ကောင်းတာတွေ ဖြစ်လာတိုင်း ငါလုပ်လိုက်လို့ဆိုပြီးတော့ မခံယူသင့်ပါဘူး

CNN သတင်းဌာနကြီးမှ နာမည်ကျော်တွေ့ဆုံမေးမြန်းသူ Christiane Amanpour သည် ဒေါ်အောင်ဆန်းစုကြည်နှင့် စက်တင်ဘာ ၂၁ ရက်က တွေ့ဆုံမေးမြန်းခြင်း တစ်ခုကိုပြုလုပ်ခဲ့ပါသည်။ ယင်းတွေ့ဆုံ
မေးမြန်းခြင်းကို CNN ရုပ်သံမှ ထိုနေ့မှာတွင်ပင် ထုတ်လွှင့်ပြသခဲ့ပြီး တွေ့ဆုံမေးမြန်းခြင်း စာသားအပြည့်အစုံကိုလည်း CNN
အင်တာနက် ဝက်ဘ်ဆိုက်၏ Transcript ကဏ္ဍတွင်တင်ထားခဲ့ရာ ယင်းကို ဆီလျော်အောင် ဘာသာပြန်ဆို တင်ပြလိုက်ခြင်းဖြစ်ပါကြောင်း။
အယ်ဒီတာအဖွဲ့
CA – ကျွန်မကို လက်ခံတွေ့ဆုံတဲ့ အတွက် ကျေးဇူးတင်ပါတယ် ဒေါ်အောင်ဆန်းစုကြည်ရှင့်။

စု-    တွေ့ရတာ ဝမ်းသာပါတယ်။

CA – ဒေါ်အောင်ဆန်းစုကြည်ကို အံ့ချီးဖွယ်ရာအခမ်းအနားတွေမှာ ကျွန်မ အခုတွေ့ရပါတယ်။ အမေရိ ကန် ကွန်ဂရက်လွှတ်တော် ကပေးတဲ့ ရွှေတံဆိပ်ဆု ကိုလည်း   နိုဘယ်ဆုလိုပဲ လက်ခံခဲ့ပြီးပြီ။ ရှင့်ကို သူရဲကောင်း တစ်ယောက်လို ကြိုဆိုကြ တာကိုလည်း ရှင်ကြုံရပြီ။ လူအုပ်ကြီးက မတ်တပ်ထရပ်ကြပြီး ရှင့်ကို လက်ခုပ် အကြာကြီး တီးပြီး ဂုဏ်ပြုကြတဲ့ အခါမျိုးတွေမှာ ရှင်ဟာ ရှက်သလိုလို မနေတတ်မထိုင်တတ် ဖြစ်နေတာမျိုး ဖြစ်နေတာတွေ့ရတယ်။ အဲဒါမျိုးဟာ ရှင့်အတွက် အထူးအဆန်းဖြစ်နေ လို့လား။

စု-    မဟုတ်ပါဘူး။ ကျွန်မအနေနဲ့ လှိုက်လှိုက်လှဲလှဲ ကြိုဆိုပါတယ်။ ဒါပေမဲ့ တစ်ခါတလေမှာတော့ အနေရ အထိုင်ရ ခက်တာမျိုးတော့ နည်းနည်းဖြစ်တာပေါ့။

CA  – ဘာလို့  အဲဒီလို ဖြစ်ရတာလဲ။

စု-    ဘယ်သူမဆို အရမ်းကြီးအာရုံ စိုက်ခံရရင် ဒီလိုပဲဖြစ်ကြမှာပဲလေ။

CA  – အင်မတန် ထူးခြား ထင်ရှားတာတွေ ရှင်လုပ်ခဲ့ပြီးပြီပဲလေ။ ရှင့်ရဲ့ အကြီးကျယ်ဆုံးအောင်မြင်မှုက ဘယ်ဟာရယ်လို့ ရှင်ထင်မိသလဲ။ နိုဘယ်ဆုတို့ ကွန်ဂရက်   ရွှေတံဆိပ် ဆုတို့ရတာတွေဟာ ဘာကြောင့် ရတာလို့ ရှင်ထင်ပါသလဲ။

စု-    ဘယ်ဟာက အကြီးကျယ်ဆုံး အောင်မြင်မှုရယ်လို့ ခုချိန်မှာ ပြောလို့မရသေးဘူးလို့ ကျွန်မထင်ပါတယ်။ ကျွန်မတို့ တိုင်းသူပြည်သားတွေ ရောက်ချင်တဲ့ ပန်းတိုင် ကို ရောက်အောင် ကျွန်မအနေနဲ့ ပါဝင် ကြိုးပမ်းပေးခဲ့တာကြောင့် ဒီဆုတွေကိုရတာလို့ ကျွန်မထင်ပါတယ်။

