သက်ရှိ ခေါင်းဆောင်ကောင်း

ခေါင်းဆောင်ကောင်းသည် သမိုင်းစာအုပ် ထဲတွင်သာ ရှိသည်ဟု နားလည် ရမလို ဖြစ်ခဲ့ကြရာမှ သမ္မတ ဦးသိန်းစိန်နှင့် ဒေါ်အောင်ဆန်းစုကြည်တုို့ ကျေးဇူးကြောင့် ယခုအခါ သက်ရှိထင်ရှား မြင်တွေ့ ကြားသိနေကြရပြီ ဖြစ်သည်။ မြန်မာ့ ပြုပြင် ပြောင်းလဲရေး
အရှိန်မြန်လာသည်နှင့် အမျှ၊ စာမျက်နှာသစ်တို့ တစ်ရွက်ပြီး တစ်ရွက် ဖွင့်လှစ်သည်နှင့် အမျှ မြန်မာနိုင်ငံ သည်လည်း မျက်နှာ ပွင့်လန်း လာခဲ့သည်။ ပြုပြင် ပြောင်းလဲ ရေးတွင် ရှေ့မှ ဦးဆောင်နေသော ဦးသိန်းစိန်နှင့် ဒေါ်အောင်ဆန်းစုကြည် တို့သည် နိုင်ငံတကာ သတင်း မီဒီယာတွင် မပါ မဖြစ်သော ပုဂ္ဂိုလ်များ ဖြစ်လာကြသည်။

မြန်မာနုိုင်ငံသားတို့ ယခင်က ခေါင်းငုံ့ နေခဲ့ရာမှ ထိုခေါင်းဆောင် တို့ကြောင့် ခေါ်ချင် ပြောချင်သူများ များပြားလာ ခဲ့သည်။ ယခင်က နုိုင်ငံရပ်ခြားသို့ အစည်းအဝေး၊ ညီလာခံ၊ ဆွေးနွေးပွဲတို့ သွားလျှင် မြန်မာတို့ ခပ်ကုပ်ကုပ် နေကြရသည်။ ဆွေးနွေးရင်း နိုင်ငံရေးပိုင်း ရောက်သွားလျှင် မြန်မာကို တွယ်လိုသူက ခပ်များများ။ အစိုးရကို ဝေဖန်ခြင်းဖြစ်သော်လည်း Myanmar ဟု သုံးနှုန်း သောကြောင့် နိုင်ငံ၊ လူမျိုးကို ပြောသလို ခံစားရသည်။ မြန်မာကို ခပ်ဖော့ဖော ပြောတတ်သည့် အာဆီယံနှင့် ဆက်စပ် ညီလာခံ များတွင်ပင် ရိသံ၊ ထေ့သံများဖြင့် ခပ်ဟားဟားလုပ်တတ်ကြသည်။

ကမ္ဘောဒီးယားမှ အစည်းအဝေး တက်ဖော် တက်ဖက်များက တကယ် သနားပုံ မရဘဲနှင့် သနားသလိုလို စုပ်တသတ်သတ် အပြောမျိုး ခပ်ဖိဖိ အပြောခံရသည့် အတွက် ကမ္ဘောဒီးယားကဲ့သို့ ခမာနီ သတ်သောကြောင့် တစ်သန်းကျော် အခြောက်တိုက် မသေခဲ့ပါဟု တုံ့ပြန် ပြောဆို မိခဲ့ဖူး ကြောင်း သူငယ်ချင်းတစ်ဦးက ပြောပြဖူးသည်။

ယခု အချိန်တွင်တော့ နိုင်ငံ တကာ အစည်းအဝေးတို့တွင် မြန်မာတုိ့ကို မေးလို မြန်းလိုသူ၊ ခေါ်လို ပြောလိုသူတို့ဖြင့် ပွဲလယ်တင့်ကြပြီ။ မြန်မာတို့၏ အတွေ့အကြုံ၊ ရင်ဆိုင်ရသည့် အခက်အခဲများကို စိတ်ဝင်တစား တလေးတစား နားထောင်ကြသည်၊ မေးမြန်းကြသည်။ အနောက် ဒီမိုကရေစီ နိုင်ငံကြီး တစ်နိုင်ငံမှ အစိုးရ အရာရှိ မိတ်ဆွေ တစ်ဦးက ဦးသိန်းစိန်နှင့် ဒေါ်အောင်ဆန်းစုကြည်တို့ ကဲ့သို့ ခေါင်းဆောင် များကို မြန်မာနိုင်ငံ ရထားသည်မှာ အလွန် ကံကောင်းသည်တဲ့။ မဲရရေးသာ ဦးတည်ပြီး အလုပ်မဖြစ်သည့်’No action,talk only’ ‘မလုပ်သမား၊ အပြောသမား’ သူ့နိုင်ငံမှ အကျော်အမော် နိုင်ငံရေးသမား တို့ကို စိတ်ကုန်နေသည့်ပုံ။

