စွယ်စုံရအနုပညာရှင် ဇာဂနာကလည်း ကိုယ့်တိုင်းပြည်၊ ကိုယ့်လူမျိုးအတွက် အရေးကြုံလာရင် တတ်ကျွမ်းတဲ့အပိုင်းမှာအချိန် မရွေးပါဝင်ဖို့ အသင့် ရှိနေသူတစ်ယောက်ပါ။ အလှူကဏ္ဍတွေမှာ ကိုယ်တိုင်ပါဝင် ဆောင်ရွက်လေ့ ရှိတဲ့ဇာဂနာက''တိုင်းပြည်မှာရှိတဲ့ ဒုက္ခရောက်တဲ့နိုင်ငံသားတွေကို လှူတာ ဟာ မွန်မြတ်တဲ့အလှူပါ။ အထူးသဖြင့် အနုပညာရှင်တွေဆိုတာက ပြည် သူတွေရဲ့ ပိုက်ဆံကို တိုက်ရိုက်ယူတာလေ။ ဒါကြောင့်ပြည်သူတွေ ဒုက္ခရောက်ရင် ကျွန်တော်တို့မှာ တိုက်ရိုက်တာဝန်ရှိတယ်လို့ ယူဆ ထားတယ်'' လို့ ပြောကြားခဲ့ပါတယ်။
အရင်က မင်းကိုနိုင်ရေးသားထားတဲ့ ဝတ္ထု'မမပြုံး ပြုံးပြပါ' ကိုဇာဂနာက ဗီဒီယိုဇာတ်ကားအဖြစ် ရိုက်ကူးဖူးကြောင်း သိရပါတယ်။ ဒီဝတ္ထုနဲ့ပတ်သတ် ပြီး ဗီဒီယိုရိုက်ကူးဖြစ်သူ ဇာဂနာက''၁၉၉၄ခုနှစ်လောက်မှာ သူနဲ့ ကျွန်တော် ရယ်၊ ဦးဝင်းတင်ရယ် သုံးယောက်ပေါင်းပြီး စိတ်ကူးမိတာပါ။ တစ်သက်လုံးမပြုံးနိုင်တဲ့ မမပြုံးဆိုတဲ့ အမျိုးသမီး တစ်ယောက်ရှိခဲ့တယ်။ သူ့ရဲ့အပြုံးကို အမြဲတမ်းတောင်းဆိုတဲ့ ကောင်လေးတစ်ယောက် ရှိခဲ့တယ်။ အဲဒီကောင်လေး ဆုံးသွားတဲ့အခါမှာ မမပြုံးက ပြုံးပြနိုင်တယ်။ ဒီဇာတ်ကားကို ဒွေးရယ်၊ထွန်းအိန္ဒြာဗိုရယ် သရုပ်ဆောင်ထားတယ်။ အဲဒီ တုန်းက နှစ်ယောက်စလုံးက အင်းစိန်ထောင်ထဲမှာ အထိန်းသိမ်းခံထားရ တဲ့အချိန်လေ၊ တစ်ယောက်နဲ့တစ်ယောက်မတွေ့ဘဲ ဖန်တီးယူခဲ့ရတယ်။ အပြင်ထွက်လာတဲ့အခါ ဒီဇာတ်လမ်းလေး ဖန်တီးဖြစ်ခဲ့တယ်။
ဝတ္ထုဇာတ်ညွှန်း ကိုမင်းကိုနိုင်လို့ ဖော်ပြခွင့်မရလို့ပေါ်ဦးဆို တဲ့နာမည် နဲ့ဖော်ပြခဲ့တယ်''လို့ ပြောပါတယ်။
By AF IJournal
No comments:
Post a Comment