CA – ပန်းတိုင်ဆီကိုတော့ ချီတက် နေတုန်းပါပဲလေ။ အခြေအနေတွေ ကတော့ ပြောင်းလဲသွားတာက တော့ သိသိသာသာပါပဲ။ အရင်နှစ်တွေတုန်း ကဆိုရင် ရှင်ဒီမှာ ခုလိုထိုင်နေလို့မှ မရခဲ့တာပဲ။ မြန်မာနိုင်ငံ အပေါ်ချမှတ်ထားတဲ့ ပိတ်ဆို့အရေးယူမှု တွေကို အဆုံးသတ်ဖို့ အခု ရှင်တိုက်တွန်းတော့မှာလား။ အထူး သဖြင့် မြန်မာ့ပို့ကုန်တွေ အပေါ် အရေးယူ ပိတ်ဆို့မှုတွေကို ခုအခါ မှာ ဖယ်ရှားသင့်ပြီလို့ ရှင်ထင်သလား။

စု-    အမေရိကန်ပြည်ထောင်စုကို ကုန်တွေတင်ပို့ဖို့အတွက် ရှင်ဆို လိုတာလား။

CA – အတိအကျပါပဲ။

စု-  ကောင်းပြီ…။ အဲဒါတွေကို အခု ရုပ်သိမ်းသင့်ပြီလို့ ကျွန်မ ထင်ပါတယ်။ လုံးလုံး မရုပ်သိမ်းနိုင် သေးရင်တောင် လျှော့ပေါ့လို့တော့ ရပါတယ်။ အဲဒါကို ကျွန်မ အထူး အားပေးမှာပါ။ ဘာကြောင့်လဲဆို တော့… ကျွန်မထင်တယ်လေ…ကျွန်မတို့ပြည်သူတွေ သူတို့ လုပ်နိုင်တာတွေ လုပ်ပြခွင့်ပေးဖို့ အချိန်ကျ ပြီ။ ပြီးတော့… ကျွန်မတို့   လျှောက်လှမ်းနေတဲ့ ပန်းတိုင်ကိုရောက်ဖို့ ဆိုတာ ပြည်ပကအထောက်အပံ့ တွေကိုချည်း ထာဝရ အားကိုးအား ထားပြုနေလို့ မရဘူးဆိုတာကို လည်း ကျွန်မ အရင်က တည်းက ပြောခဲ့ဖူးပါတယ်။ ပြည်ပက မိတ်ဆွေတွေကို  လည်း ကျွန်မတို့ အမြဲတမ်း လှိုက် လှိုက်လှဲလှဲကြိုဆိုပါတယ်။ လိုအပ်သမျှကို သူတို့တစ်တွေက ဆက်ပြီး ကူညီနေ ကြဦးမယ်လို့လည်း ကျွန်မ မျှော်လင့်ပါတယ်။ ဒါပေမဲ့ ကျွန်မ တို့ကံကြမ္မာကို ကျွန်မတို့ကိုယ်တိုင် တာဝန်ယူရတော့မှာလည်း ဖြစ်ပါတယ်။

CA – ဒီတော့ကာ တွင်းထွက်တွေ၊ သဘာဝဓာတ်ငွေ့တွေနဲ့ တခြား ကြွယ်ဝမှုတွေ အမေရိကန်ကို တင်ပို့နိုင်ရမယ့် အချိန်ကျပြီဆိုပါ တော့။

စု-    ဟုတ်ပ။ ပွင့်လင်းမြင်သာမှုနဲ့ ကိုယ့်တာဝန်ကိုယ်ယူမှုတွေ ရှိမှ လည်း ဖြစ်မယ်။

CA – နိုင်ငံရေးအကျဉ်းသားတွေနဲ့ ပတ်သက်လို့ရော၊ မကြာသေးခင် ကပဲ သမ္မတက လွတ်ငြိမ်းခွင့်ကြေ ညာခဲ့သေးတယ်လေ။ လွတ်လာတဲ့ နိုင်ငံရေးအကျဉ်းသားတွေ အပေါ်ရော ရှင်ကျေနပ်အားရ မှုရှိရဲ့လား။ ရှင်ထင်ထားတဲ့သူတွေရော လွတ်လာရဲ့လား။

စု-    ကျွန်မတို့ပြုစုထားတဲ့ စာရင်းထဲကလူတွေ အားလုံးမပါသေးဘူး။ ပြီးတော့ တခြားသူတွေ ပြုစုထားတဲ့ စာရင်းတွေလည်း ရှိပါသေးတယ်။ ကျွန်မတို့ စာရင်းထက်   တောင် နည်းနည်းပိုသေးတယ်လို့ ထင်တယ်။ လွတ်ဖို့စောင့်ဆိုင်းနေသူတွေ ကျန် နေသေးတယ်လို့ ကျွန်မထင်ပါတယ်။

CA – ဖြစ်လာလိမ့်မယ်လို့ ရှင်ထင်သလား။

စု-    ထင်ပါတယ်။ ဖြစ်နိုင်သလောက် အမြန်ဆုံး ဖြစ်လာမယ်လို့ ကျွန်မထင်ပါတယ်။
CA  – ဒီကိစ္စနဲ့ပတ်သက်လို့ သမ္မတနဲ့ ရော အစိုးရကပါ ရှင်နဲ့ အမြင်တူပါရဲ့ လား။

