ဥရောပအကြိုက် ကြိုးခွေများနှင့် အိုးဝေများ

(တစ်)

မည်သည့်အသံကိုမှ မကြားရသည့် ခေတ်မီဟိုတယ်ကြီးတစ်ခုထဲ၌ ကျွန်တော် တည်းခိုဖူးခဲ့သည်ဟုဆိုလျှင် အံ့သြ၍များ
သွားလေမလားမသိ၊ ဟုတ်ပါသည်။ မည်သည့်အသံကိုမှ မကြားရသည့် ဟိုတယ်ကြီးပဲ ဖြစ်ပါသည်။ ဤနေရာ၌ မည်သည့်အသံဆိုသည်မှာ လူသံသူသံများနှင့် စက်သံများကိုသာ ဆိုလိုခြင်းဖြစ်ပြီး  သဘာဝကျေးငှက်တိရစ္ဆာန်ကလေးတို့၏ အသံများကား မပါဝင်ပါ။ ငှက်ကလေးတစ်ကောင်တလေက ချိုမြစွာ မြည်ကြွေးလိုက်သော အသံမျိုးကို ရံဖန်ရံခါ ကြားရတတ်သည်ကလွဲ၍ လူတို့၏ ပယောဂကြောင့်ဖြစ်သော အသံများ လုံးဝကင်းစင် လွတ်မြောက်နေသည့် ဟိုတယ်ပဲဖြစ်ပါသည်။

ဟိုတယ်ခန်းမ၏ ခြင်လုံသံဆန်ခါတံခါးနှင့် ရိုးရိုးတံခါး၊ တံခါးနှစ်ထပ်ကိုဖွင့်ကာ အမိုးတစ်ဝက်ပါသည့် လသာဆောင်အခန်းကလေးကို
ထွက်လိုက်တော့ အရှေ့မှာ အင်းလေးကန်ရေပြင်ကျယ်ကြီး။ ဟိုးအဝေးမှာက ရှမ်းတောင်တန်းတွေ ...

ဟိုတယ်အတွင်းမှာ ရေခဲသေတ္တာမရှိ။ ထို့ကြောင့် ရေခဲသေတ္တာထဲက ဖြိုးဖြိုးဖျစ်ဖျစ်အသံတွေကို မကြားရ။ ထို့ပြင် လေအေးပေးစက်လည်းမရှိ။ ထို့ကြောင့် လေအေးပေးစက်၏ ဒီးဒီးဒီးဒီး မြည်သံကို မကြားရ။ ထို့ပြင် ရုပ်မြင်သံကြားစက်မရှိ။ ထို့ကြောင့် တီးသံမှုတ်သံဆိုသံငိုသံ ပြောသံဟောသံတွေ မကြားရ။

ဟိုတယ်က ရွာခပ်ငယ်ငယ် တစ်ရွာလောက် ကြီးသည်ဖြစ်ရာ ဟိုတယ်အ၀င်ဝ ရောက်သည်နှင့် ကားကို တားထားပါသည်။ ကားမ၀င်ရ။ ကားစက်သံ အလိုမရှိ။ အင်းလေးကန်ရေပြင်ကြီးဆီကနေ စက်လှေဖြင့် ဟိုတယ်သို့ လာမည့်သူများ ဟိုတယ်သုိ့ဝင်ရာ ချောင်းပေါက်ဝကလေး၏ ဟိုမှာဘက်မှာကတည်းက စက်သတ်ပြီး လှော်၍၀င်လာခဲ့။ ဟိုတယ်ကမ်းစပ်ကို စက်သံနှင့်မလာရ။

ထို့ကြောင့် မည်သည့်အသံကိုမှ မကြားရဟု ကျွန်တော်ဆိုလိုခြင်းသည် မလွန်ဘူးဟု ယူဆမိပါသည်။

