ဗုဒ္ဓဘာသာဝင်များကို အကာအကွယ်ပေးမည်ဟု ဘင်္ဂလားဒေ့ရ်ှဝန်ကြီး ပြောကြား

ဘင်္ဂလားဒေ့ရှ် နိုင်ငံ ပြည်ထဲရေး ဝန်ကြီးက မိမိတို့ အစိုးရ အဖွဲ့သည် နိုင်ငံအတွင်းရှိ ဗုဒ္ဓဘာသာဝင်များကို အကာအကွယ် ပေးသွားမည်ဟု အတည်ပြု ပြောကြားလိုက်သည်။ ဝန်ကြီးချုပ် ရှိတ်ခ်ခီနာ အစိုးရသည်
နိုင်ငံအတွင်းရှိ လူနည်းစုဖြစ်သော ဗုဒ္ဓဘာသာဝင်များအပေါ် ပစ်မှတ်ထား တိုက်ခိုက်ခဲ့သည့် အစ္စလာမ်မစ် အစွန်းရောက် ဝါဒီများကို တိုက်ရိုက် ဝေဖန်မှု ပြုလုပ်ခဲ့သည်။

ဘင်္ဂလားဒေ့ရှ် နိုင်ငံ ပြည်ထဲရေး ဝန်ကြီးက မိမိတို့ အစိုးရ အဖွဲ့သည် နိုင်ငံအတွင်းရှိ ဗုဒ္ဓဘာသာဝင်များကို အကာအကွယ် ပေးသွားမည်ဟု အတည်ပြု ပြောကြားလိုက်သည်။ ဝန်ကြီးချုပ် ရှိတ်ခ်ခီနာ အစိုးရသည် နိုင်ငံအတွင်းရှိ လူနည်းစုဖြစ်သော ဗုဒ္ဓဘာသာဝင်များအပေါ် ပစ်မှတ်ထား တိုက်ခိုက်ခဲ့သည့် အစ္စလာမ်မစ် အစွန်းရောက် ဝါဒီများကို တိုက်ရိုက် ဝေဖန်မှု ပြုလုပ်ခဲ့သည်။ ဘင်္ဂလားဒေ့ရှ် တောင်ပိုင်းတွင် အစ္စလာမ် ဘာသာဝင်များက ဗုဒ္ဓဘာသာ ဘုရားကျောင်းများနှင့် ဗုဒ္ဓဆင်းတုတော်များကို မီးရှို့ဖျက်ဆီးမှုများ ပြုလုပ်ခဲ့မှုနှင့် ပတ်သက်ပြီး မိမိတို့ ရှုတ်ချကြောင်း ပြည်ထဲရေးဝန်ကြီး မိုဟေဒင် ခန်အလမ်ဂီက သတင်းထောက်များနှင့် တွေ့ဆုံစဉ် ထုတ်ဖော် ပြောကြားသွားခဲ့သည်။

"ကျွန်တော်တို့ ကနဦး စစ်ဆေးမှုတွေ ပြုလုပ်ပြီးတဲ့နောက် အစ္စလာမ် ဘာသာရေး အစွန်းရောက် ဝါဒီတချို့ဟာ တခြားဘာသာဝင်တွေရဲ့ နေအိမ်တွေနဲ့ ဝတ်ပြုတဲ့ နေရာတွေကို တိုက်ခိုက်ခဲ့တာကို အတည်ပြုနိုင်ပါတယ်"ဟု ၎င်းက အခင်းဖြစ်ရာ နေရာများသို့ သွားရောက်ပြီးချိန်တွင် ထုတ်ဖော် ပြောဆိုခဲ့သည်။ ခန်အလမ်ဂီက ယခုဖြစ်စဉ်တွင် အတိုက်အခံ ပါတီဘက်မှ မြှောက်ပင့် သွေးထိုးပေးမှုများ ပါဝင်နေနိုင်ကြောင်းလည်း အရိပ်အမြွက် စွပ်စွဲသွားသည်။ ၎င်းက ဘင်္ဂလားဒေ့ရှ် အမျိုးသားဝါဒ ပါတီ၏ ဒေသခံ အဖွဲ့ဝင်တစ်ဦးဖြစ်သော လတ်ဖာ ရာမန် ကာဂျေးလ်သည် ယခုတိုက်ခိုက်မှုများအတွက် သွေးထိုး လှုံ့ဆော်ခဲ့သည်ဟု ယူဆရကြောင်း ရိပ်ဖမ်းသံဖမ်း ပြောကြားခဲ့သည်။ ယင်းကို အတိုက်အခံ ပါတီဘက်က ငြင်းဆန်ထားသည်။