စု-    သူတို့နဲ့ အမြင်ချင်းတူတယ် ဆိုတာ ဘာကိုဆိုလိုတာပါလိမ့်။ ဒါပေမဲ့ နိုင်ငံရေး အကျဉ်းသားတွေ လွှတ်သင့်တယ်ဆိုတာကို သဘော တူတဲ့သူတွေ အစိုးရအဖွဲ့ထဲမှာ အများကြီး ရှိတယ်လို့တော့ ကျွန်မ ထင်ပါတယ်။

CA – ရှင်ဟာ ဗိုလ်ချုပ်ကြီးဟောင်း ဖြစ်တဲ့ နိုင်ငံတော်သမ္မတ ဦးသိန်းစိန်နဲ့ အခု အတူတူ အလုပ်လုပ် နေတယ်နော်….။ အဲဒီအုပ်စုဟာ ရှင့်နိုင်ငံကို ဖိနှိပ်ချုပ်ချယ်ခဲ့တာတွေ တင်မက ရှင့်ခင်ပွန်းနဲ့ မတွေ့ရ အောင် ပိတ်ပင်ခဲ့တဲ့ သူတွေ၊ ရှင့်သားတွေနဲ့ ခွဲခဲ့သူတွေမဟုတ်လား။  နိုင်ငံရေး သမားတစ်ယောက် အနေနဲ့ အဲဒီအုပ်စုနဲ့ တူတူတွဲပြီး လုပ်နေရ တာဘယ်လိုနေသလဲဆိုတာ ကျွန်မ ကို ပြောပြစမ်းပါဦး။

စု-    ကျွန်မကို ပုဂ္ဂိုလ်ရေးအရ သူတို့လုပ်ခဲ့ကြတာလို့ ကျွန်မ ဘယ်တော့မှ မထင်ခဲ့ပါဘူး။ ဒါဟာ နိုင်ငံရေးလေ။ တကယ်လို့ ရှင့်အနေနဲ့ နိုင်ငံရေး လုပ်တော့မယ်လို့ ဆုံးဖြတ်လိုက်ပြီဆိုရင် ဒီလို ပြဿနာမျိုးတွေ အတွက် ကြိုပြင်ထားရမှာပဲ…။ ဗိုလ်ချုပ်ကြီးတွေ အတော်များများ ကို ကျွန်မနှစ်သက်ပါတယ်။ လူတွေကို ကျွန်မ   နှစ်သက် တာများပါတယ်ရှင်။

CA – ဗိုလ်ချုပ်ကြီးတွေကိုနှစ်သက်တယ်လို့ ရှင်ဖြေတာကို ကြားရတဲ့ သူတွေကတော့ အတော်အံ့သြကြ မှာပဲ။

စု-    ကောင်းပြီ…။ တပ်ထဲကလူ တွေနဲ့ ကျွန်မအမြဲကြုံခဲ့ရပါတယ်။ ကျွန်မအဖေဟာ မြန်မာ့တပ်မတော်ကို တည်ထောင်ခဲ့သူဆိုတာကို လည်း ရှင်မေ့မပစ်နဲ့ဦးလေ။ ဒါ ကြောင့်ပဲ သူတို့ အလုပ်လုပ်တာတွေ ကို မကြိုက်တောင် ကျွန်မ သူတို့ ကို ခင်မင်တွယ်တာပါတယ်။ ဒါဟာ သူတို့ကို နှစ်သက်တယ် ဆိုတာနဲ့ မတူပါဘူး။

CA – ရင်တောင်တုန်သွားတယ်။

စု-    တကယ်လားရှင့်…။

CA – ဟုတ်တယ်။ ကျွန်မ အသက် ရှူတောင် မှားသွားသလိုပဲ။

စု-    ကျွန်မအတွက်တော့ ဒါဟာ တကယ့်ကို သာမန်အတိုင်းပါပဲ။

CA – စစ်အာဏာရှင်စနစ်ကနေ ပြည့်ဝတဲ့ ဒီမိုကရေစီအဖြစ် အသွင် ကူးပြောင်းရေးမှာ ရှင်နဲ့သမ္မတရဲ့ ပုဂ္ဂိုလ်ရေး ဆက်ဆံမှုသာမက နိုင်ငံရေးဆက်ဆံမှုကပါ အတိမ်း အစောင်း မခံလောက်အောင် အရေးပါတယ်လို့ ရှင်ယုံကြည်သလား။

စု-    ဒီလိုအလုပ်မျိုးကို ပုဂ္ဂိုလ်ရေးနဲ့ လုပ်တာဟာ အမြဲတန်းလိုလို နည်း နည်းတော့အန္တရာယ်များတယ်လို့ ကျွန်မထင်ပါတယ်။ ဒါကို ကျွန်မ တို့အနေနဲ့ လက်တွေ့ကျကျ ရှုမြင် ကြဖို့လိုတယ်လို့ ကျွန်မထင်ပါတယ်။ ကျွန်မတို့တစ်တွေ ဒီမိုကရက်တစ် လူ့အဖွဲ့အစည်းကို ဖွံ့ဖြိုးတိုးတက် အောင် အတူတကွ ကြိုးပမ်း ဆောင်ရွက်ကြရာမှာ ဦး   ဆောင်ပုဂ္ဂိုလ်တွေရယ်၊ ဥပဒေပြုရေးရယ် တရားစီရင် ရေးရယ် အားလုံး ပူးပေါင်းဆောင်ရွက်ကြဖို့ အရေးကြီးတယ်လို့ ကျွန်မ ထင်ပါတယ်။

