ဘူး။ ဒီကျောက်တိုင်နေရာကလည်း တစ်ဖြည်းဖြည်း ပျောက်ကွယ်လာပြီး မျက်တောကြီးထဲမှာ ဘာမှန်းမသိတဲ့ ကျောက်တိုင်ကြီးအဖြစ်ပဲ ကလေးတွေ သိကြတော့တယ်။ နှစ်ပေါင်း ၂၀ ကျော် အတွင်းမှာ ဒီပွဲလုပ်တာ ဒါပထမဆုံး ပါပဲ” ဟု သန်လျင်မြို့တွင်နေထိုင်သူ စစ်မှုထမ်းဟောင်းတစ်ဦး ဖြစ်သည့် အသက် ၅၁ နှစ်အရွယ် ဦး တင်ထွန်းက ဆိုပါသည်။

အဆိုပါ အာဇာနည်ကျောက်တိုင်ကို အာဇာနည်နေ့ အခမ်းအနား မတိုင်မီ တစ်လခန့်က အမျိုးသား ဒီမိုကရေစီအဖွဲ့ချုပ်မှ ဦးဆောင်ကာ အလှူရှင်များ၏ ပူးပေါင်းပါဝင်မှုဖြင့် ပြန်လည်ပြင်ဆင် မွမ်းမံထားခြင်း ဖြစ်ကြောင်း သိရသည်။ ယင်းအာဇာနည် ကျောက်တိုင်သို့ သရုပ်ဆောင် ဝေဠုကျော်နှင့် ကိုလူချောအဖွဲ့မှ အလှပန်းပင်များ နှင့် အရိပ်ပန်းပင်များကို ဇူလိုင်လ ၁၈ ရက်နေ့ ည နေပိုင်းနှင့် ဇူလိုင်လ ၁၉ ရက်နေ့ နံနက်ပိုင်းကလာ ဂါရ၀ါပြုကာ စိုက်ပျိုးခဲ့ကြောင်း သိရသည်။

“ဒီလို အခမ်းအနားမျိုးတွေနဲ့ လာရောက်ဂါရ၀ပြုခွင့်မရခင်ကတည်း က အာဇာနည်နေ့ကိုနောက်မျိုးဆက် တွေမေ့နေမှာစိုးလို့ ကလေးတွေကို ငယ်ငယ်ကတည်းက အိမ်မှာပဲ ဂါရ၀ ပြုခိုင်းခဲ့တယ်။ ဒီနေ့မှာ ဒီလို ဥသြ ဆွဲမှုတွေနဲ့အတူ အခမ်းအနား လာရောက်ဂါရ၀ပြုရတာ အရမ်းဝမ်းသာတယ်” ဟု သန်လျင်မြို့ခံတစ်ဦး ဖြစ်သည့် အသက် ၄၉ နှစ်အရွယ် ဒေါ်သန်းသန်းမော်စိုးက ဆိုပါသည်။

သန်လျင်မြို့၊ ကျိုက်ဒေးယျုံ ဘုရားအနီးရှိ အာဇာနည်ကျောက်တိုင်တွင် ကျင်းပသည့် အာဇာနည်နေ့ အခမ်းအနားတွင် ဗိုလ်ချုပ်အောင် ဆန်းနှင့်တကွ အာဇာနည်ခေါင်းဆောင်ကြီးများ ကျဆုံးခဲ့သည့် အချိန် တွင် တစ်မိနစ်ကြာ အသံချဲ့စက်မှ ဥသြဆွဲသံနှင့် အနီးအနားရှိ ဆိုင်ကယ်များမှ ဟွန်းသံများ အဆက်မပျက်တီးခဲ့ပြီး တက်ရောက်လာကြသူများ အားလုံးက ၀မ်းနည်းခြင်း အထိမ်းအမှတ် တစ်မိနစ်ငြိမ်သက်ကာ အလေးပြုခဲ့ကြသည်။ ထိုငြိမ်သက် အလေးပြုမှုအပြီးတွင် အခမ်းအနား ကိုရုပ်သိမ်းကြောင်း သိရသည်။Ref:EMG
By News of Myanmar








ရန်ကုန်-မန္တလေးလမ်း၌ တစ်နေ့လျှင် ပျမ်းမျှယာဉ်အစီးရေ ၂၅၀၀ အထက် ဖြတ်သန်းသွားလာနေသည့် လမ်းပိုင်းများကို လေးလမ်းသွားအဖြစ် တိုးချဲ့ရန် BOT ကုမ္ပဏီများသို့ ညွှန်ကြားထားကြောင်း ဆောက်လုပ်ရေး ၀န်ကြီးဌာန ဒုတိယ၀န်ကြီး ဦးကျော်လွင်က လွှတ်တော်တွင် ပြောကြားခဲ့သည်။

ယင်းကဲ့သို့လမ်းတိုးချဲ့ရာ၌ ၄၈ ပေအကျယ်လေးလမ်းသွားလမ်းအဖြစ် တိုးချဲ့ဆောင်ရွက်ရန်နှင့် တစ်နေ့ပျမ်းမျှ ယာဉ်အစီးရေ စာရင်းအပေါ်မူတည် ၍ လမ်းအကျယ်ကို တိုးချဲ့ဆောင်ရွက်သွားမည်ဖြစ်ကြောင်းလည်း ဒုတိယ ၀န်ကြီးဦးကျော်လွင်က ဆက်လက် ပြောကြားခဲ့သည်။

“ရန်ကုန်-မန္တလေး လမ်းဟောင်းမှာ သွားလာနေတဲ့ယာဉ်တွေ မှာ ခရီးသည်တင်ယာဉ်၊ ကုန်တင် ယာဉ်တွေသွားလာဖို့ကို ကန့်သတ်မထားပါဘူး။ အမြန်လမ်းမှာသာ ခရီးသည်တင်ယာဉ်တွေပဲ သွားလာ ခွင့်ပြုထားတာပါ။ လက်ရှိ ရန်ကုန်-မန္တလေးလမ်းမှာတော့ ရန်ကုန်ကနေ မန္တလေးအထိကို ဂိတ် ၁၁ ဂိတ်ရှိပါ တယ်။ တချို့ဂိတ်တွေက လမ်းပြု ပြင်မှုတွေရှိပေမယ့် တချို့လမ်းပိုင်းတွေမှာတော့ သိသာတဲ့ပြင်ဆင်မှု တွေ မတွေ့ရပါဘူး”ဟုလည်း ဘုရင့် နောင်ရှိကုန်စည် ပို့ဆောင်ရေးလုပ်ငန်းရှင်တစ်ဦးက ပြောကြားခဲ့သည်။

အလားတူကုန်းလမ်းပို့ဆောင်ရေး ညွှန်ကြားမှုဦးစီးဌာနမှ အငြိမ်းစား ညွှန်ကြားရေးမှူး ဦးအောင်မြင့်ကလည်း “ရန်ကုန်-မန္တလေးလမ်းဟောင်းကို တိုးချဲ့မယ်ဆိုရင် လမ်းအလယ်မှာ လမ်းလယ်ကျွန်းထည့်ပြီး တိုးချဲ့ဖို့အကြံပြု လိုပါတယ်။ အလယ်မှာလမ်းလယ်ကျွန်းရှိမယ်ဆိုရင် ဟိုဘက်နှစ်လမ်း၊ ဒီဘက်နှစ်လမ်းဖြစ်သွားအောင်ပါ။ ယာဉ်တစ်စီးနဲ့တစ်စီး ကျော်တက်လို့ မလိုအပ်တဲ့ ယာဉ်တိမ်းမှောက်မှုတွေ မဖြစ်အောင် လမ်းလယ်ကျွန်းထည့် သင့်ပါတယ်။ လမ်းကောင်းလာမယ်ဆိုရင် ကုန်စည်စီးဆင်းမှုပိုမြန်မယ်။ အချိန်ကုန်သက်သာမယ်။ ကုန်ကျ စရိတ်တွေလည်း သက်သာလာမယ်” ဟုလည်း ရန်ကုန်-မန္တလေးလမ်းဟောင်းအား လေးလမ်းသွားအဖြစ် တိုးချဲ့မည့် အစီအစဉ်နှင့် ပတ်သက်ပြီး ပြောကြားခဲ့သည်။Ref:EMG
By News of Myanmar








မန္တလေးမြို့ မြို့တော်ခန်းမတွင် (၆၅)နှစ်မြောက်အာဇာနည်နေ့အထိမ်းအမှတ်ဆွမ်းဆပ်ကပ် အလှူဒါနပြုပွဲကို ယနေ့နံနက်(၁၀)နာရီဝန်းကျင်မှ စတင်ကျင်းပခဲ့သည်။

မန္တလေးတိုင်းဒေသကြီးအစိုးရအဖွဲ့ဝန်ကြီးဌာနအသီးသီးမှတာဝန်ရှိသူများ၊ နိုင်ငံရေးပါတီပေါင်းစုံမှ တာဝန်ရှိသူများနှင့်မန္တလေးမြို့ရှိ လူမှူရေးအသင်းအဖွဲ့များမှ

တာဝန်ရှိသူများစုံလင်စွာတက်ရောက်ခဲ့ကြသည်။ ယင်းအခမ်းအနားတွင်ရွှေကျင်သာသနာပိုင်ဝါဆိုဆရာတော်ဘုရားကြီးမှ ငါးပါးသီလပေးခြင်း၊
မြတောင်ဆရာတော်ဘုရားကြီးက သြ၀ါဒပေးခြင်းတို့ ချီးမြှင့်ခဲ့ ပြီးဆရာတော်သံဃာတော်များကို နေ့ဆွမ်းဆပ်ကပ်၍ အမျှအတန်းပေးဝေခဲ့ကြသည်။Ref:7Days News
By News of Myanmar








