အမေရိကန် ဒုတိယ နိုင်ငံခြားရေး ၀န်ကြီး William Burns ဟာ အောက်တိုဘာလ ၁၇ ရက်လာမယ့် ဗုဒ္ဓဟူးနေ့မှာ မြန်မာနိုင်ငံကို သွားရောက်မှာဖြစ်ပါတယ်။
မစ္စတာ ဘန်း(စ) ဟာ နေပြည်တော်မှာ သမ္မတ ဦးသိန်းစိန်နဲ့ အစိုးရ တာဝန်ရှိသူတွေကိုရော မြန်မာ့ဒီမိုကရေစီ ခေါင်းဆောင်
ဒေါ်အောင်ဆန်းစုကြည်ကိုပါတွေ့ဆုံဖို့ ရှိတယ်လို့ ကြာသပတေးနေ့ အမေရိကန် နိုင်ငံခြားရေး ၀န်ကြီးဌာန သတင်းစာ ရှင်းလင်းပွဲမှာ နိုင်ငံခြားရေး ဌာနပြောခွင့်ရ Victoria Nuland ကပြောပါတယ်။
ဒုတိယ နိုင်ငံခြားရေးဝန်ကြီး ဘန်း(စ)ဟာ အောက်တိုဘာလ ၁၃ရက် စနေနေ့မှာ အာရှဒေသ ၅နိုင်ငံ ခရီးကို စတင်မှာဖြစ်ပြီး ပထမဦးဆုံး ဂျပန်နိုင်ငံကို သွားရောက်မှာပါ။ ဂျပန်နိုင်ငံမှာ နိုင်ငံခြားရေး ၀န်ကြီးနဲ့ ကာကွယ်ရေး ၀န်ကြီးအပါအ၀င် အကြီးတန်း အရာရှိတွေနဲ့ ဒေသတွင်း ကိစ္စရပ်တွေကို ဆွေးနွေးပြီး တနင်္လာနေ့မှာ တောင်ကိုရီးယား နိုင်ငံ ကိုသွားရောက်ဖို့ ရှိပါတယ်။ မြန်မာနိုင်ငံကို မလာခင် တရုတ်နိုင်ငံကို သွားရောက်မှာ ဖြစ်သလို မြန်မာနိုင်ငံကအပြန် ကြာသပတေးနေ့မှာတော့ အိန္ဒိယနိုင်ငံ နယူးဒေလီ မြို့ကို သွားရောက်ပြီး နှစ်နိုင်ငံ စီးပွါးရေး၊ လုံခြုံရေး နဲ့ ကာကွယ်ရေး ဆိုင်ရာ ဆွေးနွေးမှုတွေ ပြုလုပ်ဖို့ ရှိပါတယ်။
By VOA (မြန်မာပိုင်း)
No comments:
Post a Comment