CA – ရှင့်အနေနဲ့ ဒါကို ပုဂ္ဂိုလ်ရေးအရလို့ မဆိုလိုချင်ဘူးဆိုတာ ကျွန်မ သိပါတယ်။ ပုဂ္ဂိုလ်ရေးအရ တာ ဝန်မယူချင်တာမဟုတ်ဘဲ ပုဂ္ဂိုလ် ရေးဆိုတဲ့  ဘောင်မခတ်ချင် တာကို လည်း ကျွန်မသိပါတယ်။ ဒါပေမဲ့ ဒါဟာ ရှင့်ကြောင့်ပဲလေ။ ဒါတွေ ဒီလိုဖြစ်လာအောင် ရှင်လုပ်ခဲ့တာပဲလေ။ ရှင့်လိုပုဂ္ဂိုလ်မျိုး မပါဘဲနဲ့ ဒါတွေ ဖြစ်လာမှာ မဟုတ် ဘူးလေ။

စု-    အို…။ ကျွန်မ ဒီလိုမထင်ပါ ဘူး။ တခြားသူတွေ အများကြီး မပါဘဲနဲ့…. ကျွန်မတို့ ပြည်သူတွေ မပါဘဲနဲ့လည်း ဒါတွေ ဒီလိုဖြစ် လာမှာမဟုတ်ပါဘူး။ အမေရိကန်   ပြည်သူတွေကလည်း ကျွန်မတို့ကို ကူညီပံ့ပိုးကြတယ်၊ အမေရိကန် အစိုးရအဖွဲ့ကလည်း ကူညီပံ့ပိုးခဲ့ တယ်။ ဒီအတွက်နဲ့ ပတ်သက်လို့ အမေရိကန် လွှတ်တော်ကိုလည်း တကယ့်ကို ကျေးဇူးတင်ပါတယ်။ နှစ်နဲ့ချီပြီး ကျွန်မတို့ကို ကူညီပံ့ပိုးခဲ့ ကြတဲ့ ကမ္ဘာတစ်ဝန်းက ပုဂ္ဂိုလ် တွေအားလုံးကိုလည်း ကျေးဇူးတင်ပါတယ်။  ဒီတော့ကာ…။ အဓိပ္ပာယ်ကတော့ ကိုယ့်ဆောင်ရွက်ချက်တွေ ဆုံးဖြတ်ချက်တွေ အတွက် ကိုယ် ကပဲတာဝန်ယူရမှာလို့ ကျွန်မထင်ပါတယ်။ ဒါပေမဲ့ ကောင်းတာတွေ ဖြစ်လာတိုင်း ငါလုပ်လိုက်လို့ဆိုပြီး တော့ မခံယူသင့်ပါဘူး။

CA – အထူးသဖြင့်ပေါ့လေ။ ရှင် နေအိမ် အကျယ်ချုပ်ကျနေတုန်းကတော့ ဒါကို ဖြတ်သန်းကျော်လွှား နိုင်ဖို့အတွက် အတော်လေးခေါင်းမာ ခဲ့ရတယ်လို့ ကျွန်မ ယူဆပါ တယ်။ အဲဒီတုန်းကတော့ လိုချင်တာတွေ ရဖို့ ဖြစ်ချင်တာတွေ ဖြစ်လာဖို့ အလျှော့မပေးဘဲ အတော်ကလေး ကို ခေါင်းမာခဲ့ရမှာပါပဲ။ ခုတော့ ရှင်က စေ့စပ်ညှိနှိုင်းဖို့ လိုအပ်တယ် လို့ပြောနေတယ်။ အဲဒီလိုပြောင်းလဲ သွားတာနဲ့ပတ်သက်လို့ ပြောပြပါဦး။

စု-    ကောင်းပြီလေ…။ ဘယ်တုန်းကမှ မပြောင်းလဲပါဘူး။ အဲဒီတုန်းက စေ့စပ်ညှိနှိုင်းဖို့ အခွင့်အရေးလည်း တစ်ခါမှမရခဲ့ပါဘူး။ ရှင့်ကို ဘယ်သူကမှ စကားလာမပြောရင် ရှင်လည်း ဘယ်လိုမှ စေ့စပ်ညှိနှိုင်း လို့ရမှာမဟုတ်ပါဘူး။ အဲဒီတုန်းက အပြန်အလှန် ဆွေးနွေးဖို့၊ တိုင်ပင်ညှိ နှိုင်းဖို့တွေ မရခဲ့ပါဘူး။  ကျွန်မ ပြောင်းလဲသွားပြီလို့ လူတွေက   ပြောကြတယ်။ ကျွန်မဟာ ထိပ်တိုက် ရင်ဆိုင်နေကျတဲ့။ ကျွန်မ မပြောင်းလဲပါဘူး။ အခြေအနေတွေ ပြောင်းသွားတာပါ။ ကျွန်မရင့်ကျက် လာတာလည်း ပါမှာပေါ့။   နှစ်ပေါင်း ၂ဝ ကျော်လာပြီပဲရှင်။ အဲဒီလူဟာ ရင့်ကျက်လာမှာပါ။

