မြို့နယ်တရားရုံးရဲ့ ဆုံးဖြတ်ချက်ကို တိတိကျကျ သိရပြီဖြစ်တဲ့အတွက် တိုင်းဒေသကြီး တရားရုံးကနေ ပြည်ထောင်စု တရားရုံးအထိ အဆင့်ဆင့် အယူခံ တင်သွားဖို့ စီစဉ်ထားတယ်လို့ အယ်ဒီတာချုပ် ကိုကျော်မင်းဆွေက RFA ကိုအခုလို ပြောပါတယ်။
"၁၄ ကြိမ်မြောက် နှစ်ဖက်လျှောက်လဲချက်တွေ အားလုံးကို ဒဂုံမြို့နယ်တရားသူကြီး ဒေါ်ခင်သန့်စင်က ကြားနာပြီးတဲ့အခါမှာ စွဲချက်တင်တာကို လက်ခံဖို့ ဒီနေ့ စီရင်ချက်ချတယ်။ မြို့နယ်ရုံး အဆင့်မှာ ဒီလိုဆုံးဖြတ်တယ် ဆိုရင်တော့ ခရိုင်ရုံးမှာ ကျွန်တော် တို့က ဆက်ပြီးတော့ တင်မှာပေါ့နော်။ တိုင်းဒေသကြီး။ တိုင်ဒေသကြီးကနေ မရရင် ပြည်ထောင်စုအဆင့် ကျွန်တော်တို့ ဆက်တက်ဖို့ ရှိပါတယ်"
အခုနှစ် မတ်လ ၁၆ ရက်နေ့ထုတ် The Voice ဂျာနယ်စာစောင်မှာ အစိုးရ၀န်ကြီးဌာနတချို့၏ အလွဲသုံးစားမှုများ စစ်ဆေးတွေ့ရှိ ဆိုတဲ့သတင်းကို ဖော်ပြခဲ့တာနဲ့ ပတ်သက်လို့ သတ္တုတွင်း ၀န်ကြီးဌာနက မဟုတ်မမှန် စွပ်စွဲရေးသားချက်ဆိုပြီး ထုတ်ဝေသူ၊ အယ်ဒီတာချုပ်နှင့် သတင်းရေးသားသူတွေကို အရေးယူဖို့ ဒဂုံမြို့နယ် တရားရုံးကို ဒီနှစ်မတ်လမှာ ဦးတိုက် လျှောက်ထားခဲ့တာ ဖြစ်ပါတယ်။
By RFA Burmese
No comments:
Post a Comment