Facebookပေါ်တွင် ကိုအာရ် ကျမ်းစာအုပ်ကို မီးရှို့သည့် ဓာတ်ပုံတစ်ပုံနှင့် ပတ်သက်ပြီး ဒေါသထွက်နေသော အစ္စလာမ် ဘာသာဝင်များသည် နိုင်ငံတောင်ပိုင်းရှိ ကျေးရွာများတွင် ဘုန်းတော်ကြီးကျောင်း (၁၀)ကျောင်းနှင့် ဗုဒ္ဓဘာသာဝင် နေအိမ် (၄၀)ကျော်ကို မီးရှို့ ဖျက်ဆီးခဲ့ကြသည်။ ယင်းအခြေအနေကြောင့် ဗုဒ္ဓဘာသာဝင် ရာပေါင်း အတော်များများသည် နေရပ်ကို စွန့်ခွာ တိမ်းရှောင်ခဲ့ရသည်။ ဘင်္ဂလားဒေ့ရှ် အစိုးရသည် ဗုဒ္ဓဘာသာဝင်များ၏ လုံခြုံရေးအတွက် တင်းကျပ်သော အစောင့်အကြပ်များ ချထားပေးခဲ့သည့်နောက် တနင်္လာနေ့က ဗုဒ္ဓဘာသာဝင်များ နေရပ်သို့ ပြန်လာခဲ့ကြသည်။

ရဲတပ်ဖွဲ့သည် ဖြစ်စဉ်နှင့် စပ်လျဉ်းပြီး လူပေါင်း (၁၆၀)ကျော်ကို ဖမ်းဆီးထားသည်။ ပြဿနာများ ဖြစ်ပွားရာ တောင်ပိုင်းရာမူ ဒေသမှ သတင်းထောက် တစ်ဦးဖြစ်သော မာမွတ်အလီက ယခုဖြစ်စဉ်သည် လူနည်းစု ရိုဟင်ဂျာများ၏ လုပ်ရပ်ဖြစ်ကြောင်း ပြစ်တင် ပြောဆိုထားသည်။ သို့သော်လည်း ယင်းအချက်ကိုမူ ဝန်ကြီး ခန်အလမ်ဂီက အတည်ပြုခဲ့ခြင်း မရှိပေ။ ဗုဒ္ဓဘာသာဝင်များထံ သွားရောက် တွေ့ဆုံခဲ့သည့် ဝန်ကြီးက "ကျွန်တော်တို့ ခုကိစ္စရဲ့ လက်သည်စစ်စစ်ကို မြန်နိုင်သမျှ မြန်မြန် ဖော်ထုတ်ဖို့ ကြိုးစားသွားမှာပါ"ဟုလည်း ကတိပြုခဲ့သည်။