CA – ဒါပေမဲ့ ကျွန်မတို့ဟာ စေ့စပ် ညှိနှိုင်းခြင်းအနုပညာကို စတင်လေ့ လာခါစပဲ ရှိသေးတယ်လို့ ရှင် ပြောခဲ့တယ်လေ။ အပေးအယူ လုပ်တာတွေ၊ အများဆန္ဒရဲ့   အောင်မြင်မှု တွေကို လေ့လာခါစပဲရှိသေးတယ်ဆို။

စု-    ဒါဟာ ဥပဒေပြုရေးနဲ့ ပတ်သက်လို့ လုပ်ရမှာတွေကို ပြောတာပါ။ လွှတ်တော်ထဲရောက်တာ  နှစ်လလောက်ပဲ ရှိသေးပေမယ့် ဆောင်ရွက်နေကြတာတွေကို အင် မတန်အားရကျေနပ်ပါတယ်။ သင့် တင့်မျှတတဲ့စိတ်ထားလည်းရှိသလို၊ လူနည်းစုသာဖြစ်တဲ့ ကျွန်မတို့ အတိုက်အခံတွေကို အာဃာတ မထားဘဲ အရေးတယူလည်း ဆက် ဆံတဲ့ လွှတ်တော်ဥက္ကဋ္ဌလည်း ကျွန်မတို့မှာ ရှိနေတယ်လေ။

CA – ဟိုတုန်းကကြုံခဲ့တာကို ရှင် မှတ်မိသေးလား။ ရှင့်ကို စစ်သားတွေက သေနတ်တွေနဲ့ ချိန်ထားတာလေ။ သူတို့ဆီကို ရှင် တည့်တည့် လျှောက်သွားခဲ့တုန်းကလေ…။

စု-    သြော်…ဒါတွေက ကြာခဲ့ပါပြီ လေ…။

CA – ဒါကို ရှင်မှတ်မိသေးလား လို့…။

စု-    ဒါပေါ့…မှတ်မိသေးတာ ပေါ့။

CA  – လူအုပ်က နောက်မှာကျန်ခဲ့ပြီး ရှင်တစ်ယောက်တည်း ရှေ့တည့် တည့် တိုးသွားခဲ့တာနော်…။ အဲဒီ တုန်းက ရှင့်စိတ်ထဲမှာ ဘယ်လိုနေသလဲ။

စု-    ဟုတ်ကဲ့။ ကျွန်မမှာ ရွေးချယ်ခွင့် များများမရှိခဲ့ပါဘူး။ သူတို့က လမ်းဘေးဆင်းလျှောက်ဖို့ ပြော တယ်။ ဒီတော့ ကျွန်မက ပြန်ပြောတယ်။ ကောင်းပြီ၊ တို့ လမ်းဘေး ဆင်းလျှောက်ကြစို့လို့။ အဲဒီကျ  တော့ လမ်းဘေးကပဲ လျှောက် လျှောက် လမ်းပေါ်ကပဲလျှောက် လျှောက် သူတို့ ပစ်ရလိမ့်မယ်ဆိုတဲ့ သဘောမျိုး ပြောလာတယ်။ ဒီ တော့ ကျွန်မလည်း လမ်းပေါ်တက်တာကမှ ကောင်းဦးမယ်ဆိုပြီး ဆုံးဖြတ်ခဲ့တာပါ။

CA- သူတို့ တကယ်မပစ်ခဲ့ပါ ဘူးနော်။ အဲဒါကဘာသဘောလဲ။

စု-    အင်း။ အဲဒီမှာ ဗိုလ်မှူးတစ်ယောက်က ပြေးလာတယ်။ သူက ကျွန်မလို နောက်ကနေ လမ်းလျှောက် လိုက်လာတာ။ အဲဒီဗိုလ်မှူးက ပြေးလာပြီး တာဝန်ခံဗိုလ်ကြီးကို တားဆီးတယ်။

CA – ၂ဝဝ၃ ခုနှစ်မှာ ရှင့်အသက်ကို လုပ်ကြံဖို့ ကြိုးစားမှုတစ်ခု ဖြစ်ခဲ့သေးတယ်လေ။ လူအတော်များများ သေကျေခဲ့ရတယ်။ အဲဒီ အဖြစ်အပျက်တွေ နောက်ပိုင်းမှာ ရှင်ဘယ်လို ခရီးဆက်ခဲ့ရလဲ။ ဘယ်ဆိုဆက်ပြီး တိုက်ပွဲဝင်ခဲ့လဲ။

စု-    ဟုတ်ပြီလေ။ ကျွန်မကဘာဖြစ် လို့ ခရီးမဆက်ရမှာလဲ။ တိုက်ပွဲ မဝင်ရမှာလဲ။ တစ်ယောက်ယောက် ကတော့ ဆက်ပြီးတိုက်ပွဲဝင်နေဦး မှာပဲ။ အထူးသဖြင့် ဒီလိုအဖြစ်အ ပျက်မျိုးတွေကြောင့်ပေါ့။