စစ်ကိုင်းတိုင်းဒေသကြီးဘုတလင်မြို့ နယ်ရှိရွာကြီးတရွာဖြစ်သောညောင်ကန်ကျေးရွာတွင်အာဇာနည်နေ့ အခမ်းအနားကျင်းပခွင့် မရခဲ့ ကြောင်း..မြို့ နယ်အာဏာပိုင်များမှတားမြစ်ခဲ့ ခြင်းကြောင့် ဖြစ်ကြောင်းCJMyanmar သို့ ဒေသခံတဦးမှပြောကြားပါသည်။Ref:CJ Myanmar
By News of Myanmar








ဗိုလ်ချုပ်ပြတိုက် လာရောက် လေ့လာသူ ငါးထောင်ကျော်

ရန်ကုန်၊ ဇူလိုင် ၁၉

ဗိုလ်ချုပ်ပြတိုက်ကို လာရောက်ကြည့်ရှု လေ့လာသူ များမှာ နံနက် ၈ နာရီမှ စတင်၍ နေ့လည် ၁၂ နာရီအထိ အမျိုးသား၊ အမျိုးသမီး၊ သံဃာတော်၊ သီလရှင်၊ နိုင်ငံခြားသား အပါအဝင် လူဦးရေ ၅၀၉၈ ဦးလာရောက် ကြည့် ရှုကြောင်း ယင်းပြတိုက်၏ စာရင်းများအရ သိရသည်။

နံနက် ၈ နာရီမှ ၉နာရီအထိ လူဦးရေ ၆၄၇ ဦး၊ နံနက် ၉နာရီမှ ၁၀ နာရီအထိ လူဦးရေ ၁၆၁၇ဦး၊ နံနက် ၁၀ နာရီမှ ၁၁ နာရီအထိ ၁၈၁၅ ဦး၊ နံနက် ၁၁ နာရီမှ နေ့လည် ၁နာရီ အထိ ၂၀၁၉ ဦး ဖြစ်ကြောင်း ၊ အဆိုပါ ကြည့်ရှုသူများတွင် နိုင်ငံခြားသား ၃၁ ဦးပါဝင်ကြောင်း ၎င်းစာရင်းများအရ သိရသည်။Ref:Yangon Media
By News of Myanmar








မန္တလေးမြို့ ၅၅လမ်း၊ ၄၀ ၄၁လမ်းကြားရှိ
ကံတက်ကုန်းမစိုးရိမ်ကျောင်းတိုက်တွင်
(၆၅)နှစ်မြောက်အာဇာနည်နေ့အခမ်းအနားကျင်းပလျက်ရှိရာ ယင်းအခမ်းအနားသို့ကံတက်ကုန်းမစိုးရိမ်ကျောင်းတိုက်ဘုန်းတော်ကြီးသင်ပညာရေးကျောင်းမှ
ကလေးငယ်များ၊ ဆရာဆရာမများ၊ ဗ.က.သအဖွဲ့ဝင်များ၊ ၈၈ ကျောင်းသားရဲဘော်ဟောင်းများအဖွဲ့ဝင်အချို့တို့ တက်ရောက်ခဲ့ကြပြီးဆရာကိုလေး (အင်းဝဂုဏ်ရည်)၊ ဆရာမ နှင်းဆီအောင် အစရှိသည့် မြို့ခံစာရေးဆရာနှင့် ကဗျာဆရာအချို့မှအာဇာနည်နေ့ အောက် မေ့ဖွယ်အကြောင်းအရာများဟောပြောကြမည် ဖြစ်သည်။ ယင်းအခမ်းအနားကို နံနက် ၈း၃၀ မှ ၁၀း၃၇ အထိ
တစ်ကြိမ်၊ နေ့လည် ၁ နာရီမှ ၃ နာရီထိ တစ်ကြိမ် နှစ်ပိုင်းခွဲကျင်းပမည်ဟုသတင်းရရှိသည်။
By 7Day News Journal








အဓမ္မစေခိုင်းမှုလုံးဝပပျောက်ရေးအကောင်အထည်ဖော်ရေးဆွေးနွေး

မြန်မာနိုင်ငံတွင်အဓမ္မခိုင်းစေမှုလုံးဝပပျောက်ရေးပူးတွဲမဟာဗျူဟာအကောင်အထည်ဖော်ဆောင်ရေး လုပ်ငန်းကော်မတီညှိနှိုင်းအစည်းဝေးကို ယနေ့ ဇူလိုင် ၁၉ ရက်က နေပြည်တော်တွင် ကျင်းပခဲ့သည်ဟုသတင်းရရှိသည်။
မြန်မာနိုင်ငံတွင် အဓမ္မခိုင်းစေမှုလုံးဝပပျောက်ရေး ပူးတွဲမဟာဗျူဟာ အကောင်အထည်ဖော်ဆောင်ရေးလုပ်ငန်းစီမံချက်ကို ၂၀၁၅ ခုနှစ်မတိုင်မီ အကောင်အထည်ဖော်ဆောင်ရွက်ပြီးစီးနိုင်ရန်အတွက် ညှိနှိုင်းအစည်းဝေး ကျင်းပခဲ့ခြင်းဖြစ်ပြီး ဆောင်ရွက်ရန်ကိစ္စများကို ချက်ခြင်းစတင်အကောင်အ ထည်ဖော်ရန် ကော်မတီဥက္ကဌပြည်ထောင်စုဝန်ကြီးဦးအောင်ကြည်ကအစည်းဝေးတွင်ပြောကြားခဲ့သည်ဟုသိရသည်။
ကျင်းပပြီးစီးခဲ့သည့် ၁၀၁ ကြိမ်မြောက် အပြည်ပြည်ဆိုင်ရာအလုပ် သမားရေးရာညီလာခံတွင် အိုင်အယ်လ်အိုက မြန်မာနိုင်ငံအပေါ် ပိတ်ဆို့အရေးယူမှုအများစုကို ဖယ်ရှားခဲ့ပြီးဖြစ်၍ သက်ဆိုင်ရာလုပ်ငန်း တာဝန်အလိုက် သတ်မှတ်ထားသည့်ကာလထက်စောပြီးဆောင်ရွက်ရန် လိုအပ်ပြီး ၄င်းကိစ္စသည်မြန်မာနိုင်ငံ၏ဖွံ့ဖြိုးတိုးတက်မှုစီမံကိန်း များနှင့် ပြုပြင်ပြောင်းလဲရေးစီမံကိန်းများ ရင်းနှီးမြှုပ်နှံမှုစီးဝင်လာရေးတို့တွင် အဓိကကျသည့်အချက်ဖြစ်သည်ဟုလည်း ပြည်ထောင်စုဝန်ကြီးကပြောကြားခဲ့သည်။
အဆိုပါအစည်းဝေးကို ကော်မတီဥက္ကဌအလုပ်သမားဝန်ကြီးဌာနနှင့်လူမှုဝန်ထမ်း၊ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာနပြည်ထောင်စုဝန်ကြီးဦးအောင်ကြည်၊ အပြည်ပြည်ဆိုင်ရာအလုပ်သမားရေးရာအဖွဲ့မှ ဆက်ဆံရေးအရာရှိနှင့်သက်ဆိုင်ရာဝန်ကြီးဌာနအသီးသီးမှကော်မတီဝင်များ တက်ရောက်ခဲ့ကြပြီး အသေးစိတ်ညှိနှိုင်းဆွေးနွေးခဲ့ကြသည်ဟုသိရသည်။
By 7Day News Journal