ငပလီကမ်းခြေက လှိုင်းသံတ၀ုန်းဝုန်းနှင့် ဟိုတယ်များ၊ ချောင်းသာကမ်းခြေက လူသူတသောသောနှင့် ဟိုတယ်များ၊ လေတဝေါဝေါနှင့် နှင်းတဖြောဖြောကြားမှာ ကြံ့ကြံ့ရပ်နေသည့် ပုပ္ပါးတောင်မကြီး၏ တောင်ဆောင်းပတ်လည်က Popa Resort ဟိုတယ်၏ ဘန်ဂလို (Bungalow) ကလေးများ၊ ဧရာဝတီမြစ်ကြီး၏ နှုတ်ခမ်းသားပေါ်ကနေ မြစ်ရေတသွင်သွင်ကို စိုက်ကြည့်နေသည့် နန်းသီတာ၊ မြန်မာပြည်ကို လွတ်လပ်ရေးပေးလိုက်ရတာ မနှမြော၊ သည်မြို့ကလေးကိုတော့ အလွန်နှမြောပါသည်ဟု ဗြိတိသျှတို့ ပြောခဲ့ကြရသည့် နှင်းတွေနှင့် အေးခဲနေသည့် ကလောမြို့က ဟိုတယ်ကလေးများ၊ ထနောင်းရိပ်တွေကြားမှာ ရေကူးကန်နှင့်ဘာနှင့် ပုဂံညောင်ဦးက ဟိုတယ်တွေ။

အော်..မည်သူမှ စက်သံနှင့် မကင်းကြ။ “အရှေ့တိုင်းဧည့်သည်က လုံးဝမလာသလောက်ပါဘဲ ယူရုပ်မားကက် အဓိကပါ” ယူရုပ်မားကက် (Europe Market)တဲ့။ ဥရောပဈေးကွက်အတွက် အဓိကဖွင့်ထားသည့်ဟိုတယ်။ အီတလီကတဲ့၊ ဆွစ်ဇာလန်ကတဲ့၊ ပြင်သစ်ကတဲ့၊ ဂျာမနီကတဲ့၊ အင်္ဂလန်ကတဲ့၊ အမေရိကန်တစ်ယောက်စ၊ နှစ်ယောက်စကလွဲလျှင် တည်းခိုနေသူတွေက ဥရောပကချည်း။ ဘန်ဂလို (Bungalow)တိုင်းလိုလိုမှာ ဧည့်သည်အပြည့်။

ကျွန်တော်ဆိုလိုနေသည်က ဟိုတယ်ကြော်ငြာနေခြင်း မဟုတ်ပါ။ ဟိုတယ်နာမည်ကိုသော်မှ ခန့်မှန်း၍ ရသွားအောင် ရိပ်ဖမ်းသံဖမ်း မပြောခဲ့ပါ။

သူတို့အနောက်ကမ္ဘာကလူများ၊ အထူးသဖြင့် ဥရောပကလူများ လူလုပ်သည့် အသံဗလံများ ရွံ့မုန်းကာ သဘာဝ၏ ငြိမ်းချမ်းမှုအရိပ်၌ မှေးမှိတ်ခိုနားလိုစိတ်ရှိပုံကို ဖော်ပြလိုခြင်းသာ ဖြစ်ပါသည်။

“ရွှေစက်တော်သွားတောလား” ကဗျာတစ်နေရာ၌ အရှင်မဟာရဋ္ဌသာရက “နေခြည်ဝင်မြောက်၊ ဆည်းဆာရောက်သော်၊ မျောက်ကကြိုးခွေ၊ ဒေါင်းအိုးဝေနှင့်”ဟု ဖွဲ့ခဲ့ဖူးပါသည်။ “ကြိုးခွေ ကြိုးခွေ”ဟူသည့် မျောက်အော်သံများ “အိုးဝေ အိုးဝေ”ဟူသည့် ဒေါင်းအော်သံများနှင့် သဘာဝတောတောင်အလှကို ဖွဲ့လိုက်ခြင်း ဖြစ်ပါသည်။ အခု ... ကြိုးခွေ၊ အိုးဝေစသည့် အသံများကလွဲလျှင် လူလုပ်သည့်အသံများကို မကြားချင်သူ ဧည့်သည်များအကြိုက် ဈေးကွက်တဲ့။