CA -  ပိတ်ဆို့မှုအကြောင်းတွေ ရှင် ပြောခဲ့တယ်နော်။ စစ်အာဏာရှင် စနစ်ကနေပြီးတော့ ဒီမိုကရေစီကို ချီတက်တဲ့ ဒီပြုပြင်ပြောင်းလဲရေး မှာ ပိတ်ဆို့မှုတွေက ဘယ်လောက် အထိ အရေးပါ အရာရောက်ခဲ့သလဲ ဆိုတာနဲ့ပတ်သက်ပြီး ငြင်းခုံစရာ အချို့တော့ ရှိမှာပါ။ ပိတ်ဆို့မှုတွေ ဟာဒီပြုပြင်ပြောင်းလဲမှုကို တကယ်ပဲ ဖော်   ဆောင်စေခဲ့တယ်လို့ ရှင့် အနေနဲ့ လက်ခံ ယုံကြည်ထားပါသလား။ ဘာကြောင့်လဲဆိုရင် သူတို့ (စစ်ခေါင်းဆောင်များကို ဆိုလို သည်)က ပြင်ပကမ္ဘာနဲ့ တစ်နည်း တစ်ဖုံ အဆက်အသွယ်ရှိနေပြီး ပိတ်ဆို့မှုဒဏ်ကို တကယ်တမ်း သာမန်ပြည် သူတွေပဲ ခံရတာလေ။ လူအများအပြား အလုပ်လက်မဲ့ ဖြစ်ခဲ့ရတယ်လေ။

စု-    ဒီပြုပြင်ပြောင်းလဲမှုဟာ ပိတ် ဆို့မှုတစ်ခုတည်းကြောင့် ဖြစ်လာ တာမဟုတ်ပါဘူး။ ဒါပေမဲ့ ပိတ် ဆို့မှုဟာ အရမ်းအရေးပါတဲ့ အ ကြောင်းရင်းတစ်ရပ်လို့ ကျွန်မ ယူဆထားပါတယ်။ ဒီလိုမှမဟုတ် ရင် ဘာဖြစ်လို့ မြန်မာအစိုးရက ပိတ်ဆို့မှုတွေ ပယ်ဖျက်ပေးဖို့ တောင်းဆိုရမှာလဲ။ ကျွန်မအထင် တော့ ပိတ်ဆို့မှုဟာ နိုင်ငံရေးအရ အရေးပါပါတယ်။ ပိတ်ဆို့မှုဟာ မြန်မာ့စီးပွားရေးကို အကြီးအကျယ် ထိခိုက်ခဲ့တယ်လို့ ကျွန်မ မထင်ပါ ဘူး။ အပြည်ပြည်ဆိုင်ရာ ငွေကြေး ရန်ပုံငွေအဖွဲ့နဲ့ ကမ္ဘာ့ဘဏ်တို့ရဲ့ ပြောကြားချက်ကို ကျွန်မ အမြဲတမ်း ကိုးကားပြောဆိုခဲ့ပါတယ်။ မြန်မာ့စီး ပွားရေး ချွတ်ခြုံကျလာတဲ့အခြေ အနေဟာ ပိတ်ဆို့မှုကြောင့် မဟုတ် ပါဘူး။ မှားယွင်းတဲ့ စီမံခန့်ခွဲမှုကသာ ဒီလိုအခြေအနေမျိုးကို ဆိုက်ရောက် စေခဲ့တာပါ။

CA – ဒါဆို ရှင်ဆိုလိုတာက ပိတ်ဆို့ မှုဟာ နိုင်ငံရေးနဲ့ စိတ်ပိုင်းဆိုင်ရာ အရ ပိုမိုထိရောက်ခဲ့တယ်ပေါ့။

စု-    ဟုတ်ပါတယ်။

CA – သူတို့(အစိုးရကိုဆိုလိုသည်)ရဲ့ လုပ်ဆောင်ချက်တွေ ပိုမိုထက်မြက် လာမယ်လို့ ယူဆပါသလား။

စု-    ဟုတ်ကဲ့။ ကျွန်မ အဲဒီလို ထင်ပါတယ်။

CA – ကြားဖြတ်ရွေးကောက်ပွဲမှာ ရှင်တို့ ပါတီက နေရာအများကြီးနိုင်ခဲ့တယ်။ ဒါဟာ အကြိတ်အနယ် ယှဉ်ပြိုင်ခဲ့ရတာပဲလေ။ အဲဒီအပေါ် အစိုးရက အံ့သြမှုဖြစ်လိမ့်မယ်လို့ ရှင်ထင်သလား။

စု-    တော်တော်များများကတော့ အဲဒီလို အံ့သြတကြီးဖြစ်လိမ့်မယ်လို့ ထင်ပါ တယ်။ ဒီလိုဖြစ်လိမ့်မယ်လို့ ကြို တင်သဘောပေါက်ထားတဲ့သူ တချို့လည်း ရှိလိမ့်မယ်လို့ ယုံကြည် ပါတယ်။

