ရမှတ်အတွက်သာ စာသင်ကြသောအခါ

နေလင်းထွန်း
အတွဲ (၁၁)၊ အမှတ်(၃၂)
အခြေခံပညာ သင်ရိုးညွှန်းတမ်းနှင့် သင်ရိုးမာတိကာများကို နိုင်ငံတကာအဆင့်မီ မြှင့်တင်ဆောင်ရွက်ရေးနှင့် လိုက်လျောညီသည့်
ပညာရည်စစ်ဆေးတိုင်းတာမှုစနစ် ဖြစ်ပေါ်လာစေရေး အစီအစဉ်စာတမ်းကို အမျိုးသားအဆင့် ပညာရေးဆွေးနွေးပွဲတွင် တာဝန်ရှိသူများက ပြုစုတင်ပြခဲ့ကြသည်။

ယင်းစာတမ်းတွင် လက်ရှိတက္ကသိုလ်ဝင်စာမေးပွဲအား အခြေခံပညာ အထက်တန်းအဆင့် သင်ယူပြီးမြောက်မှု စာမေးပွဲအဖြစ် ပြောင်းလဲသတ်မှတ်၍ အသက်မွေးဝမ်းကျောင်း တက္ကသိုလ်ဝင်ခွင့်အတွက် သက်ဆိုင်ရာဝန်ကြီးဌာနများ၏ အစီအစဉ်ဖြင့် ဆောင်ရွက်ရန် လေ့လာဆန်းစစ်သွားမည်ဖြစ်ကြောင်း ဖော်ပြထားသည်။

အခြေခံပညာကျောင်းများ၏ စာမေးပွဲစစ်ဆေးမှုစနစ်သည် အလွတ်ကျက်မှတ်မှုကို အားပေးသော မေးခွန်းများသာ အသုံးပြုနေခြင်းကြောင့် ကျောင်းသား၏ သင်ယူတတ်မြောက်မှုကို ရမှတ်ဖြင့်သာ ဆုံးဖြတ်နေရပြီး စဉ်းစားတွေးခေါ်မှုကို အားပေးသော မေးခွန်းပြုစုရန် ဆရာ၊ ဆရာမများတွင် နည်းပညာနှင့် ကျွမ်းကျင်မှု လိုအပ်နေသေးကြောင်း ဆွေးနွေးခဲ့ကြသည်။

ကျောင်းသားများကို ပညာသင်ကြားရာတွင် ထိုးထွင်းကြံဆမှု၊ တီထွင်ဖန်တီးမှု၊ ဝေဖန်သုံးသပ်မှုတို့ကို ဦးတည်သင်ကြား သင်ယူစေရန်နှင့် ပညာရည်စစ်ဆေးတိုင်းတာမှုကို လိုက်လျောညီထွေဖြစ်စေရန် အစီအစဉ်များ တင်ပြခဲ့ကြသည်။

မြန်မာနိုင်ငံ၏ အလွတ်ကျက်၍ အလွတ်ဖြေဆိုရသော ပညာရေးစနစ်ကို ပြုပြင်ပြောင်းလဲနိုင်ရန် ပညာရေးဌာနမှ တာဝန်ရှိသူများနှင့် ပြင်ပမှ ပညာရေးကျွမ်းကျင်သူများက ကြိုးပမ်းဆောင်ရွက်နေကြသည်။

“စနစ်ကြီးရှိနေတယ်။ အမှတ်ပေးတဲ့စနစ်၊ စာမေးပွဲကို အမှီပြုသောစနစ်ပေါ့။ အထူးသဖြင့်ကတော့ ဆယ်တန်းစာမေးပွဲကြီးပဲပေါ့။ စာမေးပွဲစစ်ပုံ၊ စစ်နည်းကို ပြောင်းလဲလိုက်ရင် ကောင်းသွားနိုင်တယ်။ အခုက အမှတ်ရအောင်သင်တာ၊ ကျုရှင်ယူတာ၊ ဂိုက်ခေါ်တာ၊ အလွတ်ကျက်တာတွေ ဖြစ်နေတာလေ။ စာမေးပွဲမှာ စဉ်းစားပုံ၊ စဉ်းစားနည်းကိုမေးတဲ့ မေးခွန်းမျိုးပေါ့။ ဆယ်တန်းစာမေးပွဲက အပြောင်းအလဲရဲ့ သော့ချက်လို့ ထင်ပါတယ်”ဟု ပညာရေးလုပ်ငန်းများ ဆောင်ရွက်နေသော စာရေးဆရာကိုတာကပြောသည်။

