၈၈ မျိုးဆက်ကျောင်းသားခေါင်းဆောင် ကိုမင်းကိုနိုင်ဟာ မြန်မာ့ ဒီမိုကရေစီနှင့် လူ့အခွင့်အရေး တို့အတွက် ၀ါရှင်တန် အခြေစိုက် National Endownment for Democracy –NED က ယခုနှစ် အတွက် ဒီမိုကရေစီ ဆု လက်ခံဖို့ အမေရိကန်ပြည်ထောင်စုကို မသွားဖြစ်တော့ပါဘူး။
အခုလို မသွားဖြစ်တော့တာလည်း ပါ့စ်ပို့ ကိစ္စ အခက်အခဲဖြစ်နေရလို့ပါ။ အစိုးရက ပါ့စ်ပို့ ထုတ်ပေးမည် လို့ ပြောခဲ့သော်လည်း ၈၈ ကျောင်းသားများအတွင်း ခွဲခြား ထုတ်ပေးမှုကို မလိုလား၍ တန်းတူညီမျှစွာနဲ့ အနည်းဆုံး နိုင်ငံရေး အကျဉ်းသားဟောင်း၂၀ ကို ဦးစွာ ပထမ ထုတ်ပေးသင့်ကြောင်း တင်ပြပြောဆို ထား ခဲ့ကြောင်း သိရပါတယ်။
ဒါပေမယ့် သမ္မတနဲ့ အစိုးရအဖွဲ့၊ လွှတ်တော် ၂ ရပ်တို့ရဲ့ အထက်မှာရှိနေတဲ့ နိုင်ငံတော်ကာကွယ်ရေးနဲ့ လုံခြုံရေး ဆိုင် ရာ ( ကာ/လုံ ) ဆိုတဲ့အဖွဲ့ကြီးက တင်ပြတောင်းဆိုထားတဲ့ နိုင်ငံရေးအကျဉ်းသားဟောင်း ၂၀ ကို နိုင်ငံကူး လက်မှတ် ထုတ်ပေးရေး လက်မှတ်မထိုးပေးတဲ့အတွက် ကြံ့ကြာမှုတွေဖြစ်နေပြီး အခုနောက်ဆုံးမှာတော့ ကိုမင်းကိုနိုင်နဲ့ ၈၈ မျိုး ဆက်ကျောင်းသားများ ကချင်ပြည်နယ်ကို ယနေ့ မနက်ကဘဲ ထွက်ခွာသွားပါတယ်။
ကိုမင်းကိုနိုင်၊ ကိုဋ္ဌေးကြွယ်၊ ကိုပြူံးချို၊ ကိုမာကီနှင့် ကိုသက်ဇော်တို့ဟာ စက်တင်ဘာလ ၁၅ ရက်နေ့မှာ ကချင်ပြည်နယ်၊ မြစ်ကြီးနားမြို့၊ မနောကွင်းမှာ ကျင်းပမယ် မြစ်ဆုံရေကာတာ စီမံကိန်း ၁ နှစ်ပြည့် သဘာဝ ပတ်ဝန်းကျင်ဆိုင်ရာ ဆွေးနွေးဟောပြောပွဲအတွက် မြစ်ကြီးနားကို ထွက်ခွာသွားပြီး စက်တင်ဘာလ ၁၉ ရက်
နေ့မှသာ ရန်ကုန်ကို ပြန်လည် ရောက်ရှိမှာဖြစ်ပါတယ်လို့ ၈၈ မျိုးဆက်ကျောင်းသားများက ထုတ်ပြန်ကြေညာ ထားပါတယ်။
"ဒီအတိုင်း ဆိုရင် ကိုမင်းကိုနိုင် အမေရိကန်ကို မသွားဖြစ်တော့ဘူး" လို့ ၈၈ မျိုးဆက်ကျောင်းသားများ အဖွဲ့ ရုံးမှ ကိုဇော်မင်းက ဧရာဝတီကို ပြောပါတယ်။
အမေရိကန်ပြည်ထောင်စု ၀ါရှင်တန်မှာ ရှိတဲ့ NED ရဲ့ ဒီဆုပေးပွဲကို စက်တင်ဘာလ ၂၀ ရက်နေ့မှာ ကျင်းပ မှာဖြစ်ပြီး မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ကလည်း မိန့်ခွန်းပြောမှာဖြစ်ပါတယ်။
ကိုမင်းကိုနိုင်၊ ဦးခွန်ထွန်းဦး၊ ဦးကျော်သူ၊ ဒေါက်တာ စင်သီယာမောင်၊ ဦးအောင်ဒင်တို့ ၅ ဦးကို အဆိုပါ ဆု ပေးအပ်ချီး မြှင့်မှာလည်းဖြစ်ပါတယ်။ ဒါပေမယ့် ကိုမင်းကိုနိုင်ကတော့ ဆုကို သွားရောက် ယူနိုင်တော့မှာ မဟုတ်တော့ပါဘူး။
By Irrawaddy
No comments:
Post a Comment