မြန်မာနိုင်ငံမှ ကုန်ပစ္စည်းတင်သွင်းမှု ပိတ်ပင်ထားခြင်းကို
အမေရိကန်ဆီးနိတ်ကော်မတီ သက်တမ်းတိုး
ဝါရှင်တန်၊ ဇူလိုင်-၁၈
စီးပွားရေးနှင့် နိုင်ငံရေး ပြုပြင်ပြောင်းလဲမှုများ ဆက်လက်ဖြစ်ပေါ်ရေး မြန်မာနိုင်ငံအား ဖိအားပေးရန်အတွက် မြန်မာနိုင်ငံမှ ကုန်ပစ္စည်းများ အမေရိကန်သို့ တင်သွင်းမှုပိတ်ပင်ထားခြင်းကို နောက်ထပ်သုံးနှစ် သက်တမ်းတိုးရန် အမေရိကန် အထက်လွှတ်တော် ဘဏ္ဍာရေးကော်မတီက ဆုံးဖြတ်လိုက်သည်။
ယင်းဥပဒေအား ၂၀၀၃ ခုနှစ်တွင် စတင်ပြဋ္ဌာန်းခဲ့ပြီး ထပ်မံ၍ သက်တမ်းများ တိုးလာခဲ့ရာ ယခုလကုန်ပိုင်းတွင် သက်တမ်းကုန်ဆုံးမည်ဖြစ်သည်။ အပြုသဘော ခြေလှမ်းများအတွက် မြန်မာနိုင်ငံအပေါ် ပိတ်ဆို့တားဆီးမှုများကို လျှော့ပေါ့ပေးခြင်း၊ အဆုံးသတ်ခြင်း ပြုနိုင်ရန် အိမ်ဖြူတော်၏ သြဇာအာဏာကိုလည်း ယင်းဥပဒေက ဆက်လက်အသိအမှတ်ပြုထားသည်။
`သွင်းကုန်ပိတ်ဆို့မှုကို သုံးနှစ် ထပ်မံအာဏာ တည်စေခြင်းဖြင့် ပြုပြင်ပြောင်းလဲမှုတွေ လုပ်ဆောင်ဖို့ မြန်မာအစိုးရကို ဆက်လက်ဖိအား ပေးထားတာဖြစ်ပါတယ်´ဟု အမေရိကန် အထက်လွှတ်တော် ဘဏ္ဍာရေးကော်မတီ ဥက္ကဋ္ဌ မက်စ်ဘောကပ်စ်ကပြောသည်။
အထက်လွှတ်တော်နှင့် အောက်လွှတ်တော် နှစ်ရပ်ပေါင်းက သြဂုတ်လတစ်လလုံး လွှတ်တော်ရပ်နားထားခြင်း မတိုင်မီ ယင်းဥပဒေကို ပြဋ္ဌာန်းလိမ့်မည်ဟု ပိတ်ဆို့မှုကို ထောက်ခံသူများက မျှော်လင့်ကြသည်။
ယင်းပိတ်ဆို့တားဆီးမှုများ မတိုင်မီ ၂၀၀၂ ခုနှစ်က အမေရိကန်နိုင်ငံသည် မြန်မာနိုင်ငံမှ အ၀တ်အထည်နှင့် အခြားကုန်ပစ္စည်း ၃၅၆ ဒသမ ၄ သန်း တင်သွင်းခဲ့သည်။
အိုဘားမားအစိုးရကမူ ယခင် ရက်သတ္တပတ်အတွင်း ပိတ်ဆို့တားဆီးမှုအချို့ကို လျှော့ပေါ့ပေးခဲ့ပြီး အမေရိကန် ကုမ္ပဏီများအား မြန်မာနိုင်ငံတွင် ရင်းနှီးမြှုပ်နှံခွင့် ပြုခဲ့သည်။ ယင်းနောက် နှစ်ရက်အကြာတွင် အမေရိကန် နိုင်ငံခြားရေးဝန်ကြီး မစ္စစ်ကလင်တန်က မြန်မာနိုင်ငံ သမ္မတ ဦးသိန်းစိန်နှင့် ကမ္ဘောဒီးယားနိုင်ငံ စိရမ်ရိမြို့တွင် တွေ့ဆုံပြီး ပြုပြင်ပြောင်းလဲမှုများ ဆက်လက်လုပ်ဆောင်ရန် တိုက်တွန်းအားပေးခဲ့သည်။
အမေရိကန်၏ ဖြေလျှော့ပေးမှုများသည် အမေရိကန်ကုမ္ပဏီနှင့် လုပ်ငန်းများအတွက်သာ အကျိုးရှိစေသော တစ်လမ်းသွား၊ တစ်ဖက်သတ်ဆန်နေကြောင်း မကြာသေးမီက ပြည်သူ့လွှတ်တော် ဥက္ကဋ္ဌ သူရဦးရွှေမန်းက အမေရိကန်စီးပွားရေး ပိတ်ဆို့မှုဆိုင်ရာ အရေးပေါ်အဆိုတင်သွင်းချက်အပေါ် မှတ်ချက်ပြုပြောကြားသည်။
By 7Day News Journal








အာဇာနည် ဝိညာဉ် ထုံကူးမယ့် နေ့ထူးနေ့မြတ်

၁၉၈၀ နှစ်တွေတုန်းက ကျွန်တော်တို့ဟာ ရှမ်းပြည်တောင်ပိုင်း တောမြို့လေးတစ်မြို့မှာ မူလတန်းကနေ အထက်တန်းအထိ ဖြတ်သန်း ခဲ့ရတဲ့ နှစ်တွေပါ။ မြန်မာနိုင်ငံမှာ နေထိုင်တဲ့ ဘယ်သူမဆို မမေ့အပ်တဲ့ နေ့ထူးနေ့မြတ်ထဲမှာ အာဇာနည်နေ့ဟာ ထိပ်ဆုံးက ပါတယ်ဆိုတာ ရဲရဲဝံ့ဝံ့ လက်ခံခဲ့ကြတဲ့ နှစ်တွေပါခင်ဗျ။ ဒါကြောင့်လည်း အာဇာနည်နေ့ မရောက်ခင် သုံးလေးရက်မှာ ကျောင်းဆရာ၊
http://goo.gl/09wZO
By The Voice Weekly








နေပြည်တော်ပျဉ်းမနားမြို့ ဗိုလ်ချုပ်ကြေးရုပ်ပတ်ဝန်းကျင်တွင်အာဏာပိုင်အဖွဲ့အစည်းများဖြစ်သော ရဲတပ်ဖွဲ့၊ ရဲသတင်းတပ်ဖွဲ့၊ စစစ၊ စရဖ၊ မှုခင်းတပ်ဖွဲ့၊ နယ်မြေအုပ်ချုပ်ရေးမှူးရုံးတို့မှလူများက ဂါရ၀ပြုလာသူများကိုစောင့်ကြည့်နေသော်လည်း တစ်စုံတစ်ရာဝင်ရောက်စွက်ဖက်ခြင်းမရှိခဲ့ပေ။ ဓာတ်ပုံများရိုက်ခြင်း၊ လူဦးရေမှတ်တမ်းယူခြင်းများသာ ပြုလုပ်ခဲ့သည်။
By 7Day News Journal










မြန်မာနိုင်ငံ ဒေသအချို့မှာ အာဇာနည်နေ့အခမ်းအနားကျင်းပခွင့်
ပိတ်ပင်ခံရတာနဲ့ပတ်သက်ပြီး ဒေါ်အောင်ဆန်းစုကြည်က ဒီလို အာဇာနည်
ခေါင်းဆောင်ကြီးတွေကို တန်ဖိုးမထားတဲ့နိုင်ငံတခုမှာ အာဇာနည်စိတ်ဓါတ်ကို
ပွားများအောင်ဘယ်လိုလုပ်မှာလဲလို့ မိမိအနေနဲ့ ခံစားမိကြောင်း RFA ကိုပြောဆိုလိုက်ပါတယ်။

ဒါ့အပြင်သူက ပြီးခဲ့တဲ့ရက်ပိုင်းအတွင်း လွှတ်တော်မှာ ပိတ်ဆို့မှု ဖယ်ရှားရေးအတွက် ဆောင်ရွက်ပေးနိုင်သူတွေက ဆောင်ရွက်ပေးဖို့
တောင်းဆိုတာကို မူအရ ကန့်ကွက်စရာ မရှိပေမဲ့ အဆိုပြုချက်ထဲမှာ ပါဝင်တဲ့
တချို့ အချက်တွေကို သဘောမတူကြောင်း ပြောပါတယ်။

အပြည့်အစုံကို ဦးခင်မောင်စိုး တင်ဆက်တဲ့ “ဒီမိုကရေစီခရီးကြမ်းနဲ့ ဒေါ်အောင်ဆန်းစုကြည်” အစီအစဉ်မှာ နားဆင်ပါ။

http://soundcloud.com/burmese-rfa/otnmxsu4owzl
By RFA Burmese










"ဖုန်းဖြင့်အင်တာနက်သုံးသူ တိုးလာ၍ အင်တာနက်ဆိုင်များဝင်ငွေ ထက်ဝက် လျော့ကျသွား"