စာမေးပွဲစနစ် ဖြစ်တည်နေမှု၊ စာသင်ကျောင်းများ၏ အောင်ချက်မြင့်မားရေး အစီအစဉ်နှင့် ကျောင်းသားမိဘများ၏ အမှတ်များများ ရရှိရေး သဘောထားအမြင်တို့သည် ကျောင်းသားများအတွက် သင်ခန်းစာများကို နှုတ်တိုက်ရွတ်ဆို ကျက်မှတ်နေရမှုအား ကြီးထွားလာစေခဲ့ခြင်းဖြစ်သည်။

စာမေးပွဲအောင်ချက်ပေါ် အခြေခံသော ပညာရေးစနစ်ဖြစ် ပေါ်လာခြင်းသည် ကျောင်းသားများ၏ အရည်အချင်းနှင့် ဉာဏ်ရည်ဉာဏ်သွေးများ နိမ့်ကျသွားစေခဲ့ကြောင်း ပညာရေးကျွမ်းကျင်သူများက ဝေဖန်ထောက်ပြကြသည်။

“အခုက စာမေးပွဲများများအောင်ရင် အဲ့ဒီကျောင်းက ကောင်းတယ်လို့ ယူဆတဲ့ခေတ် ဖြစ်နေတာကို။ အောင်ချက်မြင့်မားရေးဆိုပြီး လုပ်ကြတယ်။ ဘာဖြစ်လို့ အောင်ချက်မြင့်မားလာတဲ့ ကျောင်းသားတွေက ကမ္ဘာမှာ နိမ့်ကျနေတာလဲ။ အဆင်းရဲဆုံး နိုင်ငံစာရင်းထဲ ရောက်နေတာကို အောင်ချက်မြင့်မားရေးက ဘာလို့ ထိပ်တန်းရောက်အောင် မလုပ်ပေးနိုင်တာလဲ။ ဒီအောင်ချက်မြင့်မားရေးကို သွားလုပ်ရင်းနဲ့ အကုန်လုံးက ဖွတ်သထက် နစ်လာပါတယ်”ဟု ဒေါက်တာခင်မောင်ညိုက ကမ္ဘာ့ဆရာများနေ့အခမ်းအနားတွင် ပြောသည်။

စာသင်ကျောင်းများတွင် နှုတ်တိုက် အလွတ်ရွတ်ဆိုရသော သင်ကြားမှုကို အလေးထားနေမှု၊ စာမေးပွဲအောင်ရေးနှင့် အမှတ်ကောင်းရရေး အလေးပေးနေမှုတို့သည် မြန်မာ့ပညာရေးလောက၌ နှစ်ပေါင်းများစွာ စွဲမြဲနေခဲ့ပြီဖြစ်သည်။

သင်ခန်းစာများကို အလွတ်ကျက်မှတ် ဖြေဆိုရသော ပညာရေးစနစ်အစား စဉ်းစားဆင်ခြင်မှု၊ တွေးခေါ်ကြံဆမှု၊ ဝေဖန်သုံးသပ်မှုဆိုင်ရာ အရည်အသွေးများ မြင့်မားလာစေသော ပညာရေးစနစ်တစ်ခု ဖြစ်ပေါ်လာစေရန် ပြုပြင်ပြောင်းလဲမှုများ လိုအပ်နေပြီဖြစ်သည်။