အသံတွေ ဗလံတွေနှင့် တိတ်ဆိတ်ခြင်း၏ အနုပညာ။

(နှစ်)

လူသည် တစ်ခါတစ်ရံတွင် တိတ်ဆိတ်ခြင်းထဲ၌ ခိုနားမှေးစက်ရန် လိုအပ်ပါသည်။ အသံဗလံများသည် မိမိကိုယ်တိုင်သော်လည်းကောင်း၊ အခြားတစ်ပါးကိုသော်လည်းကောင်း ထိုးနှက်ထိပါးကာ ငြိမ်းအေးမှုကို အခြေပျက်စေတတ်ပါသည်။

“A Hundred Things Japanese” စာအုပ်ကို ဆရာကြီးဒေါက်တာသန်းထွန်း ဘာသာပြန်ဆိုသော “ဂျပန်မှုတစ်ရာ” စာအုပ်ထဲ၌ ဂျပန်ကို ဂျပန်ဖြစ်သော အကြောင်းအချက် ၁၀၀ ထဲ၌ “မ (MA)”ဟုခေါ်သော အကြောင်းတစ်ရပ်လည်း ပါဝင်သည်ဟု ဆိုပါသည်။ မြန်မာဘာသာဖြင့် နေရာ၊ အလယ်၊ စပ်ကြား၊ ခေတ္တရပ်ဆိုင်းခြင်းဟု အဓိပ္ပာယ်ရသည်ဟု ဆိုပါ၏။ တုံဏှိဘာဝေဟူ၍လည်း သဘောထားသက်ရောက်သည်ဟု ဆက်၍ဆိုပါသည်။ ရံဖန်ရံခါ ဂျပန်တို့သည် မိတ်ဆွေအချင်းချင်း ဆုံတွေ့ကြသည့် ပွဲများ၌ပင် မည်သည့်စကားမှ မဆိုဘဲ မျက်လုံးချင်းကြည့်ရုံဆုံရုံမျှနှင့် တစ်ဦး၏ ရင်ထဲကစကားကို တစ်ဦးက နားလည်သိရှိကာ တိတ်ဆိတ်စွာနေခြင်းဖြင့် ခေတ္တရပ်ဆိုင်းခြင်းဓလေ့ကို ပြုလေ့ရှိကြောင်း ဖတ်ရှုရပေရာ စိတ်နေစိတ်ထား အဆင့်မြင့်လိုက်တာဟု ကျွန်တော်အံ့သြရပါသည်။

အသံကြောင့် အနှောင့်အယှက်မဖြစ်စေရန် စီမံခန့်ခွဲသော စိတ်ကူးတွေကို နေရာတိုင်းမှာ တွေ့နိုင်ပါသည်။

Ear Phone ကလေးတချို့က ကွန်ပျူတာထဲက စီဒီ၊ ဗီစီဒီ၊ ဒီဗီဒီစက်ထဲက၊ တယ်လီဖုန်းထဲက၊ ကက်ဆတ်ထဲက ထွက်ကျလာသည့် အသံတချို့ကို သူတစ်ပါး အနှောင့်အယှက်မဖြစ်အောင် ကာကွယ်ပေးထားနိုင်ပါသည်။ လေဆိပ်တွေထဲမှာတော့ အားလုံးသော ရုပ်မြင်သံကြားကြီးများကို အသံများအားလုံးပိတ်ပြီး အရုပ်မျှကိုသာ ဖော်ပြပေးထားပါသည်။ အိမ်ရှင်မတစ်ယောက်က သူ့ငရုတ်ဆုံအောက်ခြေ၌ အ၀တ်စအထူကြီးခင်းကာ ထုခြင်းထောင်းခြင်းဖြင့် ပတ်ဝန်းကျင်၌ သူ့အသံကြောင့် ဒုက္ခမဖြစ်အောင် စီမံပါသည်။ နာရီပေါင်းများစွာ ပျံသန်းနေရသည့် လေယာဉ်ကြီးတချို့က ရုပ်မြင်သံကြား၌ အရုပ်ကို ဖော်ပြပေးထားသော်လည်း အသံကိုမူ မိမိအလိုဆန္ဒအတိုင်း။ ကြားချင်လျှင် Ear Phone ကို တပ်ထားလိုက်။ မကြားချင်လျှင် Ear Phone ကို ဖြုတ်ထားလိုက်။