မိုဘိုင်းဖုန်းနှင့် အင်တာနက် သုံးစွဲမှု များပြားလာ၍ ရန်ကုန်တိုင်းဒေသကြီး အတွင်းရှိ အင်တာနက်ဆိုင်များ ဝင်ငွေထက်ဝက်နီးပါး ကျဆင်းသွားကြောင်း အင်တာနက်ဆိုင်များမှ သိရသည်။
''ဖုန်းတွေက ဈေးတွေကျပြီး အင်တာနက်လိုင်းဖွင့်ပေးလိုက်တော့ ဖုန်းကိုင်နိုင်တဲ့ လူတော်တော်များ များ ဆိုင်ကို မလာတော့ဘူး။ ကိုယ့် ဖုန်းနဲ့ ကိုယ်ပဲသုံးကြတယ်။ဒါကြောင့် လူမဝင်တော့ ဝင်ငွေနဲ့ထွက်ငွေ မမျှ ဘူး။ ဆိုင်ဆက်ဖွင့်မဖွင့်ဆိုတာတော့ တစ်လနှစ်လလောက်စောင့်ကြည့် ဦးမှာပါ'' ဟု ကျောက်တံတားမြို့ နယ်မှ အင်တာနက်ဆိုင်တစ်ဆိုင်မှ တာဝန်ရှိသူ တစ်ဦးက ပြောသည်။
လက်ရှိတွင် မြန်မာ့ဆက်သွယ် ရေးလုပ်ငန်းမှ မိုဘိုင်းဖုန်းများ အင်တာနက် သုံးစွဲခွင့်ကို ကျပ် ၁၅ သိန်း ၅ သောင်းဂျီ၊ ကျပ်ငါးသိန်းဂျီ၊ ကျပ် နှစ်သိန်းဂျီ၊ ကျပ်ငါးသိန်း CDMA 800 MHz ၊ ကျပ်နှစ်သိန်း CDMA 800 MHz နှင့် WCDMA ဖုန်းများ အားသုံးစွဲခွင့် ပေးထားပြီး အင်တာနက်လျှောက်ထား ခွင့်ကိုလည်းလက် ရှိအချိန်အထိ ခွင့်ပြုပေးထားကြောင်း ဆက်သွယ်ရေးမှ သိရသည်။
''တကူးတကတော့ အင်တာ နက်ဆိုင်မသွားတော့ဘူး။ မိုဘိုင်းဖုန်း နဲ့ပဲ သုံးစွဲဖြစ်တယ်။ ဆိုင်မှာ တစ် ခုခုကို Download လုပ်မယ်ဆိုရင် အကြာ ကြီးစောင့်ရတယ်။ ဖုန်းနဲ့ Download လုပ်တော့ ခဏပဲလုပ် ရတယ်။ ငွေကုန်လည်းသက်သာ တယ်။ ဒါကြောင့် ဖုန်းဝယ်ပြီး အင်တာ နက်လျှောက်ဖြစ်တာ'' ဟု မင်္ဂလာတောင်ညွန့်မြို့နယ်မှ ဖုန်း ကိုင်ဆောင်သူ ကိုညီညီကပြောသည်။
ပုဇွန်တောင်မြို့နယ်မှ Cyber အင်တာနက်ဆိုင်ရှင်တစ်ဦးက ''ကွန် နက်ရှင်ချင်း ယှဉ်ရင်လည်းသာတယ်။ တစ်နာရီသုံးစွဲခလည်း သက်သာ တယ်။ ဂိမ်းဆော့မလား၊Skype နဲ့ဖုန်းပြောမလား၊ ဖုန်းနဲ့ အလုပ်လုပ် လို့ရတော့ ဖုန်းကိုင်တဲ့သူ ဘယ်လိုမှ အင်တာနက်ဆိုင် မလာတော့ဘူး။ ဒီတော့ ဘယ်လိုမှ ဝင်ငွေမကောင်း နိုင်ဘူး။ ပြီးခဲ့တဲ့လကဆိုရင် လေး သောင်းလောက်စိုက်ရတယ်။ လူဝင် နေရင်တော့ တစ်သိန်းအောက် အမြတ်ရှိပါတယ်'' ဟု ပြောသည်။
လက်ရှိတွင် အင်တာနက်ဆိုင် အများစုမှာ ဝင်ငွေကျဆင်းလာခြင်း ကြောင့် အင်တာနက်သုံးစွဲနိုင်သည့် သင်တန်း၊ Pfingo ၊ Skype စသည့် နိုင်ငံတကာ ဖုန်းခေါ်ဆိုနိုင်သည့် စနစ် များနှင့် ဂိမ်းကစားနည်းမျိုးစုံကို ထည့်သွင်းပေး မှုများ ပြုလုပ်ကြပြီး ပေးသွင်းနေရသည့် လစဉ်ကြေးများ လည်း လျှော့ချပေး ရန် သက်ဆိုင် ရာအင်တာနက် ဝန်ဆောင်မှုပေး သည့် ကုမ္ပဏီများ ထံတောင်းဆိုလာ မှုများရှိကြောင်းသိရသည်။ အဆိုပါ ကိစ္စနှင့်ပတ်သက်၍ အင်တာနက် ဝန်ဆောင်မှုပေးသည့် Red Link ကုမ္ပဏီမှတာဝန်ရှိသူက လစဉ်ကြေး ကိုတော့ လျှော့ချပေးဖို့ အစီအစဉ် မရှိကြောင်း၊ကနဦးတပ်ဆင်ခများကို သာလျှော့ချပေးသွားမည်ဖြစ်ကြောင်း၊ လက်ရှိလည်း ကနဦးတပ်ဆင်ခများ ကိုယခင်နှုန်းထက် များစွာလျှော့ချ ပေးလျက်ရှိကြောင်း ပြောသည်။
လက်ရှိအင်တာနက် တပ်ဆင် ခများ၊ သုံးစွဲခနှင့် ကွန်နက်ရှင် ကျ ဆင်းမှုများနှင့် ပတ်သက်၍ မြန်မာ့ ဆက်သွယ်ရေးမှ အကြီးတန်းအရာ ရှိတစ်ဦးက မိမိတို့နိုင်ငံအနေဖြင့် အခြားနိုင်ငံများနှင့်ယှဉ်ပါက အင်တာနက်ကနဦးတပ်ဆင်ခများ မြင့်မားနေ သော်လည်း အချို့နိုင်ငံများထက်သုံးစွဲခ သက်သာကြောင်း၊လက်ရှိပြဿနာ များဖြစ်ပေါ်နေခြင်းမှာလိုအပ်နေသည့် အခြေခံအဆောက်အအုံ မပြီးစီး သေးသည့်အတွက်သာ ဖြစ်ကြောင်း အခြေခံအဆောက်အအုံ ပြီးစီးပါက နိုင်ငံတကာနှုန်းအတိုင်း ဖြစ်ပေါ်လာ မည်ဖြစ်ကြောင်း၊အင်တာနက်မြန်နှုန်း ကိုလည်း တိုးချဲ့ပေးလျက်ရှိကြောင်း၊ နောက်ပိုင်းတွင် Download ဆွဲ သည့်သုံးစွဲခသာ ပေးချေရမည့်စနစ် အထိလုပ်ဆောင်ပေးမည်ဖြစ်ကြောင်း ပြောသည်။

အောင်ဇော်
Popular News Journal
By AF Ijournal








ဗိုလ်ချုပ်အောင်ဆန်း မွေးရပ်မြေဖြစ်တဲ့ မကွေးတိုင်း နတ်မောက်မြို့က ဗိုလ်ချုပ်ကြေးရုပ် ပန်းခြံအတွင်းမှာ အာဇာနည်နေ့ အခမ်းအနား ကျင်းပခွင့် မပေးနိုင်ဘူးလို့ ပြီးခဲ့တဲ့ရက်က မြို့နယ် အုပ်ချုပ်ရေးမှူး ကိုယ်တိုင် အမိန့်စာ ထုတ်ခဲ့ပေမယ့် ဒီကနေ့ ကျရောက်တဲ့ အာဇာနည်နေ့မှာတော့ မြို့နယ် အမျိုးသား ဒီမိုကရေစီအဖွဲ့ချုပ် NLD ပါတီဝင်တွေကို ခွင့်ပြုပေးပါတယ်။

နတ်မောက်မြို့နယ် NLD ပါတီဝင် ၁ ရာလောက်ဟာ ဒီကနေ့ မနက် ၇ နာရီလောက်မှာ ပန်းခြံအတွင်းက ဗိုလ်ချုပ်အောင်ဆန်း ကြေးရုပ်ကို သွားပြီး လွမ်းသူ့ ပန်းခွေချ အလေးပြုကြပါတယ်။ အဲဒီနောက် အာဇာနည်
ခေါင်းဆောင်ကြီးတွေကို ရည်စူးပြီး NLD မြို့နယ်ရုံးမှာဘုန်းတော်ကြီးတွေကို
ဆွမ်းကပ် အမျှဝေပြီးနောက် တဆက်တည်း ဟောပြောပွဲ အခမ်းအနား
ပြုလုပ်ခဲ့ပါတယ်။
ဒီအခမ်းအနားကို NLD ပါတီဝင်တွေ တင်မက မြို့လူထုပါ တက်ရောက်ခဲ့ကြတယ်လို့ သိရပါတယ်။
By RFA Burmese










ဒီကနေ့ ကျရောက်တဲ့ ၆၅ နှစ်မြောက် အာဇာနည်နေ့ အထိမ်းအမှတ် အခမ်းအနားကို ရန်ကုန်မြို့ ရွှေဂုံတိုင်လမ်းက အမျိုးသား ဒီမိုကရေစီ အဖွဲ့ချုပ် ရုံးမှာ ကျင်းပပါတယ်။

အခမ်းအနားမှာ NLD ဥက္ကဋ္ဌ ဒေါ်အောင်ဆန်းစုကြည်က- အာဇာနည်ဆိုတာ သူရဲကောင်းနဲ့ မတူတဲ့အကြောင်း၊ သတ္တိ ရှိရုံနဲ့ အာဇာနည် မဖြစ်နိုင်ကြောင်း ထည့်သွင်း ပြောကြားခဲ့ပါတယ်။

အခမ်းအနား တက်ရောက်လာသူ အားလုံးက အာဇာနည်
ခေါင်းဆောင်ကြီးတွေ ကျဆုံးတဲ့ မနက် ၁ဝ နာရီ ၃၇ မိနစ်မှာ ၂ မိနစ် ငြိမ်သက် အလေးပြုပြီးနောက် NLD သဘာပတိ ဦးတင်ဦးက အဖွင့် အမှာစကား ပြောပါတယ်။ အဲဒီနောက် ၆၅ နှစ်မြောက် အာဇာနည်နေ့ ကြေညာချက်ကို အတွင်းရေးမှူး အဖွဲ့ဝင် ဦးဟန်သာမြင့်က ဖတ်ကြားခဲ့ပါတယ်။