အရှေ့တောင်အာရှ စီးပွားရေး ထွန်းသစ်စ ဗီယက်နမ်မှ သတင်းစာဆရာ သူငယ်ချင်းကလည်း ဦးသိန်းစိန်နှင့် ဘီဘီစီ hard talk အင်တာဗျူးကို ကြည့်ကာ ‘မင်းတို့ကို မနာလိုလိုက်တာ’ ဟု ချီးကျူး စကား ဆိုသည်။ ထိုင်းနိုင်ငံမှ နိုင်ငံရေး သိပ္ပံ ပါမောက္ခ ကျောင်းဆရာ တစ်ဦးနှင့် ထိုင်းနိုင်ငံရေး အကြောင်း ပြောမိရာမှ မြန်မာ့နိုင်ငံရေး အကြောင်း ရောက်သွားသည့်အခါ “မင်းတို့ မြန်မာပြည်ကတော့ ထိုင်းကို ကျော်တက် သွားပါပြီ” ဟု အားကျသံနှင့် သူကပြောသည်။

တကယ်တမ်းတွင် ထိုင်းထက် ပိုအားထုတ်လျှင်ပင် ထိုင်းကို နိုင်ငံရေး၊ စီးပွားရေး လိုက်မီဖို့ နှစ်နှစ်ဆယ် သုံးဆယ် လိုသေးသော်လည်း မြန်မာနိုင်ငံ၏ အပြောင်း အလဲကို အားကျနေကြောင်း သူပြောလိုရင်းဖြစ်သည်။ အများ အသိအမှတ် ပြုကြသည့် ဦးသိန်းစိန်၏ ထူးခြားချက်မှာ ရိုးသားမှုပင်ဖြစ်သည်။ လူချင်း တွေ့လိုက်သည်နှင့် ရိုးသားသည့် အရှိန်ဟပ်ကာ သူ့အား ယုံကြည်မှု ရသွားသည်။

အဟောင်းနှင့် အသစ် အားပြိုင်ကြသည့် အချိန်၊ ဖုန်ထသည့် အချိန်၊ ကြားကာလကို လက်တွေ့ တာဝန်ယူရသည့် ခေါင်းဆောင် အဖြစ် ဦးသိန်းစိန်၏ တာဝန်မှာ ကြီးလေးလှသည်။ တိုင်းပြည် ပြောင်းပြီဟူသော အသိကြောင့် မျှော်လင့်ချက်တို့ အလိပ်လိပ်တက် လာသလို အနှစ်နှစ် အလလ ဆယ်စုနှစ် များစွာက ဖော်ထုတ်ခွင့် မရခဲ့သည့် ဆန္ဒတို့ကို မီဒီယာ၊ လမ်းမပေါ်တို့တွင် ဖော်ထုတ်ခွင့်ပေး လိုက်ပြီဖြစ်သဖြင့် ဆန္ဒများစွာတို့ ရုန်းကြွ လာကြသည်။ ဆန္ဒတို့ တိုးတက် လာရုံဖြင့် ဖန်တီး ပေးနိုင်သည့် စွမ်းရည်၊ အခြေအနေ တို့က အလိုလို လိုက်ပါ တိုးတက်လာမည် မဟုတ်သောကြောင့် တိုင်းပြည် တည်ငြိမ်ရန် ကြိုးပမ်းရမည့် တာဝန်က ရှိလာပြန်သည်။ အသေးအမွှား အပြောင်းအလဲ များတွင်ပင် တွေ့ရလေ့ရှိသည့် ‘ပြောင်းလိုသူနှင့် မပြောင်းလိုသူ’၊ ‘ပြောင်းနိုင်သူနှင့် မပြောင်းနိုင်သူ’၊ ‘ပြောင်းသွားမှန်း သိသူနှင့် အိပ်ပျော်နေသူ’ တို့အကြား လွန်ဆွဲပွဲများကို သိမ်သိမ်မွေ့မွေ့ ကိုင်တွယ် ချီတက်ရမည်မှာလည်း သူ၏ တာဝန် တစ်ရပ်ဖြစ်သည်။ ပြုပြင် ပြောင်းလဲရေး၏ အသီးအပွင့်ကို ပြည်သူ အများစု ခံစားရ မရကို လွှတ်တော်၊ နိုင်ငံတကာ လေဆိပ်တို့ထက် မိသားစု ထမင်းဝိုင်း၊ ဘတ်စ်ကား၊ ဈေး၊ ကျောင်း၊ ဆေးရုံတို့တွင် မြင်တွေ့ရမည် ဖြစ်သောကြောင့် ထိုအခြေခံ လိုအပ်ချက်များကို ဖြည့်ဆည်း ပေးမည့် တိုင်းပြည် စီးပွားရေး ကို ထူထောင်ရန်မှာလည်း ကြီးလေးလှသော တာဝန်ပင် ဖြစ်သည်။

