ပန်းချီဆရာ စာရေးဆရာနှင့် ဒါရိုက်တာ ဦးဝင်းဖေနှင့် အဆိုတော် မီမီဝင်းဖေတို မြန်မာနိုင်ငံသို့ ရောက်ရှိ

ပန်းချီဆရာ စာရေးဆရာနှင့် ဒါရိုက်တာ ဦးဝင်းဖေနှင့် သမီးဖြစ်သူ မီမီဝင်းဖေတို့သည် စက်တင်ဘာလ ၈ ရက်နေ့ မနက်ပိုင်းက မြန်မာနိုင်ငံသို့ ပြန်လည် ရောက်ရှိလာခဲ့သည်။


"မြန်မာနိုင်ငံကို လွမ်းလို့ပြန်လာတာပါ။ လွမ်းတာကတော့ ကြာလှပါပြီ။ အခု ပြန်ရောက်စဆိုတော့ ဒီကအကြောင်းတွေ ဘာမှမသိသေးပါဘူး။ ဒါပေမယ့် အစောကြီးကတည်း ကျွန်တော် သိထားတာတွေလည်း အများကြီးပါ။ ကျွန်တော် ၀ါသနာပါတဲ့ အနုပညာတွေနဲ့လည်း မပြတ်သလို မီဒီယာကလူဖြစ်တဲ့အတွက်လည်း ကိုယ်တိုင် မြန်မာပြည်မှာ မရှိတာကလွဲရင် အခြေအနေတွေတော့ သိနေရတာပါပဲ။ အခုလာတာ အနားယူဖို့ မဟုတ်ပါဘူး။ လုပ်စရာရှိတာတွေက လုပ်ရ ဦးမှာပါ။ ပန်းချီရေးမယ်၊ စာရေးမယ်ပေါ့။ ဒီမှာဘဲ အခြေချနေထိုင်သွားဖို့လည်း စိတ်ကူးရှိပါတယ်။ အခု ဇနီးက ဟိုမှာကျန်ခဲ့ပြီး ဒူးခွဲစိတ်ရမှာဖြစ်လို့ သူခွဲစိတ်ရမယ့် အချိန်တော့သမီးနဲ့ ကျွန်တော် ဟိုကိုပြန်ရဦးမှာပါ"ဟု ဒါရိုက်တာ ဦးဝင်းဖေက ဆိုပါသည်။

ဦးဝင်းဖေသည် မန္တလေးပန်တျာ ကျောင်းအုပ်ကြီးအဖြစ် ၁၉၆၆ ခုနှစ်မှ ၁၉၇၃ခုနှစ်အထိ တာဝန်ထမ်းဆောင်ခဲ့ပြီး ရုပ်ရှင်လောကသို့ "မပြိုသည့်မိုး" ဇာတ်ကားဖြင့် စတင်ဝင် ရောက်ခဲ့သည်။ ၁၉၈၁ ခုနှစ်တွင် " နှင်းဆီနီ အိပ်မက်" ရုပ်ရှင်ဖြင့် အကောင်းဆုံး ဒါရိုက်တာ အကယ်ဒမီဆု ရရှိခဲ့သည်။ ၁၉၉၄ခုနှစ်တွင် ဟောလီဝုဒ်နှင့် UCLA တို့တွင် ရုပ်ရှင်ပညာများ သွားရောက်သင်ကြားရင်း အမေရိကန်နိုင်ငံတွင် အခြေချခဲ့သည်။ RFA အသံလွှင့်ဌာနတွင် ၁၉၉၇ ခုနှစ်မှ ၂၀၀၅ ခုနှစ်အထိ Senior Editor အဖြစ်လုပ်ကိုင်ခဲ့ပြီး လက်ရှိတွင် VOA အသံလွှင့်ဌာန၌ လုပ်ကိုင်လျက်ရှိသည်။

မီမီဝင်းဖေကလည်း မြန်မာပြည်တွင် ရှိနေစဉ် ကာလအတွင်း အနုပညာအလုပ်များ ပြန်လည် လုပ်ကိုင်သွားရန် အစီအစဉ်ရှိကြောင်း ဆိုပါသည်။

By Eleven Media Group