CA – နောက်လာမယ့် ၂ဝ၁၅ ရွေး ကောက်ပွဲမှာရော ရှင်ဘယ်လို မျှော်မှန်းထားပါသလဲ။ အများစု အနိုင်ရမယ်လို့ မျှော်လင့်ထားပါ သလား။

စု-    ၂ဝ၁၅ ရွေးကောက်ပွဲအတွက် ကြိုတွေးဖို့ စောသေးတယ်လို့ ထင် ပါတယ်။ နောက်လာမယ့် နှစ်နှစ် မှာ ဒီမိုကရေစီစနစ် ဘယ်လောက် ဖွံ့ဖြိုးလာမှာလဲဆိုတာက ပိုပြီး အရေးကြီးတယ်လို့ ယူဆထားပါ တယ်။ အဲဒါကပဲ ၂ဝ၁၅ ရွေး ကောက်ပွဲအတွက် အဆုံးအဖြတ် ပေးသွားပါလိမ့်မယ်။

CA – ရှင့်ကို ကိုယ်ရေးကိုယ်တာမေး ခွန်း နှစ်ခုလောက် မေးချင်ပါတယ်။ ဘာဖြစ်လို့လဲဆိုတော့ ရှင်က လူသိ များတဲ့ လူထုချစ်တဲ့ ပုဂ္ဂိုလ်ဖြစ်နေ လို့လေ။

စု-    ကျွန်မက ကိုယ်ရေးကိုယ်တာ မေးခွန်းတွေမေးတာကို သဘော ကျလေ့မရှိဘူး။

CA – ရှင် သဘောမကျဘူးဆိုတာ ကျွန်မသိပါတယ်။ ဒါပေမဲ့ ကျွန်မကလည်း မိခင်တစ်ယောက်ဆိုတော့ လေ။ ရှင်ဘယ်လောက်အထိ ပေးဆပ်ခဲ့ရသလဲဆိုတာနဲ့ ပတ်သက်ပြီး တော့ပေါ့။ များသောအားဖြင့် အလုပ်လုပ်နေကြတဲ့ မိခင်တွေဟာ သားသမီးတွေအပေါ် အချိန်ပေးဖို့ ပျက်ကွက်ကြပါတယ်။ အဲဒါနဲ့ပတ်သက်ပြီး ကိုယ့် သားသမီးအပေါ် ဘယ်လို ပြန်ပေးဆပ်ဖြည့်စွမ်းမလဲ ဆိုတာ စဉ်းစားရကျပ်လှပါတယ်။ ရှင်ကတော့ တခြား ကျွန်မသိမီ သလောက် မိဘတွေထက်ပိုပြီး အတူ မနေနိုင်တဲ့ အချိန် ပိုများတော့ ဘယ်လိုများ ပြန်ပြီး ကိုယ့်သားသမီး အပေါ် ဖြည့်စွမ်းမလဲဆိုတာကိုပါ။

စု-    ကျွန်မကလေးတွေ အတွက် ပြန်ပေးဆပ်ရတာတွေ လုပ်ဖို့ မလိုဘူးလို့ထင်ပါတယ်။ သူတို့ကအရွယ် ရောက်ပြီးသူတွေလေ။ ကလေးတွေ မှ မဟုတ်တော့တာ။ သူတို့ကို ကလေးတွေအတွက် ပြန်ပေးဆပ်သလိုမျိုး ပေးဆပ်စရာမလိုဘူးလေ။ သူတို့က ကလေးတွေ မဟုတ်တော့ သူတို့ကို ကလေးတွေလိုဆက်ဆံ တာကိုလည်း ကြိုက်မယ်မဟုတ်ဘူးလေ။ တကယ်တော့ သူတို့ကို ကလေးတွေလို ဆက်ဆံတာကို သူတို့ မကြိုက်မှာ ကျွန်မ သေချာ သိတယ်။ ကျွန်မ လုပ်ချင်တဲ့ ရိုးရိုး ရှင်းရှင်း အရာကတော့ ကျွန်မတို့ ဝေးကွာနေတဲ့အချိန်ကို အခြေခံပြီးတော့ ဆက်ဆံရေးကောင်း တည်ဆောက်ဖို့ သင်ယူချင်တာပါပဲ။

CA – ကျွန်မ ဖတ်မိတာက ရှင်က သားကြီး အလက်ဇန္ဒားနဲ့ စိမ်းတယ်ဆို။ သူနဲ့ တွေ့ဖြစ်သလား။

စု-    သားကြီးနဲ့ ကျွန်မ မစိမ်းပါဘူး။ ဒါဟာ လူတွေ တစ်ယောက်နဲ့ တစ်ယောက် မတွေ့တာကြာလာရင် ပျံ့နှံ့လာတတ်တဲ့ ကောလာဟလ တွေလို့ပဲ ကျွန်မ ထင်ပါတယ်။

CA – ကျွန်မတို့ နောက်ဆုံး အခေါက် စကားပြောခဲ့ကြတုန်းက ရှင်က အဆင်အခြင်မဲ့ အကောင်းမြင်မှုကို သတိထားဖို့ ပြောခဲ့တယ်လေ။ ဒါဆို အဲဒီနေ့တွေတုန်းက အဲဒီ အချိန်တုန်းက မြန်မာအပေါ် အကောင်းမြင်မှုဟာ အဆင်အခြင်မဲ့ တယ်လို့ ရှင်ထင်ပါသလား။ ပြီးတော့ အခုဆိုရင်ကော မှန်ကန်တဲ့ လမ်းကြောင်းလို့ ထင်ပါသလား။