ဒေါ်အောင်ဆန်းစုကြည်သည် လူကြိုက်များ ထောက်ခံမှု popular support ဖြင့် တက်လာသူ ဖြစ်သော်လည်း လူထုကြိုက်လောက်မည့် အရာကိုသာ ရွေးပြောသူမျိုး မဟုတ်ရုံ သာမက နားခါး နုိုင်သည့် အကြောင်းအရာကိုပါ ဟုတ်မှန်ပြီး အကျိုးရှိလျှင် ပြောသူအဖြစ် မြင်တွေ့ ရသည်။ ခေတ်အပြောင်း၊ စနစ်အပြောင်းတွင် ဒေါ်အောင်ဆန်းစုကြည် ယူနေရသော တာဝန်သည် သိမ်မွေ့ နက်နဲ လှသလို သူ့အပေါ် ထားသော မျှော်လင့်ချက်များမှာ ကြီးမား လှသည့်အတွက် ခံစားချက်ပြင်းပြင်း အရေးများတွင် မှတ်ချက် မည်သို့ပင် ချချ သက်ဆိုင်ရာ ဘက်အားလုံး က ကျေနပ်ရန် ခဲယဉ်းကြောင်းမူ တွေ့ခဲ့ကြရပြီးပြီ။

ဒေါ်အောင်ဆန်းစုကြည်သည် လက်တွေ့သမား (pragmatist) အဖြစ် ပေါ်ထွက်လာခဲ့သောကြောင့် သူ့အား တရားသေသမား (dog-matist) ဟု အချို့က မှတ်ချက် ချခဲ့ခြင်းများ ယခုအခါ မှေးမှိန် သွားပြီဖြစ်သည်။ ဒေါ်အောင်ဆန်းစုကြည်သည် အင်္ဂလိပ်ဘာသာဖြင့် Opposition ကို ဘာသာပြန် ထားသည့်“အတိုက်အခံဟူသော စကားလုံးကို အဓိပ္ပာယ် ပြောင်းဖွင့် လိုက်သည်။ အတိုက်အခံ ဆိုသော ကြောင့် အစိုးရ လုပ်သမျှ ကန့်လန့် တိုက်ရမည်ဟု ရုတ်တရက်နား လည် ရမလိုဖြစ်သော်လည်း ဒေါ်အောင်ဆန်းစုကြည် ကမူ အကြောင်း အရာကိုအခြေခံ(issue-based)သည်။ ကတိသစ္စာပြုရေး စကားလုံးနှင့် ပတ်သက်ပြီး လွှတ်တော်သို့ ဝင်မဝင် အငြင်းပွားမှု အရှိန်တက်လာသည့် အခါ ဒေါ်အောင်ဆန်းစုကြည်က ဦးဆောင် ဆုံးဖြတ်ပြီး လွှတ် တော်သို့ ဝင်ခဲ့သည်။ ယခုအခါ လွှတ်တော်၏ အရေးကြီး ကော်မတီဖြစ် သည့် တရားဥပဒေ စိုးမိုးရေး ကော်မတီ၏ ဥက္ကဋ္ဌ တာဝန်ပင် ယူလိုက်ပြီ။ ပြည်ပ ရင်းနှီးမြှုပ်နှံမှုနှင့် ပတ်သက်လျှင်လည်း သဘောထား ပြောင်းလဲသွားပြီး အရေးယူ ပိတ်ဆို့မှု ဖွင့်ရန် သဘောတူ လိုက်သောကြောင့် အရေးယူ ပိတ်ဆို့မှုများ လျော့ကျ သွားခဲ့သည်။ ခေါင်းတွဲက ပြောင်းသွားသောကြောင့် နောက်တွဲများလည်း လိုက်ပြောင်းသွားပြီး အမျိုးသား ရင်ကြားစေ့ရေး ခြေလှမ်း တစ်လှမ်းပြီး တစ်လှမ်း လှမ်းနိုင် ခဲ့သည်။