NLD ရုံးချုပ်မှာ ကျင်းပတဲ့ အာဇာနည်နေ့ အခမ်းအနားကို ၈၈ မျိုးဆက် ကျောင်းသား ခေါင်းဆောင်တွေ အပါအဝင်၊ မြန်မာနိုင်ငံ ဆိုင်ရာ အမေရိကန် သံအမတ်ကြီး ဒဲရစ်မစ်ချယ်နဲ့ ဗြိတိန်၊ အစ္စရေး ၊ ဂျာမန်၊ ပြင်သစ်၊ တရုတ်၊ သြစတြေလျ နဲ့ ထိုင်းနိုင်ငံတို့က သံအရာရှိတွေ၊ ပြည်သူ့လွှတ်တော် ကိုယ်စားလှယ် တွေနဲ့ မြို့နယ်အသီးသီးက NLD အဖွဲ့ဝင်တွေ စုစုပေါင်း ၃ ထောင်ကျော် တက်ရောက်ခဲ့ပါတယ်။

ဒီကနေ့ မနက်ပိုင်းကလည်း အာဇာနည် ခေါင်းဆောင်ကြီးတွေကို ရည်စူးပြီး ဒေါ်အောင်ဆန်းစုကြည်က တက္ကသိုလ် ရိပ်သာလမ်း နေအိမ်မှာ သံဃာတော်တွေကို ဆွမ်း ဆက်ကပ် လှူဒါန်းခဲ့တယ်လို့ သိရပါတယ်။
By RFA Bumrese










၆၅ နှစ်မြောက်အာဇာနည်နေ့အခမ်းအနားတွေကို မော်လမြိုင်၊ ပဲခူးနဲ့ ထားဝယ် မြို့ အန်အယ်လ်ဒီတွေမှာလည်း စည်စည်ကားကား ကျင်းပခဲ့ပါတယ်။

မော်လမြိုင်မှာတော့ ချီတက်လမ်းလျှောက်ခွင့် ပန်းခွေချခွင့် မပြုပေမယ့်လို့ လူငယ် ၂၀၀ နီးပါးလောက်က မြို့လယ်က ဗိုလ်ချုပ်ကြေးရုပ်ရှေ့မှာ လွမ်းသူပန်းခွေ သွားချခဲ့တယ်လို့ သိရပါတယ်။

ဒီနှစ်ထူးခြားတာက ပြည်နယ်နဲ့ တိုင်းအစိုးရအဖွဲ့ဝင်တွေကလည်း အာဇာနည်နေ့ဆွမ်းကပ်ပွဲတွေ လုပ်ပြီး နိုင်ငံရေးပါတီက ကိုယ်စားလှယ်တွေ
ကိုလည်း တက်ဖို့ ဖိတ်ကြားခဲ့ပါတယ်။
By RFA Burmese










ဒီကနေ့ ကျရောက်တဲ့ ၆၅ နှစ်မြောက် အာဇာနည်နေ့ကို ဂုဏ်ပြုတဲ့အနေနဲ့ ရုပ်ရှင် သရုပ်ဆောင် ကိုကျော်သူ ဦးဆောင်တဲ့ နာရေးကူညီမှု အသင်း (ရန်ကုန်) က “အကြောအဆစ် ရောဂါ နဲ့ ကိုယ်အင်္ဂါ ပြန်လည်သန်စွမ်းရေး” အခမဲ့ ဆေးကုသ ဌာနခွဲတခု ဒီကနေ့ စတင် ဖွင့်လှစ်လိုက်ပါတယ်။

“သုခ” ကုသိုလ်ဖြစ် ဆေးခန်းမှာ ကျင်းပတဲ့ ဒီကနေ့ ဖွင့်ပွဲ အခမ်းအနားမှာ ပါမောက္ခ ဒေါက်တာ ဦးသန်းတိုးက ဦးဆောင်ပြီး ဒေါက်တာ ဒေါ်ဝါဝါအောင် ၊ ဒေါက်တာ ဒေါ်သန်းသန်းဌေး ၊ ဒေါက်တာ ဦးအောင်ကိုဦး ၊ ဒေါက်တာ ဒေါ်မွန်မွန်ခိုင် ၊ ဒေါက်တာ ဒေါ်ခင်စောဦး နဲ့ ဒေါက်တာ
ဒေါ်သိဂီ င်္လှိုင်တို့က အကြောအဆစ် ရောဂါဝေဒနာရှင် ၁ဝ ဦးကို စတင် ကုသပေးခဲ့ပါတယ်။

နေ့စဉ်လည်း ဒီဆရာဝန်ကြီးတွေက အလှည့်ကျ ကုသ ပေးသွားမယ်လို့ ဆိုပါတယ်။ နာရေးကူညီမှုအသင်း (ရန်ကုန်) ရဲ့ သုခကုသိုလ်ဖြစ် ဆေးခန်းကို
၂၀၀၇ ခုနှစ်က စတင် ဖွင့်လှစ်ခဲ့ ပြီး အထွေထွေ ၊ အရိုး အကြော၊ အရေပြား ၊ ကလေးနဲ့၊ မျက်စိ၊ နားနှာခေါင်းလည်ချောင်း၊ သွား- စတဲ့ ရောဂါ
ဝေဒနာတွေအပြင် မီးယပ်သားဖွားနဲ့ အသေးစား ခွဲစိတ်ကုသမှုတွေကို အခမဲ့ ကူညီပေးနေတယ်လို့ သိရပါ တယ်။
By RFA Burmese

'ခေါင်းဆောင်ကြီးများ ကျဆုံးရစဉ်က'

ဝန်ကြီးဟောင်းဦးဗဂျမ်း၏ မျက်မြင်ကိုယ်တွေ့

(တိုးမြစ်စာအုပ်တိုက်မှ ထုတ်ဝေသည့် ဗိုလ်ချုပ်အောင်ဆန်း ရုပ်ပုံလွှာကောက်ကြောင်း ဆောင်းပါးစာစုများမှ ၁၉၅၃ မြ၀တီမဂ္ဂဇင်း
ဇူလိုင်လထုတ်တွင် ပါရှိခဲ့သည့် ဆောင်းပါးအား တက္ကသိုလ်များ (ဗဟို) စာကြည့်တိုက်၏ အကူအညီဖြင့် ပြန်လည်ဖော်ပြပါသည်။)

အတွဲ ၂၉ ၊ အမှတ် ၅၇၈ (၂၀ - ၂၆ ၊ ၇ ၊ ၂၀၁၂)

ရက်ကား ၁၉၄၇ ခုနှစ်၊ ဇူလိုင်လ ၁၉ ရက်ဖြစ်၍ နေ့ကား စနေနေ့ဖြစ်ပါသည်။ ထိုအခါက ကျွန်တော်သည် လမ်းပန်း အဆောက် အအုံနှင့် ပြန်လည်ထူထောင် ရေးဌာနကို အုပ်ချုပ်ရသည်ဖြစ်ရာ ထို ဌာန၏ အတွင်းဝန်မှာ အိုင်စီအက်စ် ဦးအုန်းဖြစ်၍ ဒုတိယ အတွင်းဝန်မှာ အိုင်စီအက်စ် ဦးချမ်းသာဖြစ်သည်။

ကျွန်တော်သည် အမှတ် (၈)၊ ကိုယ့်မင်း ကိုယ့်ချင်းလမ်း၊ ဗလစ ဌာနချုပ်တွင် နေထိုင်လျက်ရှိရာ ဟင်္သာတခရိုင်သို့ ခရီးထွက်ခဲ့ သည်မှအပြန် အအေးမိ၍ အနည်းငယ်ဖျားလျက်ရှိ၏။

ထိုနေ့တွင် ၀န်ကြီးများ အစည်းအဝေး ကျင်းပမည်ဖြစ်ရာ ကျွန်တော်သည် နေမကောင်းသဖြင့် အကြောင်းထူးသာ မရှိခဲ့လျှင် ထိုအစည်းအဝေးသို့ တက်ဖြစ် မည်မဟုတ်ပေ။

ထိုနေ့ကျင်းပသည့် ၀န်ကြီးများအစည်းအဝေးတွင် ပြောပြ သင့်သော သတင်းထူး တစ်ခုကို ကျွန်တော် ရရှိထား၏။

သတင်းထူးပုံမှာ စစ်တပ်မှ မလိမ့်တပတ်ဖြင့် စက်သေနတ် (ဘရင်းဂန်း) အလက် ၂၀၀ ထုတ်ယူသွား သူမှာ ဦးစောဖြစ်ကြောင်း၊ ထိုသို့ထုတ်ယူ စဉ်က ဦးစောသည် ရှမ်းဘောင်းဘီ၊ မျက်မှန်နက်၊ ဆွယ်တာလက်ပြတ်နှင့်ဖြစ် ၍ ထုတ်ယူသွားသော မော်တော်ကား ရှေ့တန်းကားမောင်းသူဘေးတွင် ထိုင်လျက်ပါကြောင်းများအပြင် ဦးစောတို့ လူစုသည် ကုဒီတား (ခေါ်) 'လက်နက် ဖြင့် အာဏာ သိမ်းယူရန်' ကြံစည်လျက်ရှိ ကြကြောင်း သတင်းရရှိထား၏။

သို့သော် သတ်ဖြတ်သည်အထိ အကြံပက်စက်ကြ မည်ဟူ၍ကား ထိုအခါက ကျွန်တော် လုံးဝ မတွေးတောခဲ့မိပေ။

ရရှိထားသော သတင်းထူးကို ၀န်ကြီး များအစည်းအဝေးတွင် တင်ပြ လိုသဖြင့် ကျွန်တော်သည် နေမကောင်းလျက်နှင့် အ၀တ်ထူထူ အထပ်ထပ်ဝတ်၍ အစည်း အဝေးသို့ သွား၏။

