အစိုးရ ပြည်ထောင်စု ၀န်ကြီးတွေဖြစ်တဲ့ ဦးအောင်မင်းနဲ့ ဦးစိုးသိမ်းတို့ဟာ ဒီကနေ့ ညနေ (၅)နာရီလောက်မှာ (၂၄) နှစ်မြောက် ငွေရတုအကြို ရှစ်လေးလုံးနှစ်ပတ်လည်အခမ်းအနားကျင်းပမယ့် မန္တလေးမြို့ ဒက္ခိဏာရာမ ဘုရားကြီးအလယ်တိုက်ကို ရောက်ရှိလာပြီး ကိုမင်းကိုနိုင်ခေါင်းဆောင်တဲ့ (၈၈) မျိုးဆက်ကျောင်းသားခေါင်းဆောင်တွေနဲ့ တွေ့ဆုံကာ အလှူငွေတွေ ပေးအပ်ခဲ့ပါတယ်။
အခုနှစ်မန္တလေးမှာကျင်းပမယ့်ရှစ်လေးလုံးနှစ်ပတ်လည်နေ့ဟာ နိုင်ငံတော်အဆင့် အခမ်းအနားဖြစ်တယ်လို့လည်း ၀န်ကြီးဦးအောင်မင်းက (၈၈) မျိုးဆက်ကျောင်းသားတွေကို ပြောကြားခဲ့ပါတယ်။
မနက်ဖြန်ကျင်းပမယ့် ရှစ်လေးလုံးနှစ်ပတ်လည် အခမ်းအနားကို ၀န်ကြီးဦးအောင်မင်းနဲ့ ဦးစိုးသိမ်းတို့ တက်ရောက်မယ်၊ မတက်ရောက်ဘူးဆိုတာကိုတော့ လောလောဆယ် မသိရသေးပါဘူး။
ဒီကနေ့ညနေ တွေ့ဆုံပွဲမှာ (၈၈) မျိုးဆက်ကျောင်းသားတွေက ကိုမင်းကိုနိုင်ရေးသားတဲ့ နောက်ကြည့်မှန်စာအုပ်နဲ့ ကိုမြအေးရေးသားတဲ့ မိုးကောင်းကင်၌ တိမ်တိုက်များ စာအုပ်တွေကို လက်မှတ်ရေးထိုးပြီး ၀န်ကြီးနှစ်ဦးကို မေတ္တာလက်ဆောင် ပေးခဲ့ကြပါတယ်။
By RFA Burmese
No comments:
Post a Comment