စု-    အချို့အစိတ်အပိုင်းတွေ အတွက်ကတော့ (အကောင်းမြင်မှုဟာ) အဆင်အခြင်မဲ့နေတုန်းပါ။ ဒီနေရာမှာ ကျွန်မ သဘောအကျဆုံး စီးပွားရေးပညာရှင် မစ္စတာ   ရှောင်တာန်ပြောတာကို ညွှန်းရပါလိမ့်မယ်။ သူဟာ ရွှေတွင်းတွေမှာ ရင်းနှီးမြှုပ်နှံတဲ့ သူတွေအကြောင်း ပြောလေ့ရှိတယ်။ ကျွန်မကတော့ အဲဒီလိုမျိုး မဖြစ်စေချင်ဘူး။ ဒါဟာ အဆင်အခြင်မဲ့ အကောင်းမြင်မှု ကြောင့်ပါ။ အဲဒါဟာ ကျွန်မတို့နိုင်ငံအတွက် အထောက်အကူ မပြုသလို ရင်းနှီးမြှုပ်နှံသူတွေ အတွက်လည်း စိတ်ပျက်စရာဖြစ် ပါလိမ့်မယ်။ ဒါကြောင့် ကိုယ်ကိုယ်တိုင် ဘာလုပ်နေတယ်၊ အဲဒါရဲ့ကောင်းကျိုးနဲ့ ဆိုးကွက်ကို ချိန်ဆပြီး ကျွန်မတို့တိုင်းပြည်အတွက်ရော ကိုယ်ကိုယ်တိုင်အတွက်ပါ အကောင်းဆုံး ဖြစ်မယ့်နည်းလမ်းကို စဉ်းစားစေ ချင်ပါတယ်။ ရင်းနှီးမြှုပ်နှံသူတွေ ကို အကျိုးအမြတ်ရှိစေချင်တယ်။ ရင်းနှီးမြှုပ်နှံမှုပြုတယ်ဆိုကတည်း က အကျိုးအမြတ် လိုချင်လို့ပဲလေ။ သူတို့ရဲ့ ရင်းနှီးမြှုပ်နှံမှုက ရလာတဲ့ အသီးအပွင့်(အကျိုးအမြတ်)တွေကို ကျွန်မတို့ပြည်သူတွေနဲ့ ရင်းနှီးမြှုပ်နှံ သူတွေက ဝေမျှသုံးစွဲဖို့ပါ။

CA – ဒါနဲ့ ရှင်တို့နိုင်ငံကို ကျွန်မတို့ ဘယ်လိုခေါ်ရမလဲ။ လူထုရှေ့ မှောက်မှာ ရှင်စကားပြောတဲ့အခါ တော်တော်များများမှာတော့ ဗမာ လို့ပဲ ရှင်သုံးခဲ့တယ်လေ။ တရားဝင် နာမည်က မြန်မာဆိုတော့…

စု-    ဒါဟာ ရွေးချယ်စရာတစ်ခု ပါပဲ။ ကျွန်မစိတ်ထင် ၁၉၉ဝ ပြည့် နှစ်တွေမှာ ထင်တယ်။ နိုင်ငံတော် ငြိမ်ဝပ်ပိပြားမှု တည်ဆောက်ရေး အဖွဲ့က လူထုဆန္ဒ မခံယူဘဲ ဗမာ ကို မြန်မာလို့ပြောင်းခဲ့တယ်။

CA – နိုင်ငံတော် ငြိမ်ဝပ်ပိပြားမှု တည်ဆောက်ရေးအဖွဲ့လား။

စု-    နိုင်ငံတော် ငြိမ်ဝပ်ပိပြားမှု တည်ဆောက်ရေးအဖွဲ့။ ဟုတ်ပါ တယ်။ လူထုဆန္ဒ မခံယူဘဲနဲ့ သူတို့က ဗမာနိုင်ငံကို မြန်မာနိုင်ငံလို့ ခေါ်တွင်သတ်မှတ်ဖို့ ဆုံးဖြတ်ခဲ့တာပါ။ ဒါပေမဲ့ ကျွန်မတို့မှာ လွတ်လပ်စွာ ထုတ်ဖော်ခွင့်ဆိုတဲ့ အခွင့်အရေး ရှိတယ်လို့ ယူဆထားပါတယ်။ ဒါ ကြောင့် ကျွန်မတို့နဲ့ ခံစားမှု ပိုနီးစပ်တဲ့ အမည်နာမတစ်ခုကို ကျွန်မတို့   ရွေးချယ်ခေါ်တွင်နိုင်ပါတယ်။

CA – ဒေါ်အောင်ဆန်းစုကြည်ကို ကျေးဇူးတင်ပါတယ်။

စု- ဟုတ်ကဲ့။ ကျေးဇူးတင်ပါတယ်။

By Popular Myanmar