တက်ဘလက် အတွက် မောက်စ်နှင့် ကီးဘုတ် ကို မိုက်ခရိုဆော့ဖ် ထုတ်လုပ်

မိုက်ခရို ဆော့ဖ် ကုမ္ပဏီသည် လာမည့် လများအတွင်း၌ ကွန်ပျူ တာ ဈေး ကွက် အတွင်းသို့ ဖြန့်ချိမည့် Windows 8 စက်လည်ပတ် မှုစနစ် အသုံးပြု Surface တက်ဘလက်နှင့် အခြား တက်ဘလက် အမျိုးအစားအစုံအတွက် ဒီဇိုင်းဆန်းသည့် ကီးဘုတ်နှင့် မောက်စ်တို့ကို ဖန်တီး ထုတ်လုပ်လိုက်ကြောင်း သိရသည်။

အမျိုးအစား လေးမျိုးခွဲခြား၍ ထုတ်လုပ်ထားသည့် အဆိုပါ ကီးဘုတ်နှင့် မောက်စ်များတွင် Bluetooth နည်းပညာကို ထည့်သွင်းထားပြီး လက်တော့ပ် ကွန်ပျူတာများနှင့် တွဲဖက် အသုံးပြုနိုင်မည်ဟုလည်း သိရသည်။

ထို့ပြင် Android နှင့် iOS စက်လည်ပတ်မှုစနစ် အသုံးပြုထားသည့် မိုဘိုင်း ပစ္စည်းများနှင့်လည်း အလုပ်လုပ်ဆောင်မည်ဖြစ်ပြီး ဒီဇိုင်းပုံစံ အလှဆုံး ကီးဘုတ် အမျိုးအစားမှာ Wedge မိုဘိုင်းကီးဘုတ်ဖြစ်ကြောင်း သိရသည်။ ရော်ဘာအခြေခံပြီး ဖန်တီးထားခြင်းဖြစ်ကြောင်း မိုက်ခရိုဆော့ဖ်ဟာ့ဒ်ဝဲ ထုတ်လုပ်ရေး အင်ဂျင်နီယာအဖွဲ့က ပြောကြားထားပြီး ဈေးနှုန်းကို သတ်မှတ်ထားခြင်း မရှိသေးကြောင်း သိရှိရသည်။

By ရိုးရာလေး