အသံက ပတ်ဝန်းကျင်ကို လောင်မြိုက်စေတတ်ကြောင်း မသိတတ်သူတွေကတော့ ဆူမြဲဆူကာ ညံမြဲညံကြဆဲ။ အဝေးပြေးကားပေါ်မှာ တစ်ညလုံးဖွင့်ထားသည့် ဒီဗီဒီစက်က ခရီးသည်တို့၏ အနားယူလိုမှုကို နှောင့်ယှက်လျက်။ ဟိုးလေးငါးအိမ်ကျော်က အသံချဲ့စက်သံက လမ်းသူလမ်းသားများ၏ အိပ်စက်ခြင်းကို နှောင့်ယှက်လျက်။ ကပ်လျက်တိုက်ခန်းဆီက ရုပ်ရှင်ဇာတ်ဝင်ခန်း ငိုသံယိုသံ တိုက်သံခိုက်သံတွေက အခန်းအိမ်နီးချင်းများကို နှောင့်ယှက်လျက်။ မိန်းမတစ်သိုက်တို့၏ အတင်းအဖျင်း ပြောသံများက လုပ်ဖော်ကိုင်ဖက်များ၏ အလုပ်ဇောကို နှောင့်ယှက်လျက်။ ဆူညံပွက်ထနေသည့် သီချင်းသံတွေက စားသောက်ဆိုင်ထဲက စားသောက်နေသူများကို နှောင့်ယှက်လျက်။

ဆရာတော်ဒေါက်တာ ရှင်ဉာဏိဿရကမူ အဓိပ္ပာယ်တစိုးတစိမှ မသိပါဘဲနှင့် ပါဠိပါဋ္ဌ်သားတို့ ရွတ်ဆိုနေခြင်းကိုပင် သဘောမကျကြောင်း တရားပွဲတစ်ခု၌ မိန့်မြွက်ဖူးပါသည်။

ဆရာကြီးဦးအောင်သင်း “သော” ပုံကလေး။ ကျွန်တော် အမှတ်ရနေမိသေးတော့။ အိမ်ရောင်းမည် ကြော်ငြာများတွေ့သောအခါ ဈေးနီးသည်၊ ကျောင်းနီးသည်ဆိုသည့် ရည်ညွှန်းချက်များအပြင် ဓမ္မာရုံနှင့်ဝေးသည် ဆိုတာကလေးကိုပါ ထည့်ကြည့်ရမလို ဖြစ်လာကြောင်း။

(သုံး)

လူတစ်ဦး၏ လွတ်လပ်ခွင့်ကို ကျူးကျော်ရာ၌ အသံများလည်း ပါဝင်ပါသည်။ အသံ၏ ထိုးနှက်မှုက သက်သောင့်သက်သာ အနေအထား (Comfort Zone)ကို ပျက်ပြားစေပါသည်။ မျောက်တို့၏ ကြိုးခွေ၊ ဒေါင်းတို့၏ အိုးဝေသံများမှတစ်ပါး ဘာမှမကြားရသည့် အင်းလေးကန်စပ်မှာ ဘ၀ကို ခေတ္တလာရပ်ဆိုင်းသည့် ခရီးသွားများကိုကြည့်ကာ အသံယဉ်ကျေးမှု ထွန်းကားသည့် မြန်မာနိုင်ငံဖြစ်လာပါစေလိုကြောင်း။       ။

By 7Day News Journal