ရေနံသဘာဝလုပ်ကွက်များတွင် ပြည်ပရင်းနှီးမြှုပ်နှံလိုသူများကို ဈေးပြိုင်စနစ်ဖြင့်သာ ခေါ်ယူတော့မည်

ကမ်းလွန်ရေနံသဘာဝ လုပ်ကွက်များတွင် နိုင်ငံတကာရင်းနှီးမြှုပ်နှံလိုသူများ များလာသဖြင့် တိုက်ရိုက်အဆိုပြု ခွင့်ပြုသည့်ပုံစံမှ ဈေးပြိုင်စနစ်ဖြင့် ရင်းနှီးမြှုပ်နှံမှုခေါ်ယူသည့် ပုံစံသို့ပြောင်းလဲကျင့်သုံးသွား မည်ဖြစ်ကြောင်း စွမ်းအင်စီမံရေးဦးစီးဌာနမှ တာဝန်ရှိသူက ပြောကြားသည်။

ကမ်းလွန်ရေနံနှင့် သဘာဝဓာတ်ငွေ့လုပ်ကွက် ၂၈ ကွက် လစ်လပ်နေရာမှ ၂၃ ကွက်ကို ပြည် ပမှ ရင်းနှီးမြှုပ်နှံရန် ဈေးပြိုင်စနစ်ဖြင့် ပထမဆုံးအကြိမ်ဖိတ်ခေါ်မည်ဖြစ်ပြီး ယင်းကမ်းလွန်လုပ်ကွက်များသည် ရခိုင်၊မုတ္တမနှင့် တနင်္သာရီဒေသရှိ ကမ်းလွန်လုပ်ကွက်များဖြစ်ကြောင်း အထက်ပါပုဂ္ဂိုလ်က ပြောသည်။

“အရင်ကတော့ တိုက်ရိုက်ရင်းနှီးမြှုပ်နှံတဲ့စနစ်နဲ့ ခေါ်ပေမယ့် လာလုပ်မယ့်သူက စီးပွားရေးပိတ် ဆို့မှုကြောင့် နည်းတယ်။ အခုကအရမ်းများလာတယ်။ အဲဒါကြောင့် ဈေးပြိုင်စနစ်နဲ့ခေါ်ပြီး ပေးနိုင်တဲ့သူ ပေးလုပ်တဲ့စနစ်နဲ့ သွားမယ်။ အဲဒါစက်တင်ဘာလကုန်မှ ခေါ်မှာပါ။ အခုမဟုတ်သေးဘူး”ဟု အထက်ပါပုဂ္ဂိုလ်က ပြောသည်။

စွမ်းအင်ကဏ္ဍတွင် ရင်းနှီးမြှုပ်နှံမည့် ပြည်ပနိုင်ငံများ စိတ်ပါဝင်စားမှု များလာသောကြောင့် ကမ်းလွန်လုပ်ကွက်နည်းတူ ကုန်းပိုင်းလုပ်ကွက် ၁၈ ကွက်ကို ယခုနှစ်ဆန်းပိုင်းတွင် နိုင်ငံတကာဈေးပြိုင်တင်ဒါ စနစ်ဖြင့် ပြည်ပရင်းနှီးမြှုပ်နှံသည့် နိုင်ငံများကို ဖိတ်ခေါ်ခဲ့သည်။ ယင်းလုပ်ကွက်များကို နိုင်ငံပေါင်း ၁၈ နိုင်ငံမှ ကုမ္ပဏီ ၃၇ ခုက ကုန်းပိုင်းလုပ်ကွက် ၁၀ ကွက်ကို ကုမ္ပဏီရှစ်ခုအား လုပ်ပိုင်ခွင့်ပေးခဲ့သည်။

လက်ရှိတွင် သဘာဝဓာတ်ငွေ့ စီမံကိန်းနှစ်ခုဖြစ်သော ရတနာနှင့်ရဲတံခွန် စီမံကိန်းကို ထိုင်း၊ မလေးရှား၊ ပြင်သစ်၊ ဂျပန်၊ အမေရိကန်နိုင်ငံတို့မှ ရင်းနှီးမြှုပ်နှံနေကြပြီး မြန်မာနိုင်ငံအနေဖြင့် စီမံကိန်းတစ်ခုချင်း စီမှ နှစ်စဉ် ကန်ဒေါ်လာ နှစ်ဘီလီိယံနှင့် သုံးဘီလီယံကြားရရှိသည်။ ဓာတ်ငွေ့သိုက်တွေ့ရှိပြီး စီမံကိန်းနှစ်ခုမှာ ရွှေသဘာဝဓာတ်ငွေ့စီမံကိန်းနှင့် ဇောတိကသဘာဝဓာတ်ငွေ့ စီမံကိန်းတို့ဖြစ်သည်။


http://teashoptalk.com/article/view/id/19704