“ကလေးတွေသင်နေတဲ့ ပညာရေးက သူတို့ဘ၀မှာ အသုံးကျတဲ့ပညာ ဖြစ်သင့်တယ်။ သူတို့ဘ၀ တက်လမ်းအတွက် မျှော်လင့်ချက်ရှိတဲ့
ပညာရေးဖြစ်သင့်တယ်။ အခုပညာရေးက အမှတ်ဘယ်လောက်ရလဲ၊ ဂုဏ်ထူးဘယ်လောက်ထွက်သလဲ ဆိုတဲ့အပေါ် တိုင်းတာနေတဲ့အတွက် အရည်အချင်းပြည့်တဲ့ ပညာရေးကိုမရဘူး။ ကျွန်တော်ဆိုလိုတာက ကလေးတွေ ကျောင်းလာတက်တယ်ဆိုတဲ့ ရည်ရွယ်ချက်က စာအုပ်ထဲမှာပါတဲ့ စာတွေကို အလွတ်ရွတ်ဖို့ မဟုတ်ပါဘူး။ ဒီနေ့ဖြစ်နေတဲ့ ပညာရေးက စာအုပ်ထဲမှာပါတဲ့စာကို အလွတ်ကျက်တယ်၊ အလွတ်ဖြေတဲ့စနစ် ဖြစ်နေတယ်။ ကလေးတွေ ကျောင်းလာနေတယ်ဆိုတာက အသိဉာဏ်မြင့်မားဖို့ပါ။ ကျွန်တော်တို့ရဲ့ သင်ကြားရေးက ကလေးတွေရဲ့ အသိဉာဏ်မြင့်မားမှုကိုပေးတဲ့ ပညာရေးဖြစ်ရမယ်။ ကလေးတွေက စဉ်းစားဆင်ခြင်နိုင်စွမ်း ရှိရမယ်။ မှားတယ်၊ မှန်တယ် ဆုံးဖြတ်နိုင်စွမ်း ရှိရမယ်။ လုပ်သင့်၊ မလုပ်သင့် ပိုင်းခြားဝေဖန် သုံးသပ်တတ်ရမယ်။ ခေတ်စနစ်ကို ဝေဖန်ထောက်ပြနိုင်တဲ့ ကျောင်းသားလူငယ်တွေ ဖြစ်ရမယ်။ အဲ့ဒီလို အရည်အချင်းပေးတဲ့ ပညာရေးပဲဖြစ်သင့်တယ်”ဟု ပညာရေးသုတေသီ ဒေါက်တာသိန်းလွင်ကပြောသည်။

အဖက်ဖက်မှ နိမ့်ကျနေသော မြန်မာ့ပညာရေးစနစ်ကို နိုင်ငံတကာအဆင့်မီ ပညာရေးအဆင့်သို့ ပြန်လည်မြှင့်တင်နိုင်ရန် အဓိကအချက်အနေဖြင့် ပညာသင်ကြားမှုပုံစံနှင့် စာမေးပွဲစစ်ဆေးမှု ပုံစံတို့ကို မဖြစ်မနေ ပြောင်းလဲရတော့မည်ဖြစ်သည်။

စိန်ခေါ်မှုအနေဖြင့် ဆရာ၊ ဆရာမများ၏ အရည်အသွေးကို မြှင့်တင်ပေးရန်၊ ရာထူးတိုး ပြောင်းရွှေ့မှုစနစ်ကြောင့် သက်ဆိုင်ရာနယ်ပယ်အလိုက် ကျွမ်းကျင်ဆရာ၊ ဆရာမများ ဆုံးရှုံးနေရမှုကို ပြန်လည်ဆန်းစစ်ရန်၊ ကျောင်းသား၊ ဆရာ အချိုးကွာဟချက် ကြီးထွားနေမှုကို ဖြေရှင်းရန်၊ စာသင်ချိန်နှင့် သင်ရိုးမမျှမတ ဖြစ်နေခြင်းကို ကုစားရန်၊ အခြေခံပညာအဆင့်အလိုက် ဘာသာရပ်များတွင် အခြေခံတတ်ကျွမ်းမှု (BLC)အတွက် ရေးဆွဲသတ်မှတ်ပေးရန်၊ ဆရာ၊ ဆရာမများ၏ လူမှုဘ၀များကို ပြန်လည်မြှင့်တင်ပေးရန် စသည်တို့ကို ဖြေရှင်းဆောင်ရွက်ရမည်ဖြစ်သည်။