ပူးပေါင်း ဆောင်ရွက်ရေးဟူသော မြန်မာတို့နှင့် စိမ်းသည့်၊ အထူးသဖြင့် မြန်မာ့နိုင်ငံရေးနှင့် စိမ်းသည့်၊ ကျင့်သုံးရန် အားနည်းခဲ့သည့် စကားလုံးကို ဦးသိန်းစိန်နှင့် ဒေါ်အောင်ဆန်းစုကြည်သည် နှစ်ယောက်ပေါင်းပြီး အဓိပ္ပာယ်သစ် ဖွင့်ခဲ့ကြသူများ ဖြစ်သည်။ ယနေ့ ဖြစ်ပေါ်နေသော တိုးတက်မှု အများအပြားသည် သူတို့နှစ်ဦး ပူးပေါင်းအားကြောင့် ဖြစ်ပေါ်လာခြင်းဖြစ်သည်။ သူတို့နှစ်ယောက်သည် တစ်ယောက်တွင် မရှိသောအား၊ တစ်ယောက်တွင် ရှိသလို အပြန် အလှန် ကူပံ့ ကွက်လပ်ဖြည့်ကြ(complementary)သည်။ ဦးသိန်းစိန် နှင့် ဒေါ်အောင်ဆန်းစုကြည်တို့ အမေရိကန် ပြည်ထောင်စုတွင် ဆုံခဲ့ ကြသည့်ပုံမှာ မြင်ရသူ အပေါင်း စိတ်ကြည်နူးရသည်။ တစ်ဖက်နှင့် တစ်ဖက် လေးစားမှု အပြည့် ရှိကြသလို မောင်နှမသဖွယ် ခင်ခင်မင်မင် ရှိပုံလည်း ရကြသည်။

လူဆိုသည်မှာ ချီးကျူး ဂုဏ်ပြုခံရမှုကို မိမိတစ်ဦးတည်း ပိုင်ချင်ကြလေ့ ရှိသော်လည်း ဦးသိန်းစိန်နှင့် ဒေါ်အောင်ဆန်းစုကြည် တို့သည် တစ်ယောက်နှင့် တစ်ယောက် အပြန်အလှန် အသိအမှတ် ပြုကြသည်။ မနောကံဖြင့် စိတ်ထဲကသာ အသိအမှတ်ပြုခြင်းမျိုး မဟုတ်ဘဲ လူသိရှင်ကြား ဝစီကံဖြင့်လည်း အသိအမှတ်ပြု ချီးကျူး ကြသည်။ ဦးသိန်းစိန်ကြောင့် မြန်မာ့ပြုပြင် ပြောင်းလဲရေးများ ဖြစ်ထွန်းလာခြင်းဟု အမေရိကန် ကွန်ဂရက်တွင် ဆုလက်ခံချိန်၌ ဒေါ်အောင်ဆန်းစုကြည်က လေးလေးနက်နက် ပြောကြားခဲ့သည်။ ဒေါ်အောင်ဆန်းစုကြည်ကို အမေရိကန် နိုင်ငံက ဂုဏ်ပြုခြင်းများအား မြန်မာနိုင်ငံသား တစ်ဦး အနေဖြင့် ဂုဏ်ယူကြောင်း အခြားသောနိုင်ငံ ခေါင်းဆောင်များ၏ ရှေ့မှောက် ကုလသမဂ္ဂ အထွေထွေ ညီလာခံတွင် ဦးသိန်းစိန်ကလည်း ဂုဏ်ပြု ပြောကြားခဲ့သည်။

နောက်ခံ သမိုင်းကြောင်းချင်း၊ အတွေးအခေါ် အယူအဆချင်း ကွာခြားကောင်း ကွာခြားမည် ဖြစ်သော်လည်း သူတုို့ နှစ်ဦးလုံးတွင် ပေါ်လွင်နေသည်မှာ မြန်မာနိုင်ငံ အပေါ်ထားသော စိတ်စေတနာပင် ဖြစ်ပြီး ထိုစိတ် စေတနာကြောင့် ပင်လျှင် ပူးပေါင်း ဆောင်ရွက် နုိုင်ကြခြင်း ဖြစ်သည်။

By The Voice Weekly