အတိုက်အခံ ပါတီ၏ ခေါင်းဆောင်တစ်ဦးဖြစ်သူ ခါလီဒါဇီရာကမူ အစိုးရသည် လူနည်းစု ဗုဒ္ဓဘာသာဝင်များကို အကာအကွယ်ပေးရန် ပျက်ကွက်ခဲ့ကြောင်း စွပ်စွဲသွားသည်။ သူမက အစိုးရအနေဖြင့် ယခုကိစ္စကို အမြတ်ထုတ်ကာ အတိုက်အခံ အင်အားစုများကို ဖြိုခွဲရန် ရည်ရွယ်ထားကြောင်း အပြစ်ဖို့ခဲ့သည်။ "သိပ်ကောင်းတဲ့ အစီအစဉ် တစ်ခုပါပဲ။ ဖြစ်ရပ်အားလုံးရဲ့ နောက်ကွယ်မှာ ရည်ရွယ်ချက် မကောင်းတဲ့ လှုံ့ဆော်မှုတွေ ရှိနေပါတယ်"ဟု ဇီရာက ဆိုသည်။ မြန်မာနိုင်ငံနှင့် နယ်နိမိတ် ထိစပ်နေသော နေရာဒေသ တစ်လျှောက်တွင် ယခုအခါ ဘင်္ဂလားဒေ့ရှ် အစိုးရက လူအများ စုရုံးမှုကို ပိတ်ပင်တားဆီးထားပြီ ဖြစ်သည်။

အိုးမဲ့အိမ်မဲ့ ဖြစ်သွားသော ဗုဒ္ဓဘာသာဝင်များကို ရွက်ဖျင်တဲများတွင် နေရာချပေးနေသည့် ဒုတိယ ဗိုလ်မှူးကြီး ဂျာ့ဒ်ဟိုစိန်က "သူတို့ တဖြည်းဖြည်း ပြန်လာနေကြပါပြီ။ ဗုဒ္ဓဘာသာဝင်တွေကို ကျွန်တော်တို့ တပ်ဖွဲ့တွေက အကာအကွယ် ပေးထားပါတယ်"ဟု မာရန်ဂလာ ကျေးရွာတွင် သတင်းထောက်များအား ပြောကြားခဲ့သည်။ ဝန်ကြီးကမူ မိမိတု့သည် လူပေါင်း (၁၆၆)ဦးကို ဖမ်းဆီးထားပြီး အကြမ်းဖက် တိုက်ခိုက်မှုများအတွင်း ထွက်ပြေးသွားသည့် ဗုဒ္ဓဘာသာဝင် မိသားစု (၁၀၀၀)ကျော်သည် နေရပ်သို့ ပြန်လာနေကြောင်း ဒါကာတွင် ကြေညာချက် ထုတ်ပြန်ခဲ့သည်။

တိုက်ခိုက်မှုအတွင်း လူ(၂၀)ဝန်းကျင် ဒဏ်ရာရခဲ့ပြီး မာရန်ဂလာနှင့် ပတ်ဝန်းကျင် ကျေးရွာများမှ ထွက်ပြေးသူ အတော်များများသည် ပိုင်ဆိုင်မှု အားလုံးလိုလို ဆုံးရှုံးခဲ့ရကြောင်း သိရသည်။ ကုန်စုံဆိုင် ပိုင်ရှင် တစ်ဦးဖြစ်သူ ပရိုဒစ်ဘာရူအာက "ပြဿနာတွေဖြစ်တော့ ကျွန်တော် စပြေးတယ်။ ကလေးနှစ်ယောက်နဲ့ ဇနီးကိုပါ ခေါ်သွားတယ်။ ကျွန်တော့်အိမ်နဲ့ရော၊ ခုဒေသနဲ့ ဝေးတဲ့ထိ ပြေးပါတယ်"ဟု ဆိုသည်။ ၎င်းသည် တနင်္လာနေ့က နေရပ် ပြန်လာသောအခါ ပြာပုံဘဝ ရောက်နေသော ဆိုင်ကိုသာ တွေ့မြင်ခဲ့ရသည်။ ၎င်းက "ကျွန်တော် ခုချိန်မှာ ဘယ်လို အသက်မွေးရမလဲ။ ကျွန်တော့် ကလေးတွေကို ဘယ်လို ကျောင်းထားရမလဲ။ ကျွန်တော် ပိုင်ဆိုင်သမျှ အားလုံး ဆုံးရှုံးသွားပါပြီ"ဟု ဝမ်းနည်းပက်လက် ပြောကြားသွားသည်။

