ရှစ်လေးလုံး သမိုင်းအခြေခံ ရုပ်ရှင်ဇာတ်ကား ရိုက်ကူးမည်

ရှစ်လေးလုံး သမိုင်းမှတ်တမ်း အခြေခံ ရိုက်ကူးမည့် ''ချွန်စေမြ စေစော'' ရုပ်ရှင်ဇာတ်ကားကြီးကို လာမည့်နှစ်တွင် ရိုက်ကူးနိုင်ရန် ပြင် ဆင်နေပြီဟု နိုင်ငံရေးအကျဉ်း သားဟောင်းများအဖွဲ့ချုပ်မှ ကိုညို ထွန်း (ဒါရိုက်တာ သျှိုညိုထွန်းသိမ်း) က ပြောသည်။

အဆိုပါ ရုပ်ရှင်ဇာတ်ကားကို ဒါရိုက်တာ သျှိုညိုထွန်းသိမ်းက ရိုက်ကူးသွားမည်ဖြစ်ပြီး ငြိမ်းချမ်း ရေးနှင့် မိဘ သားသမီး မေတ္တာ အကြောင်း ကျောရိုးထား၍ ၁၉၈၇ ခုနှစ်မှ ၈၈ ခုနှစ်အတွင်း မဆလ တစ်ပါတီခေတ်၏ အားနည်းချက် ကြောင့် ဖြစ်ပေါ်လာသော
အခြေ အနေများကို ဇောင်းပေးရိုက်ကူး သွားမည်ဟု သိရသည်။

''သရက်ထောင်မှာ ကျနေ တုန်း ဖရိန်ရခဲ့တဲ့ ဇာတ်လမ်းကို လွန်ခဲ့တဲ့ ခြောက်လလောက်က စရေး ဖြစ်တာပါ။ နယ်ကနေ ဆေး ကျောင်းလာတက်တဲ့ ကျောင်းသား တစ်ယောက် အကြောင်းပါ'' ဟု ကိုညိုထွန်းက ပြောသည်။

ဇာတ်ကားရိုက်ကူးနိုင်ရေး အတွက် အနုပညာအကြံပေးအဖွဲ့၊ ဇာတ်ညွှန်း အကြံပေးအဖွဲ့၊ သမိုင်းနှင့် ဝတ်ဆင်ရေးအကြံပေး အဖွဲ့၊ သရုပ်ဆောင် ရွေးချယ်ရေး အဖွဲ့၊ သတင်းထုတ်ပြန်ရေး အဖွဲ့၊ ဆက်တင်အကြံပေးအဖွဲ့၊ တည်း ဖြတ်အကြံပေးအဖွဲ့ ဟူ၍
အဖွဲ့ ၇ ဖွဲ့ခွဲကာ ဆောင်ရွက်လျက်ရှိ ကြောင်း ၄င်းက ပြောသည်။

ယင်းဇာတ်ကားကြီးတွင် ဇာတ်ညွှန်းခွဲ တာဝန်ယူထားသော စာရေးဆရာ မျိုးကိုမျိုးက ''၈၈ မှာ တကယ် ဦးဆောင်ပါဝင်ခဲ့တဲ့သူတွေ၊ သမိုင်းပညာရှင်တွေရဲ့ အကြံဥာဏ် တွေ ယူပြီး တော်တော်လေး ကြိုး စားပြင်ဆင်နေပါတယ်။ မြန်မာ့ သမိုင်းမှာ အရမ်းအရေးကြီးတဲ့ အချိန်ဖြစ်ခဲ့လို့ပါ'' ဟု ပြော သည်။

သမိုင်းမှတ်တမ်း ဇာတ်ကား ဖြစ်သည့်အတွက် အမှားအယွင်း မဖြစ်စေရန် ရှုတင်မန်နေဂျာ သုံး ဦးနှင့် မှတ်တမ်းသုံးဦးစီ ထားရှိသွား မည်ဟု ၄င်းက ဆက်လက်ပြော သည်။လက်ရှိတွင် ဇာတ်ညွှန်းနှင့် အခန်းစဉ်များ စတင် ရေးသားနေ ပြီဖြစ်ပြီး ယင်းဇာတ်ကားတွင် လက်ရှိ သရုပ်ဆောင်များ၊ သရုပ် ဆောင်သစ်များ အပြင် ၈၈ တွင် ပါဝင် ဖြတ်သန်းခဲ့သော နိုင်ငံရေး အကျဉ်းသားဟောင်းများ ကိုယ်တိုင် ပါဝင်သရုပ်ဆောင်ရန်
လျာထား ကြောင်း အသေးစိတ် အချက် အလက်ကို သတင်းစာရှင်းလင်းပွဲ ပြုလုပ်သွားမည်ဖြစ်ကြောင်း သိရ သည်။

ညွန့်ဝင်း

By Popular Myanmar News Journal

Photo - Aye Chan Mon

Posted By : မြန်မာ့သတင်းများစုစည်းရာ (MNC)