သိရသည်။ အဆိုပါ အိတ်ဖွင့်ပေးစာတွင် ရန်ကုန် ကွန်ပျူတာတက္ကသိုလ် နှင့် မန္တလေး ကွန်ပျူတာ တက္ကသိုလ်တို့ကို အဆင့်မြင့်ပညာရေး (Centre of Excellence) အဖြစ် မြှင့်တင်မည့်အပေါ် ကျောင်းသူ၊ ကျောင်းသားများက ဂုဏ်ယူ ဝမ်းမြောက် ပါကြောင်း၊ သို့ရာတွင် ၁၂-၈-၂၀၁၂ ရက်စွဲပါ မြန်မာ့အလင်း သတင်းစာပါ ဖော်ပြချက်များအရ သင်ကြားနေသော ပညာရေးမှာ အဆင့်မမီ ပညာရေး ဖြစ်ပြီး လက်ရှိ ကျောင်းသားများသည် အဆင့်မြင့် ပညာရေးနှင့် လုံးဝမသက် ဆိုင်ဘဲ သင်ကြားနေဆဲ အဆင့်မမီ ပညာရေးဖြင့်သာ ဆက်လက် သင်ကြား သွားရမည် ဖြစ်သဖြင့် များစွာ ဝမ်းနည်းမိကြောင်း သိရသည်။ ထုိ့ပြင် ခွဲခြားမြှင့်တင်လိုက်သော ပညာရေးစနစ်ကြောင့် လက်ရှိ ကျောင်းသူ၊ ကျောင်းသားများ၏ နစ်နာမှုများနှင့်အတူ ရရှိမည့်ဘွဲ့များတွင် ခြားနားမှုများကိုပါ ဖော်ပြထားသည်။
“၁၂ ရက်ထုတ် သတင်းစာမှ ဝန်ကြီး ပြောသွားတဲ့အတိုင်းဆို လက်ရှိ ကျောင်းသူ၊ ကျောင်းသားတွေက အဆင့်မမီဘူးတဲ့။ ကျွန်တော်တို့ နှစ်တွေတုန်းက ရွေးချယ်စရာမှ မရှိခဲ့တာ။ တကယ်ဝါသနာပါလို့ တက်တဲ့သူတွေထဲမှာ အမှတ် ၃၆၅ နဲ့ တက်တဲ့သူ ရှိသလို အမှတ် ၄၅၀ နဲ့အထက် ရပြီး တက်တဲ့သူတွေလည်း ပါတာပဲ။ အကုန်လုံး လူတွေ ထောင်နဲ့သောင်းနဲ့ကို အဆင့်မြှင့်ဖို့ မဖြစ်နိုင်သေးဘူးဆိုတာ လက်ခံပါတယ်။ ဒါပေမဲ့ လက်ရှိ တက်နေတဲ့ ကျောင်းသား၊ ကျောင်းသူတွေ အတွက်လည်း အခွင့်အရေး ပေးသင့်ပါတယ်။ အဆင့်မြင့် တက္ကသိုလ် တက်ဖို့ ဝင်ခွင့်တစ်ခု ဖြေခိုင်းတာမျိုး လုပ်ပေးစေချင်တယ်။ ဒါဆို တကယ်အဆင့်မီတဲ့လူတွေ အကုန်လုံး တက်ခွင့်ရမယ်လေ။ မဟုတ်ရင် အချိန်တွေ၊ ငွေတွေ အကုန်ခံသင်ပြီး ရတဲ့ဘွဲ့က အဆင့်မမီဘွဲ့ ဖြစ်နေတော့ ဘာလုပ်လို့ ရတော့မှာလဲ” ဟု အဆိုပါ ကျောင်းသား သမဂ္ဂမှ ကျောင်းသားတစ်ဦးက ပြောသည်။
ယင်းကဲ့သို့ ကွန်ပျူတာ တက္ကသိုလ် ကျောင်းသားများ သမဂ္ဂက သမ္မတကြီးထံ အိတ်ဖွင့်ပေးစာ ပေးပို့ခဲ့သည့် နည်းတူ ရန်ကုန် နည်းပညာ တက္ကသိုလ်များမှ ကျောင်းသားများကလည်း သက်ဆိုင်ရာ တက္ကသိုလ် အသီးသီးရှိ ကျောင်းသားသမဂ္ဂများမှ ဦးစီး၍ အဆင့်မြင့်ပညာရေးအောက်တွင် ပညာသင်ကြားနိုင်ရန် တောင်းဆိုမှုများ ပြုလုပ်သွားမည် ဖြစ်ကြောင်းလည်း သိရသည်။ ယင်းကွန်ပျူတာ တက္ကသိုလ် ကျောင်းသားများ သမဂ္ဂနှင့် အမျိုးသား စီမံခန့်ခွဲမှုပညာ ကောလိပ်ကျောင်းသားများ သမဂ္ဂတို့ကို ၉-၂-၂၀၁၂ ရက်တွင် ဖွဲ့စည်းခဲ့ပြီး မြန်မာနိုင်ငံတွင် ဖွဲ့စည်းထားသော တက္ကသိုလ် ကျောင်းသားများ သမဂ္ဂများမှာ ယင်းနှစ်ခု အပါအဝင် ခုနစ်ခု ရှိပြီ ဖြစ်ကြောင်း သိရသည်။
YTTA
မူရင်းသတင်း--Royal Hero Media
By Aye Chan Mon
No comments:
Post a Comment