အစည်းအဝေးကျင်းပမည့် နေရာ သည် အတွင်းဝန်များရုံး၊ အလယ်ထပ်၊ ဗိုလ်ချုပ်အောင်ဆန်း၏ ရုံးခန်းတွင် ဖြစ်၍ စမည့်အချိန်မှာ နံနက် ၁၀ နာရီ ဖြစ်၏။

အစည်းအဝေးမစမီ မိနစ်အနည်းငယ် ခန့်အလိုတွင် ဗိုလ်ချုပ်နှင့် ကျွန်တော် အစည်းအဝေးခန်းဝတွင် မျက်နှာချင်း ဆိုင်ဆုံမိပြီး အခန်းတွင်းသို့ အတူဝင် သွားကြ၏။

ထိုနေ့တွင် ဗိုလ်ချုပ်သည် ၀တ်နေကျ စစ်ဝတ်စစ်စားမဟုတ်ဘဲ ထူးထူးခြားခြား အရပ်ဝတ်အရပ်စားနှင့် လာ၏။

ရွှေဖလားရောင် ဗန်ကောက် လုံချည်၊ ပိုးအင်္ကျီတို့နှင့်ဖြစ်၍ ဆံပင်မှာ လည်း ခါတိုင်းကဲ့သို့ စုတ်ဖွားဖွားကြီး မဟုတ်ဘဲ ညှပ်ပြီးစဖြစ်၍ သပ်ရပ်၏။

"ဗိုလ်ချုပ်က ဒီလိုတော့ အချောကြီးပဲ" ဟု ကျွန်တော်က ပြောင်၍ ပြောလိုက် ၏။ "နိုင်ငံရေးသမားတွေဟာ လွတ်လပ် ရေးရပြီးရင် စစ်သားစိတ်ဖျောက်ပြီး အရပ်သားစိတ် မွေးမြူကြဖို့ အရေးကြီးတယ်"ဟု ဗိုလ်ချုပ်က ပြန်ပြော၏။

ဗိုလ်ချုပ်၏အခန်းမှာ အတော်ကျယ် ၍ မျက်နှာစာတွင် လူဝင်တံခါးကြီး သုံးပေါက်လည်းကောင်း၊ လက်ယာ ဘက်ဘေးတွင် ဗိုလ်ချုပ်၏အတွင်းရေး အတွင်းဝန် ဗိုလ်ထွန်းလှ၏အခန်းသို့ ကူးသော တံခါးလည်းကောင်း၊ လက်ဝဲ ဘက်တွင် ၀န်ကြီးများအဖွဲ့ အတွင်းဝန် ဦးရွှေဘော်၏အခန်းသို့ ကူးသော တံခါးသည်လည်းကောင်း ရှိပြီးလျှင် အခန်း၏ ကျောဘက်တွင် ပြတင်းပေါက် သုံးခုရှိ၏။

အခန်းတွင်း အရှေ့မြောက် ထောင့်တွင် ဗိုလ်ချုပ်၏အလုပ်စားပွဲရှိ၍ အခန်း၏ တောင်ဘက်နံရံတွင် ၀န်ကြီး များအစည်းအဝေး စားပွဲရှိ၏။

ဝန်ကြီးများ အစည်းအဝေးစားပွဲ သည် စားပွဲရှည်သုံးခုကို ထောင့်ချိုး 'ဂ'ငယ်ပုံ သုံးဖက်ပိတ်တစ်ဖက်ဖွင့်ဆက်၍ ထား၏။

ထိပ်စားပွဲသည် ၁၀ ပေခန့် ရှည်၍ သုံးပေခန့်ကျယ်၏။ ထိုထိပ်စားပွဲ ၏ အစွန်းတစ်ဖက်တစ်ချက်တွင် ယှဉ်၍ ဒေါင်လိုက်ဆက်ထားကာ စားပွဲမှာ ၁၈ ပေခန့်ရှည်၍ သုံးပေခန့်ကျယ်၏။

ထိပ်စားပွဲ၏အလယ်တွင် ဗိုလ်ချုပ် ထိုင်၏။ ဗိုလ်ချုပ်၏ လက်ဝဲဘက်တွင် ၀န်ကြီးများအဖွဲ့ အတွင်းဝန် ဦးရွှေ ဘော်ထိုင်၏။

လက်ယာဘက်နံဘေးရှိ စားပွဲရှည်တွင် သခင်မြ၊ ဦးဘချို၊ ဦးရာဇတ်၊ ဦးဘ၀င်း၊ မန်းဘခိုင်တို့ တစ်ယောက်ပြီးတစ်ယောက် ယှဉ်၍ ထိုင်ကြ၏။

ထိပ်စားပွဲ၏ လက်ဝဲဘက် နံဘေးရှိ စားပွဲရှည်တွင် ကျွန်တော်၊ ဦးအောင်ဇံဝေ၊ ပျော်ဘွယ်ဦးမြ၊ မိုင်းပွန် စော်ဘွားကြီးတို့ တစ်ယောက်ပြီး တစ်ယောက် ယှဉ်၍ထိုင်ကြ၏။

အစည်းအဝေးသည် ချိန်းထားသည့် အတိုင်း ၁၀ နာရီမှာ အချိန်မှန်စ၏။ အစဉ်အလာအတိုင်း အရေးကြီးသော ကိစ္စများ စဉ်းစား သောအခါ သက်ဆိုင် ရာဌာန အတွင်းဝန်သည် လိုအပ်က လာရောက်၍ ရှင်းလင်းပြောပြရ၏။

ထိုနေ့က ကိစ္စအချို့ စဉ်းစားပြီးသည့် နောက် ၁၀ နာရီခွဲကျော်ကျော်လောက် တွင် လမ်းပန်းဆက်သွယ်ရေး စီမံကိန်း ကို စဉ်းစားရန် အလှည့်ကျသဖြင့် သက်ဆိုင်ရာဌာန၏ ဒုတိယအတွင်းဝန် ဖြစ်သော အိုင်စီအက်စ်ဦးအုန်းမောင် သည် အစည်းအဝေးသို့ ရောက်ရှိလာ ပြီးလျှင် လက်ယာဘက်စားပွဲထိပ် သခင်မြ၏အနီး၌ ကပ်လျက်ထိုင်၏။

ဦးအုန်းမောင်ရောက်ရှိပြီး နှစ်မိနစ် သုံးမိနစ်ခန့်အကြာတွင် အစည်းအဝေး ခန်းမကြီး၏ မျက်နှာစာရှိ တံခါးသုံး ပေါက်အနားက မြောက်ဆုံးတံခါးပေါက် ကို တွန်း၍ဖွင့်ပြီးလျှင် စစ်ဝတ်စုံဝတ် ထားသော လူလေးငါးယောက်သည် တော်မီဂန်း၊ စတင်းဂန်း စသည့် သေနတ် များကို ကိုင်ဆောင်၍ အစည်းအဝေး ခန်းမအတွင်းသို့ ရောက်လာကြ၏။

ထိုအခါက ကျွန်တော်သည် သူတို့ဝင်လာ သည့်တံခါးကို မျက်နှာမူ၍ ထိုင်နေသဖြင့် ၀င်လာသည့်အချိန်မှစ၍ ကောင်းစွာ သတိပြုမိ၏။ ၀င်လာသူများသည် တပ်မတော်၏အ၀တ်အစားများကို ၀တ် ဆင်လာကြသဖြင့် တပ်မတော်သားများ ဖြစ်သည်ဟုပင် ထင်မိ၏။

သူတို့သည် အလွန်အရေးကြီး၍ ရုတ်တရက်ဖြစ် ပေါ်သော ကိစ္စတစ်ခုခုကို ၀န်ကြီး အစည်းအဝေးသို့ အစီရင်ခံလိုသဖြင့် လာကြ သည်ဟု တွေးမိ၏။

နားမလည် သေး၊ ရိုင်းသေးသဖြင့်သာ တစ်ယောက် တည်းမလာဘဲ လူများစု၍လာခြင်း၊ သေနတ်များ ကိုင်ဆောင်လာခြင်းတို့ကို ပြုလုပ်ကြသည်ဟု တစ်ဆက်တည်း တွေးကာ နောက်နောင်ဝန်ကြီးအစည်း အဝေးသို့ ကိစ္စရှိ၍လာရောက်လျှင် တပ်မတော်သား တစ်ဦးသည် လက်နက် ကို အပြင်မှာ ထားခဲ့ရန်နှင့် တစ်ယောက် တည်းလာရန် အမိန့်ထုတ်ထားပါဟု ဗိုလ်ချုပ်အားပြောမည်ဟူ၍ပင် စဉ်းစား မိ၏။

ဝင်လာသူ ယူနီဖောင်းဝတ် လက်နက် ကိုင်တို့သည် အစည်းအဝေးကြီး၏ စားပွဲ သုံးခုအနီး (ဂငယ်)၀မ်းဗိုက်၏ အ၀င်ဝ သို့ လာ၍ သုံးယောက်ခန့် ရှေ့နောက် တန်းစီကာရပ်ပြီးလျှင် ရှေ့ဆုံးမှာဝင်လာ သူသည် "ဟိတ်"ဟု အသံကျယ်စွာ တစ်ခွန်းအော်လိုက်ပြီး ဗိုလ်ချုပ်အား တော်မီဂန်းနှင့် စ၍ပစ်၏။

ဗိုလ်ချုပ်သည် မတ်တတ်ရပ်လိုက်ကာ သေနတ်ပစ်သူ တို့ဘက်သို့ လက်ကာပြပြီးလျှင် တစ်စုံ တစ်ခုကို ပြောလိုက်၏။

