မြန်မာ နယ်စပ်ရေးရာ ၀န်ကြီးဌာနမှအစ္စလာမ်မစ် ပူးပေါင်းရေး အဖွဲ့(အိုအိုင်စီ)
သို့ မြန်မာနိုင်ငံ၌ ရုံးဖွင့် ခွင့်ပြုတော့မည်
မဟုတ်ကြောင်း အကြောင်းကြားလိုက်ပြီ
ဖြစ်ကြောင်း သတင်း ရရှိသည်။
ထိုသို့ အကြောင်းကြားလာခြင်းကို အိုအိုင်စီ အတွင်းရေးမှူး Ekmeleddin Ihsanoglu
က ယမန်နေ့က အတည်ပြု ပြောကြားသည်ဟု အေပီ သတင်းတွင် ဖေါ်ပြသည်။
သူက ပြောကြားရာတွင် သူတို့ထံသို့ နယ်စပ်ရေးရာ ၀န်ကြီး ဌာမှ တဆင့် အကြောင်းကြားစာ ရောက်လာခြင်း ဖြစ်ပြီး အစိုးရထံမှ တရားဝင် မဟုတ်ကြောင်း
ပြောကြားသည်။
အဆိုပါကိစ္စကို နောက်လတွင်ကျင်းပမည့်အိုအိုင်စီအစည်းဝေးတွင် ဆွေးနွေးမည်
ဖြစ်ကြောင်း ပြောဆိုသည်။
မြန်မာနိုင်ငံတွင် အိုအိုင်စီ ရုံးဖွင့်မည့် ကိစ္စကို မြန်မာ တ၀န်းလုံးတွင် ကန့်ကွက်
ဆန္ဒပြမူများ ပေါ်ပေါက် လာသဖြင့် ပြည်သူများ၏ ဆန္ဒကို လေးစား လိုက်နာသဖြင့်
ယခုလို ရုံးများ ဖွင့်လှစ်ခြင်းကို ဆက်လက် ပြုလုပ်နိုင်တော့မည် မဟုတ်ကြောင်း
ပြောဆိုသည်ဟု ဆိုသည်။
မြန်မာ နယ်စပ်ရေးရာ ၀န်ကြီးဌာနနှင့် အိုအိုင်စီ ကိုယ်စားလှယ်တို့သည် မြန်မာနိုင်ငံ
စစ်တွေနှင့် ရန်ကုန်မြို့တို့တွင် ရုံးများ ဖွင့်လှစ်ရန် ယခုနှစ် စက်တင်္ဘာလ ၁၁ ရက်နေ့
က သဘောတူ လက်မှတ်ရေးထိုးခဲ့ကြသည်။
အဆိုပါ လက်မှတ်ရေးထိုး ပြီးနောက် မြန်မာနိုင်ငံ မြို့ကြီးများတွင် ရဟန်းတော်များမှ ဦးဆောင်ပြီး အိုအိုင်စီ ရုံးများ ဖွင့်လှစ်ရေးကို ကန့်ကွက် ဆန္ဒပြသည့် လူပ်ရှားမူများ နေ့စဉ် ရက်ဆက် ပေါ်ပေါက်ခဲ့သည်။
By နိရဉ္စရာ
No comments:
Post a Comment