ယခုအခါ နိုင်ငံတော်က ပညာရေးဝန်ကြီးဌာန၏ ၀န်ထုပ်ဝန်ပိုးကြီးမားနေမှုကို ဖြေလျှော့ပေးရန် ကိုယ်ပိုင်ကျောင်းများ ဖွင့်လှစ်ပေးထားသော်လည်း ပုဂ္ဂလိကပညာရေးလုပ်ငန်းအများစုတွင် အသွင်သစ်ပညာရေးပုံစံ ဆောင်ရွက်နိုင်မှုကို မြင်တွေ့ရခြင်း မရှိသေးကြောင်း အခြေခံပညာဦးစီးဌာနမှ အဆင့်မြင့်အရာရှိတစ်ဦးကပြောသည်။

“ငွေကြေးတတ်နိုင်တဲ့ ကျောင်းသားတွေကို အရည်အသွေးမြင့်မားစွာနဲ့ သင်ကြားနိုင်အောင် နိုင်ငံတော်က ကိုယ်ပိုင်ကျောင်းတွေ ဖွင့်ပေးတာပါ။ ဆယ်တန်းအောင်တဲ့အခါ အမှတ်ကောင်းအောင်လို့ ဖွင့်ပေးတာမဟုတ်ပါဘူး။ အခု ကျုရှင်ရော၊ ဘာသာရပ်သင်တန်းတွေရောက ကျောင်းအပ်မယ်ဆိုရင် အောင်ချက်ဘယ်လောက်ရှိတယ်ဆိုပြီး ကြော်ငြာတယ်။ ဘာသာရပ်သင်ကျောင်းပဲဖြစ်ဖြစ်၊ ကျုရှင်ပဲဖြစ်ဖြစ် စာတတ်အောင်သင်ရမှာဖြစ်သလို စိတ်ဓာတ်ကောင်းအောင်လည်း သင်ဖို့လိုပါတယ်”ဟု အထက်ပါပုဂ္ဂိုလ်ကဆိုသည်။

စာမေးပွဲစနစ် ကြီးစိုးမှုကြောင့် ဓားစာခံဖြစ်သွားသူများမှာ ကျောင်းသား၊ ကျောင်းသူများဖြစ်နေပြီး အလွတ်ရွတ်ဆို ကျက်မှတ်ရသော စနစ်ကြောင့် စဉ်းစားဆင်ခြင်နိုင်စွမ်း၊ ဝေဖန်သုံးသပ်နိုင်စွမ်း၊ တွေးခေါ်ကြံဆနိုင်စွမ်းများ နိမ့်ကျသွားခဲ့ကြသည်။

ထို့ပြင် စာမေးပွဲတွင် အမှတ်ကောင်းရရှိစေရန် ပင်ပန်းကြီးစွာ စာကျက်မှတ်ရခြင်းနှင့် စာမေးပွဲရမှတ်ပေါ် အခြေခံဆုံးဖြတ်သော တက္ကသိုလ်ဝင်ခွင့်စနစ်ကြောင့် မိမိဝါသနာမပါသော ဘာသာရပ်များကို လေ့လာသင်ယူနေရခြင်းတို့ဖြင့် ကြုံတွေ့နေကြရသည်။

“ကလေးက ကြက်တူရွေးစာကျက်နေရသလိုပါပဲ။ နေ့တစ်ဝက်ကျောင်းက ပြန်လာရင် ခဏအိပ်ပြီး ၂ နာရီဆို ကျုရှင်သွား၊ ည ၉ နာရီ ပြန်ရောက်၊ ည ၁၁ ခွဲ၊ ၂ နာရီလောက်ထိ စာကျက်ရတယ်။ ကလေးလည်း တအားပင်ပန်းတယ်။ မိဘလည်းပင်ပန်းတယ်။ သူတက်ချင်တာက ၀ိုင်တီယူ(ရန်ကုန်နည်းပညာတက္ကသိုလ်)၊ ဆေးကျောင်းလည်း မတက်ချင်ဘူးတဲ့။ အခု သူအမှတ်မီတာက ရေကြောင်းဖြစ်သွားတာပေါ့”ဟု တက္ကသိုလ်ဝင်တန်းစာမေးပွဲရမှတ် ၄၉၈ ဖြင့် အောင်မြင်ထားသော ဒဂုံမြို့နယ်မှ ကျောင်းသူတစ်ဦး၏ မိခင်ကပြောသည်။

By 7Day News Journal