ဘာပြောသည် ဟူ၍ကား ကျွန်တော် နားမလည်လိုက် ပေ။ ထိုသို့ပစ်လိုက်သည်နှင့်တစ်ပြိုင်နက် ပျော်ဘွယ်ဦးမြနှင့် ဦးရွှေဘော် တို့သည် ကျောဘက်ရှိ ပြတင်းပေါက်မှ ကျော် ထွက်ပြီးလျှင် ပြတင်းပေါက်အောက်ရှိ နှစ်ပေခန့်ကျယ်သော ကြမ်းပြင်စွန်းကို ကွယ်၍ ဦးရွှေဘော်၏အခန်းသို့ ကူးပြေး ကြ၏။

ကျွန်တော်သည် ထိပ်စားပွဲနှင့် အလျားလိုက်ယှဉ်ကာ ကြမ်းပေါ်တွင် မှောက်၍ အိပ်လိုက်၏။

ထိုသို့ အိပ်လိုက် သောအခါ ကျွန်တော်၏လက်ဝဲဘက် တွင်ရှိသော ဦးအောင်ဇံဝေ၏လက်ကို လည်း ဆွဲ၍ချလိုက်သဖြင့် ဦးအောင်ဇံ ဝေသည်လည်း ကျွန်တော်နှင့်အတူ အိပ်လိုက်၏။

ထိုသို့ ရန်သူ့လက်နက်ဖြင့် ကြုံကြိုက်သောအခါ လှဲ၍အိပ်လိုက်ခြင်းသည် ဂျပန်ခေတ်စစ်အတွင်း ရရှိခဲ့သော အလေ့အကျင့် အမွေဖြစ်၏။

ဗုံးကြဲ လေယာဉ်ပျံများလာသဖြင့် အာရှလူငယ် သူနာပြုအဖွဲ့များကို ဗုံးကျရာသို့ စေလွှတ်သောအခါ ကျွန်တော်အမြဲမှာလေ့ရှိ သော နောက်ဆုံးစကားများမှာ (ဗုံးကြဲလျှင်၊ စက်သေနတ်ပစ်လျှင် အမြန်ဆုံး လှဲ၍ အိပ်လိုက်)ဟု ဖြစ်နေသည်ကို သတိ ပြုမိ၏။

ကျွန်တော်သည် သမ္ဗုဒ္ဓေဂါထာ၊ သိရသ္မိံဂါထာနှင့် စမ္မခဏ်ဂါထာများကို စစ်အတွင်းက အမြဲရွတ်လေ့ရှိသည့် အတိုင်း ထိုသို့ကြမ်းပေါ် တွင်မှောက်၍ နေစဉ် အချိန်တွင်လည်း ရွတ်လျက်ရှိ သည်ကို သတိပြုမိ၏။

ဦးအောင်ဇံဝေ သည် ၂၄ ပစ္စည်းခေါ် ပဋ္ဌာန်းကျမ်း၏ အကျယ်ဖြစ်သော ပဋ္ဌာန်းပစ္စယနိဒ္ဒေသ ပါဠိတော်ကို အနှစ် ၃၀ ကျော်မျှ တစ်နေ့ မပြတ် ရွတ်ဖတ်သရဇ္ဈာယ်ခဲ့သည့် အလျောက် ကြမ်းပေါ်သို့ လှဲလိုက်သည့် အချိန်မှစ၍ ရန်သူများထွက်သွားသည့် အချိန်အထိ စိတ်တွင်အာရုံပြု၍ ရွတ်ကြောင်း နောက်မှစုံစမ်းသိရှိရလေသည်။

ထိုသို့မှောက်လျက်ရှိစဉ် ကျွန်တော် ၏ လက်ဝဲဘက်နံဘေးသည် ပူခနဲဖြစ် သွား၏။ ကျည်ဆန်တစ်တောင့် ဘေးသို့ ရှပ်၍ ဖောက်ဝင် သွားသည်ဟု ထင်မိ၏။

သို့သော် သေနိုင်သောနေရာမဟုတ် ဟူ၍လည်း တွေးလိုက်သေး၏။

အိမ်ပြန်ရောက်၍ ကြည့်သောအခါ ထိုသို့ ပူခနဲဖြစ်သည့်နေရာ (နံရိုးစွန်းနှင့် တင်ပါးရိုးအကြား အသား) တွင် လက်သန်းဖျားခန့် မည်း၍နေသောအပိုင်းငယ်တစ်ခုကို တွေ့ရ၏။

ထိုနေရာနှင့် တည့်တည့် သက္ကလတ် အပေါ်အင်္ကျီတွင် လက်မ၀က်ခန့် ရှည်၍ မန်ကျည်းစေ့ခန့်ကျယ်သော အပေါက်ငယ်တစ်ခု ကိုလည်း တွေ့ရ၏။

ထိုသို့ကျည်ဆန်မှန်သောနေရာတွင် လုံချည်၊ ဘောင်းဘီ၊ ရှပ်အင်္ကျီ၊ ဆွယ်တာ လက်ပြတ် နှစ်ခု၊ စွပ်ကျယ်နှင့် အပေါ် အင်္ကျီပါ အားလုံး ခုနစ်ထပ်ရှိသည်ကို တွေ့ရ၏။ ကျွန်တော်၏ လက်ယာဘက် လက်သူကြွယ် အဖျားတွင် တစ်ချက်ထိမှန်၏။

ကျည်ဆန်သည် လက်ဖျားမှဝင်ပြီးလျှင် အလယ်ဆစ်၏ ဘေးမှ ထွက်၏။ လက်ဖျားဆစ်၏ အတွင်းသားနှင့် အရိုး တစ်ပိုင်းပဲ့ပါ သွားသဖြင့် လက်ဖျားဆစ်တွင် စပါးစေ့တစ်ခြမ်းလောက်မျှသော အရိုးတစ်ပိုင်း နှင့် အပေါ်ရေသာ ကျန်ရစ်သည်ဖြစ်ရာ အဖူးကို နုတ်ယူထားသည့် ပြောင်းဖူးနှင့်တူ၏။

သူသတ်ယောက်ျားတို့ကား သုံးယောက်ပြိုင် တူပစ်ကြ၏။

ပထမရပ်၍ ပစ်ကြ၏။

နောက် ဒူးထောက်၍ ပစ်ကြ၏။

ကျွန်တော်နှင့် ဦးအောင် ဇံဝေတို့ကို မူကား ကြမ်းပေါ်တွင်မှောက်လျက်ရှိ သဖြင့် သေပြီထင်ပြီး မပစ်ဟန် လက္ခဏာ ရှိ၏။

အပစ်အခတ်ရပ်စဲပြီး သူသတ်များ ပြန် ထွက်နေစဉ် တံခါးဝလောက် အရောက်မှာ ဦးအောင်ဇံဝေသည် မှောက်နေရာမှထလိုက်ပြီး ဗိုလ်ချုပ် လဲနေသည့်ဘက်ကို လက်ညှိုးထိုး၍ ပြပြီးလျှင် "သေကုန်ကြပြီ...သေကုန်ကြပြီ"ဟု ညည်းတွားလိုက်၏။

ကျွန်တော် ဦးအောင်ဇံဝေအား ဆွဲ၍ လှဲလိုက်ပြီးလျှင် "မထနဲ့ဦး...ပြန်ဝင်လာရင် ခင်ဗျားကိုပစ်လိမ့်မယ်"ဟု ပြော၏။

ကျွန်တော် တို့ မိနစ်ဝက်ခန့် ဆက်၍ မှောက်နေကြ ပြီးလျှင် နှစ်ယောက်အတူ ထကြ၏။

တစ်ခန်းလုံး မီးခိုးဖြင့်မှောင်လျက် ယမ်းငွေ့တထောင်း ထောင်းထလျက်ရှိ၏။ ဗိုလ်ချုပ်ကား ပက်လက် လဲလျက်ရှိ၏။

ဦးအောင်ဇံဝေနှင့် ကျွန်တော်တို့သည် ဦးရွှေဘော်၏ အခန်းဘက်သို့ ကူးသွားပြီးလျှင် တယ်လီဖုန်းဆက်ရန် ကြိုးစား၏။

တယ်လီဖုန်း ဆက်၍မရ။

ပျက်နေဟန် ရှိ၏။

ကျွန်တော်၏အခန်းသို့သွားရန် ဦးရွှေဘော်၏ အခန်းပြင် သို့ထွက်ရာ ထိုအချိန်က ရန်ကုန်ပုလိပ်မင်းကြီး ဖြစ်သူ ဦးအောင်ချိန်အား အခန်းဝတွင် တွေ့၏။

"ဘာဖြစ်ကြတာလဲ"ဟု ဦးအောင်ချိန် မေး သောအခါ "လာလာ...လိုက်သာကြည့် တော့"ဟု ပြောကာ ဦးအောင်ချိန်အား ဦးရွှေဘော်၏ အခန်းကိုဖြတ်၍ အစည်းအဝေး ခန်းသို့ ဦးအောင်ဇံဝေနှင့် ကျွန်တော်တို့က ခေါ်သွား၏။

ကျွန်တော်တို့ ပြန်သွားသော အချိန်တွင် မိုင်းပွန်စော်ဘွားကြီးသည် သွေးပေ လျက်ရှိသော မေးစေ့နှင့် ပါးစပ်တခြမ်းကို လက်ယာ ဘက်လက်ဝါးဖြင့် အုပ်ကာ ဗိုလ်ထွန်း လှ၏ဘက်သို့ လျှောက်သွား၏။

