နိုင်ငံတော်၏ စီးပွားရေးကဏ္ဍ ဖွံ့ဖြိုးတိုးတက်ရေးအတွက် ပုဂ္ဂလလိကဘဏ်လုပ်ငန်းများအား နိုင်ငံတကာ ဘဏ်လုပ်ငန်းဆိုင်ရာ ဝန်ဆောင်မှု လုပ်ငန်းများကို တစ်ဆင့်ပြီးတစ်ဆင့် တိုးတက်ဆောင်ရွက်ခွင့်ပြုခဲ့ရာ ယခုအခါ နိုင်ငံတကာ ကုန်သွယ်မှုဆိုင်ရာ လုပ်ငန်းများတွင် မရှိမဖြစ် အရေးပါသော နိုင်ငံခြားငွေလွှဲစာတမ်း (Letter of Credit) L/C ဖွင့်လှစ်ပေးခြင်းဆိုင်ရာ ဝန်ဆောင်မှု လုပ်ငန်းများကို ကမ္ဘောဇဘဏ် အပါအဝင်ပြည်တွင်းရှိ ပုဂ္ဂလိကဘဏ်အချို့တွင် စတင်ဆောင်ရွက်လျက်ရှိပြီဖြစ်ကြောင်း သိရှိရသည်။ နိုင်ငံတကာ ဘဏ်လုပ်ငန်း ဆောင်ရွက်မှု အစပိုင်းတွင် နိုင်ငံခြားငွေကြေး လဲလှယ်ရေး ကောင်တာများဖွင့်လှစ်၍ နိုင်ငံခြားငွေလဲလှယ်ရေးဆိုင်ရာ ဝန်ဆောင်မှု လုပ်ငန်းများကို နိုင်ငံခြားဘဏ် လုပ်ငန်း လုပ်ကိုင်ခွင့်ရရှိထားသော ပုဂ္ဂလိက ဘဏ်များက ဆောင်ရွက် ပေးနိုင်ခဲ့သည်။ ဆက်လက်၍ ပြည်ပရောက် မြန်မာလုပ်သားများမှ မြန်မာနိုင်ငံရှိ မိသားစုများထံသို့ လစာငွေများ ပြန်လည်ပေးပို့နိုင်ရန်အတွက် ယင်းနိုင်ငံများရှိ ဌာနေဘဏ်များနှင့် ချိတ်ဆက်၍ လစာများလွှဲပို့မှုကို ဆောင်ရွက်နိုင်ခဲ့သည်။ ယင်းနောက် ဇူလိုင် ၉ ရက်မှစတင်၍ အမေရိကန်ဒေါ်လာ၊ FEC ၊ ယူရိုနှင့် စင်ကာပူဒေါ်လာငွေကြေးများကို ပုဂ္ဂလိကနှင့် ကုမ္ပဏီများအတွက် စာရင်းရှင်းစာရင်း ဖွင့်လှစ်ခွင့်ပြုခဲ့ရာ ယင်းဝန်ဆောင်မှုများကို ဆောင်ရွက်ပေးနိုင်ရန် အသင့်ဖြစ်နေသော ပုဂ္ဂလိကဘဏ်များမှ ဆက်လက်၍ ဝန်ဆောင်မှုပေးနိုင်ခဲ့ကြသည်။ ယခုအခါ ယင်းလုပ်ငန်းများအပြင် စီးပွားရေးနှင့်ရင်းနှီးမြှုပ်နှံမှုများ အပါအဝင် ကိစ္စရပ်များအတွက် ပြည်ပသို့ ငွေလွှဲပို့ခြင်း/ လက်ခံခြင်းများ၊ ကုန်သွယ်မှုဆိုင်ရာ ဝန်ဆောင်မှုတစ်ရပ်ဖြစ်သော ငွေလွှဲစာတမ်းဖွင့်လှစ်ခြင်းစသည့် ဝန်ဆောင်မှုများကို ကမ္ဘောဇဘဏ် လီမိတက်အပါအဝင် ပုဂ္ဂလိကဘဏ် အချို့မှ ဆောင်ရွက်ပေးလျက်ရှိနေပြီဖြစ်သည်။ အသေးစိတ်သိရှိလိုပါက သက်ဆိုင်ရာပုဂ္ဂလိကဘဏ်များသို့ ဆက်သွယ်မေးမြန်းစုံစမ်းနိုင်ကြောင်း ၂၀၁၂ ခုနှစ် သြဂုတ်လ ၄ ရက်နေ့ထုတ် ကြေးမုံ သတင်းစာတွင် ဖော်ပြထားပါသည်။
By Khit Luu Nge
No comments:
Post a Comment