စစ်ထောက်လှမ်းရေး အကြီးအကဲဟောင်း၊ ၀န်ကြီးချုပ်ဟောင်း ဦးခင်ညွှန့်ဟာ တဖြည်းဖြည်းနဲ့ လူမြင်ကွင်း ကို ခပ်စိပ်စိတ်လေး ပြန်လည် ထွက်ပေါ် လာနေပါတယ်။ဆိုင်းငံ့ပြစ်ဒဏ် ထောင်ဒဏ် ၄၄ နှစ်နဲ့ နေအိမ်အကျယ်ချုပ် ကျခံနေရာက ယခုနှစ်ဆန်းပိုင်းက သမ္မတ ဦးသိန်းစိန်ရဲ့ လွတ်ငြိမ်းချမ်းသာခွင့်နဲ့ လွတ်မြောက်လာခဲ့ပါတယ်။
လွတ်မြောက်ပြီးနောက်သူက နိုင်ငံရေးလုပ်မှာ မဟုတ်တော့ကြောင်း၊ လူမှုရေး လုပ်ငန်းတွေသာ လုပ်မှာ ဖြစ်တဲ့အကြောင်း၊ အကျဉ်းထောင်တွေထဲ ကျန်ရှိနေသေးတဲ့ တပည့်စစ်ထောက်လှမ်းရေး များ ပြန်လည်လွတ်မြောက်ရေးအတွက်လည်း ကြိုးစားလုပ်ဆောင်သွားမယ်လို့ ပြောခဲ့ဖူးပါတယ်။
မြန်မာပြည် အနောက်ဖက် တံခါးမှာ ၀မ်းနည်းဖွယ်ဖြစ်ရပ်တွေဆက်တိုက်ဖြစ်ပေါ်နေချိန်မှာ အခုလို တိုက် တိုက်ဆိုင်ဆိုင် လူမြင်ကွင်းကို ဆက်တိုက်ထွက်ပေါ်လာနေတာလည်းဖြစ်ပါတယ်။
မကြာသေးခင်ကလည်း မန္တလေး မစိုးရိမ်တိုက်သစ်က နိုင်ငံရေးအကျဉ်းသားဟောင်း အရှင် ၀ိရသူနဲ့ အတူ ဘာသာရေးပွဲ တခုမှာ အတူတွဲလျှက် တွေ့ခဲ့ရတဲ့ ဓာတ်ပုံလည်း အရှင် ၀ိရသူရဲ့ ဖေ့စ်ဘုတ် စာမျက်နှာ မှာ ဖော်ပြခဲ့ပါသေးတယ်။
အခုတခေါက်တာကတော့ ဦးခင်ညွန့်ဟာ မိသားစုတွေနဲ့ အတူ ကျိုက်ထီးရိုး ဆံတော်ရှင် စေတီတော် ကို အောက်တိုဘာ လ ၂၇ ရက်နေ့က တက်ရောက်ဖူးမြှော်တဲ့ မြင်ကွင်းပါ။
ပုံမှာမြင်ရတာကတော့ ဦးခင်ညွန့်ဟာ တချိန်တုန်းကလို လန်းလန်းဆန်းဆန်းနဲ့ မြေး ၂ ဦးကို တဖက်စီ ခြံရံ ရင်း လေခါးထစ်က ဆင်းလာတာကို တွေ့ရပါတယ်။ ဦးခင်ညွန့်နဲ့ မိသားစုဟာ ယနေ့ အောက်တိုဘာလ ၂၈ ရက် နေ့မှာလည်း ကျိုက်ထီးဆောင်း ဆရာတော်ထံ သွားရောက် ဖူးမြှော်ဖို့ ရှိပါတယ်တဲ့။
အခုလို လူမြင်ကွင်းကို ပြန်လည်ထွက်ပေါ်လာနေတာနဲ့ပတ်သက်ပြီး ဝေဖန်မှုကတော့ အမျိုးမျိုးပါ။ အကောင်းမြင်ဝေဖန်မှုတွေရှိသလို အဆိုးမြင်ဝေဖန်မှုတွေလည်း ရှိကြပါတယ်။
By Irrawaddy
No comments:
Post a Comment