သို့သော် ဗိုလ်ထွန်းလှ ထွက်လာသဖြင့် လမ်းတွင်ပင် ဆုံမိကြ၏။ ဗိုလ်ထွန်းလှသည် အစည်းအဝေး ခန်းမသို့ ၀င်လာပြီးလျှင် သူသတ် တို့ထွက်သွား သော တံခါးကိုပိတ်၍ ချက်ထိုးလိုက်၏။

ဦးအောင်ချိန်အား အစည်းအဝေးခန်းတွင် ထားပြီး ဦးအောင်ဇံဝေနှင့် ကျွန်တော်၏ အခန်းသို့ သွားကြ၏။

အခန်းသို့ရောက်လျှင် ဦးအောင်ဇံဝေသည် ကျွန်တော့လက်တွင် ရသော ဒဏ်ရာကိုကြည့်၍ ကျည်ဆန်မှာ အဆိပ်ပျံ့မည် စိုးရသည်၊ ချက်ချင်းဆေးထည့် ပါဟု သတိပေး၏။

ကျွန်တော်သည် ကျွန်တော်၏ အတွင်းရေးအတွင်းဝန် မောင်သန်းမြင့်အား ဆရာဝန်ခေါ်ခဲ့ရန်မှာထား ပြီး အိမ်သို့ပြန်၏။

ကုလား ဆရာဝန် တစ်ယောက်၊ ဗိုလ်လက်ျာ၏ညီ ဒေါက်တာ လှရွှေတို့ မကြာမီရောက်ပြီးလျှင် လက်ဖျားကို ဆေးထည့် ဂွမ်းဆို့၍ ချုပ်ပြီး ဒေါက်တာလှရွှေ က လက်ပြာနေတာကို သဘောမကျ။

အဆိပ် ကြောင့်ဖြစ်ချင်လျှင် ဖြစ်နိုင်သည်ဟုပြောကာ အဆိပ် ဖြေဆေးကို အရှာခိုင်းသဖြင့် မောင်သန်းမြင့်ကိုလွှတ်၍ စစ်တပ်တွင် ရှာစေ၏။

ထိုးဆေးရှာနေစဉ်အတွင်း ဆေးရုံကြီး ကိုလိုက်ခဲ့ပါ။ ဆေးရုံကြီးမှာ ကိရိယာစုံသည်ဟု ဒေါက်တာလှရွှေက အကြံပေးသဖြင့် လိုက်သွား၏။

ဆေးရုံကြီးသို့ ရောက်သောအခါ ဒေါက်တာ ဘသန်းနှင့် ဒေါက်တာလှရွှေတို့ တိုင်ပင်ပြီး လျှင် ကုသ၍ ဖြစ်နိုင်သောနည်းမျိုးစုံဖြင့် လိုလေသေးမရှိအောင်ကုသကြ၏။

စစ်တပ် တွင်ရှာသော အဆိပ်ဖြေထိုးဆေးလည်း အလွယ်တကူပင် ရရှိလာသဖြင့် ထိုးရ၏။ ဦးဘချိုနှင့် မိုင်းပွန်စော်ဘွားကြီးတို့အား ခွဲစိတ်ကုသရန် ပြင်ဆင်လျက်ရှိကြောင်း၊ ဒဏ်ရာ ရသူ ကျန်ပုဂ္ဂိုလ်များမှာ အားလုံးသေဆုံးကြပြီ ဖြစ်ကြောင်း ကျွန်တော်ဆေးရုံမှ မပြန်မီ ကြားသိခဲ့ရ၏။

ည ၈ နာရီခန့်တွင် ဒေါက်တာလှရွှေထံမှ စကားပြောကြေးနန်းဖြင့် ၀န်ကြီးများ၏ အလောင်းကို ညွှန်ကြားချက်တစ်စုံတစ်ရာမရရှိ သဖြင့် ရေခဲတိုက်သို့ မပို့ရသေးဘဲ ဆေးရုံမှာ ပင်ရှိသေးကြောင်း ပြောသည်။ ရေခဲတိုက်သို့ ပို့သာပို့ပါ။

ကျွန်တော်လုံးဝတာဝန်ယူပါမည် ဟု အကြောင်း ပြန်ကြားလိုက်၏။ ယခုကဲ့သို့ ဗိုလ်ချုပ်နှင့်တကွ နိုင်ငံ့မျက်နှာ ဖုံးခေါင်းဆောင်ကြီးများ ကျဆုံးရခြင်းမှာ မိမိ၏ စေတနာကို မိမိယုံကြည်လွန်းသော ကြောင့်ဖြစ်၏။

ထိုသို့မဖြစ်မီအချိန်အတော်ကြာ ကပင် ဗိုလ်ချုပ်နှင့်တကွ ၀န်ကြီးများအား သတ် ဖြတ်ရန် ကြံစည်စိုင်းပြင်းလျက်ရှိကြကြောင်း အစီရင်ခံစာအမျိုးမျိုး အကြိမ်ကြိမ်ရရှိခဲ့၏။

ထိုသို့အစီရင်ခံစာများရရှိ၍ ဆွေးနွေးကြ သောအခါတွင် ဗိုလ်ချုပ်က "ကျွန်တော်တို့လို စေတနာသန့်သန့်ရှင်းရှင်းနဲ့ အဘက်ဘက်က စင်ကြယ်တဲ့သူတွေကို သတ်မယ်ဆိုတာမဟုတ် နိုင်ပါဘူး။ ကျွန်တော်တို့ကို သတ်ရင် တစ်နိုင်ငံ လုံးက အုံကြွပြီး သူတို့ကိုကော မသတ်ဘဲ နေမလား"ဟု ပြောဖူး၏။

ဝန်ကြီးအစည်းအဝေး၊ အခမ်းအနားစသည် တို့တွင် လက်နက်ကိုင် ပုလိပ် အစောင့်အရှောက်၊ စစ်တပ်အစောင့်အရှောက် တို့ကို ဗိုလ်ထွန်းလှ ကစီမံလျှင် ဗိုလ်ချုပ်သဘောမကျ။

"တို့က လူထုရဲ့ အစိုးရပါ။ လက်နက်ကိုင် အစောင့်အရှောက်မလိုပါဘူး"ဟု ပြောလေ့ရှိ ၏။

မြတ်စွာဘုရားသော်မှ ဒေ၀ဒတ်၊ စိဉ္စမာန စသော ရန်သူများရှိနေသေးကြောင်းကို ပညာရှိ သော်လည်း သတိဖြစ်ခဲဆိုသော စကားအတိုင်း ကျွန်တော်တို့ မဆင်ခြင်မိဘဲ ပေါ့ပေါ့ဆဆ နေလွန်းလှသဖြင့်သာ ယခုကဲ့သို့ ခေါင်းဆောင် ကြီးများ ရေတိမ်မှာ နစ်ကြရရှာပေသည်။

ဦးစော၏အကြံသည် တစ်ရက်တည်း စောသွားသဖြင့် အောင်မြင်ခဲ့သည်။ စစ်တပ်မှ ဘရင်းဂန်းအလက် ၂၀၀ ဦးစောလိမ်၍ ထုတ်ကြောင်း သတင်းကို သခင်မြတွင် လည်းကောင်း၊ ကျွန်တော့တွင်လည်းကောင်း အခိုင်အလုံရရှိထားကြပြီဖြစ်၍ ထိုနေ့ဝန်ကြီး များအစည်းအဝေးနောက်ပိုင်း အထွေထွေခန်း တွင် ဦးစောအား ဖမ်းရန် ညွှန်ကြားဖို့ ဆုံးဖြတ် ဖွယ်ရှိ၏။

ဦးစောနှင့် အပေါင်းပါတို့သည် ဗိုလ်ချုပ် အောင်ဆန်းနှင့် နိုင်ငံ့မျက်နှာဖုံးအခြား ခေါင်းဆောင်ကြီးများအား သတ်လိုက်ခြင်းဖြင့် ထိုပုဂ္ဂိုလ်များအား သေစေသည်မဟုတ်။

နိုင်ငံတစ်ခုလုံးကို သေစေသည် မည်၏။

ကံကောင်းသူ ၀န်ကြီးများ

ထိုနေ့ အစည်းအဝေးတွင် မတက်ရောက်သဖြင့် ကံကောင်းသောဝန်ကြီးများမှာ ဦးကျော်ငြိမ်း၊ ဆမားဒူးဝါး၊ စောစံဖိုးသင် နှင့် ဦးဝမ်ကိုဟောတို့ ဖြစ်ကြ၏။

ထိုအခါက ပြည်ထဲရေးဌာန ၀န်ကြီးဖြစ်သော ဦးကျော်ငြိမ်း မှာ အင်္ဂလန်သို့ သွားနေခိုက်ဖြစ်၍ ပြည်ထဲရေး ဌာနကို ပျော်ဘွယ်ဦးမြက အုပ်ချုပ် လျက်ရှိ၏။ ကျန်ဝန်ကြီးသုံးဦးမှာ နယ်သို့ ခရီးလွန်နေ၍ အစည်းအဝေးမတက်ဖြစ် ဟု သိရ၏။

(မြ၀တီမဂ္ဂဇင်း၊ ဇူလိုင်၊ ၁၉၅၃)

http://www.myanmar.mmtimes.com/2012/news/578/news01.html