ပြည်တွင်း၌ ဂျာနယ်လောကတွင် နာမည်ရနေကြပြီဖြစ်သော မြန်မာတိုင်းမ်၊ 7Day, Eleven, The Voice, Messenger, Popular, ပြည်မြန်မာ စသည်ဂျာနယ်များက နေ့စဉ်သတင်းစာ ထုတ်နိုင်ရေး ပြင်ဆင်နေကြောင်း သိရသည်။
“ကျနော်တို့ကတော့ အဆင်သင့် နီးပါးလောက် ဖြစ်နေပြီလို့ ပြောလို့ရပါတယ်၊ ကြားထဲမှာ ကျနော်တို့ ထပ်ပြီးတော့ လူအင်အား ဖြည့်ရဦးမှာပေါ့၊ ဒီနှစ်ကုန်လောက် ဆိုရင်တော့ အဆင်သင့်ဖြစ်သွားမှာပါ” ဟု စွယ်စုံမီဒီယာဂရု (ပ်) အကြီးအကဲနှင့် ပြည်မြန်မာ ဂျာနယ်၏ အယ်ဒီတာချုပ် ဒေါက်တာ တင်ထွန်းဦး က ဧရာဝတီသို့ ပြောသည်။
နေ့စဉ်သတင်းစာထုတ်ရန် ရည်ရွယ်ထားသော အထက်ပါဂျာနယ်များသည် ထုတ်ခွင့်ကျလာသည်နှင့် လုပ်ကိုင်နိုင်ရေးအတွက် လူအင်အား၊ စက်အင်အားများအတွက် ကြိုတင်ပြင်ဆင်မှုများ စတင် လုပ်ကိုင်နေကြပြီဖြစ်ကြောင်း သိရသည်။ နေ့စဉ် သတင်းစာ ထုတ်လုပ်ခွင့်ကိုလည်း ၂၀၁၃ နှစ်ဆန်းပိုင်းတွင် ကျလာနိုင်မည်ဟုလည်း သတင်းစာဆရာများက ခန့်မှန်းပြောဆိုနေကြသည်။
ပြန်ကြားရေးဝန်ကြီးသစ် ဦးအောင်ကြည် ကလည်း ပုဂ္ဂလိက နေ့စဉ်သတင်းစာများကို လာမည့် နှစ်ဆန်းပိုင်းအတွင်း ထုတ်ခွင့် ပေးနိုင်ရန် ပြင်ဆင်နေလျက်ရှိကြောင်း ပြည်တွင်း၊ ပြည်ပ သတင်းဌာနများနှင့် တွေ့ဆုံရာတွင် ပြောဆိုထားသည်။
By Irrawaddy
No comments:
Post a Comment