ဝန်ကြီး ခန်အလမ်ဂီက အစိုးရသည် နေအိမ်ဖျက်ဆီးခံရသော ဗုဒ္ဓဘာသာဝင်များ၏ အိမ်များကို ပြန်ဆောက်ပေးမည်ဖြစ်ပြီး ၎င်းတို့အတွက် လုံခြုံရေးနှင့် ထောက်ပံ့ရေး အစီအစဉ်များကို အစိုးရက စဉ်းစားထားကြောင်း ဆိုသည်။ ယခုဖြစ်ရပ်သည် အသက်(၂၅)နှစ်အရွယ် ဒေသခံ ဗုဒ္ဓဘာသာဝင် တစ်ဦးက ကိုအာရ်ကျမ်းစာအုပ်ကို စော်ကားသည့် ဓာတ်ပုံအား Facebookပေါ် တင်ခဲ့သည့်အတွက်ဟု ဆိုသော်လည်း ထိုစွပ်စွဲခံရသူ အနေဖြင့် အမှန်တကယ် ထိုပုံကို လွှင့်တင်ခဲ့ခြင်း ရှိမရှိ အတည်မပြုနိုင်ချေ။

ဘင်္ဂလားဒေ့ရ်ှတွင် လူဦးရေ သန်း(၁၅၀)အနက် Facebookသုံးစွဲသူ ဦးရေမှာ (၀.၂)ရာခိုင်နှုန်းနှင့် ညီမျှသည့် (၃၀၀၀၀၀) ဝန်းကျင်သာ ရှိနေသည်။ အင်္ဂလိပ် ဘာသာဖြင့် ရေးသားထုတ်ဝေသည့် Daily Star သတင်းစာကမူ ယခုဖြစ်ရပ်တွင် အစွပ်စွဲခံရသော ဗုဒ္ဓဘာသာဝင်မှာ ယင်းဓာတ်ပုံကို ကိုယ်တိုင်တင်ခြင်း မဟုတ်ဘဲ အခြားတစ်ဦးက လူမှားကာ ယင်း၏ Profileတွင် Tagထားခြင်းဟု ရေးသား ဖော်ပြခဲ့သည်။ အမည်ဖော်မပြသော အဆိုပါ လူပုဂ္ဂိုလ်၏ Facebook Accountကို ယခုအခါ ပိတ်ထားလိုက်ပြီး ၎င်းနှင့် ၎င်း၏ မိခင်ကို ရဲတပ်ဖွဲ့က လုံခြုံရေး စောင့်ရှောက်မှု ပေးထားကြောင်း သိရှိရသည်။

ဘင်္ဂလားဒေ့ရ်ှတွင် ဗုဒ္ဓဘာသာ ကိုးကွယ်သူ အရေအတွက်မှာ နိုင်ငံလူဦးရေ၏ (၁)ရာခိုင်နှုန်း ဝန်းကျင်သာ ရှိပြီး ယခင်ကမူ မတူညီသော ကိုးကွယ်ယုံကြည်မှု နှစ်ခုကြား အများအားဖြင့် ငြိမ်းချမ်းစွာ နေထိုင်ခဲ့ကြသည်။ တနင်္လာနေ့ကလည်း ရွက်ဖျင်တဲများဖြင့် ယာယီနေထိုင်နေရသော ဗုဒ္ဓဘာသာဝင်များအား အစ္စလာမ် ဘာသာဝင် မိသားစုများက အစားအသောက်များ လာရောက် ကူညီ လှူဒါန်းခဲ့သလို အိုးမဲ့အိမ်မဲ့ ဖြစ်သွားသည့် ဗုဒ္ဓဘာသာဝင် အချို့ကို အစ္စလာမ် ဘာသာဝင်များ၏ နေအိမ်ဘေးတွင် ယာယီအခန်းများ ဆောက်လုပ်ပေးကာ နေထိုင်နေစေကြောင်း သတင်းများက ဖော်ပြသွားသည်။

Source: AP on GoogleNews

By Planer Myanmar