စစ်ကိုင်းတိုင်း မုံရွာခရိုင်၊ ဆားလင်းကြီးမြို့နယ် လက်ပန်းတောင်းတောင် ကြေးနီစီမံကိန်းဒေသမှ လယ်ယာမြေ သိမ်းယူခံထားရသည့် ဒေသခံရွာသားများနှင့် ဒေသဆိုင်ရာ အုပ်ချုပ်ရေး အာဏာပိုင်များအကြား တင်းမာမှုများ မြင့်တက်နေကြောင်း သတင်းရရှိသည်။ယနေ့ နံနက်က ဒေသခံ လူအင်အား ၅၀၀ ကျော်သည် စစ်ကိုင်းတိုင်း၊ မုံရွာခရိုင် ဆားလင်းကြီး မြို့နယ်အုပ်ချုပ်ရေးမှူး ရုံးသို့ ယနေ့နံနက်က ချီတက်သွားခဲ့ရာ လုံခြုံရေးအင်အားများဖြင့် ဆားလင်းကြီးမြို့မှ ၃ မိုင်ခန့် အကွာရှိ ဥသျှစ်ပြာ ကျေးရွာအနီးတွင် တားမြစ်ခံခဲ့ရကြောင်း၊ ကျေးရွာ ၁၁ ရွာမှ ကိုယ်စားလှယ် ၂ ဦးစီနှင့် ဆွေးနွေးရန် ခွင့်ပြုမည်ဟု မြို့နယ် အုပ်ချုပ်ရေမှူး ဦးဇော်မိုးအောင်နှင့် တာဝန်ရှိသူများက ပြောခဲ့ကြောင်း ဒေသခံ ဆရာတော် ဦးနန္ဒစာရက ဧရာဝတီကို မိန့်ကြားသည်။
သို့သော် ကာယကံရှင် လယ်သမား ကိုယ်စားလှယ်များနှင့် မဆွေးနွေးဘဲ ကူညီပေးနေသူ ကိုဝေဠုနှင့် တိုင်းဒေသကြီး လွှတ်တော် ဒု ဥက္ကဌ ဦးသောင်းစိန်၊ တိုင်းဒေသကြီး အစိုးရ သတ္တုတွင်းဝန်ကြီး ဦးသန်းထိုက်၊ ဦးပိုင်ကုမ္ပဏီ ဌာနကြီးမှူး ဦးဝင်းကြည်၊ တိုင်းဥပဒေအရာရှိ ဦးတင်ဦးနှင့် တရုတ် ကုမ္ပဏီမှ တာဝန်ရှိသူများ ဆွေးနွေးခဲ့ကြရာ အဆင်မပြေ ဖြစ်နေကြောင်း ဆရာတော်က ဆက်ရှင်းပြသည်။
“ဒီနေ့ လယ်သမား ကိုယ်စားလှယ်တွေနဲ့ ဆွေးနွေးမယ်ဆိုပြီး ကျနော်နဲ့ပဲ ဆွေးနွေးဖြစ်တယ်။ သူတို့က ပုံတွေထုတ်ပြပြီး ဒီကိစ္စ တာဝန်ယူ ဖြေရှင်းပြီးဖြစ်တယ်လို့ ပြန်ပြောတယ်၊ သူတို့ကို ဘယ်လို ဘ၀ အာမခံချက်ရှိတဲ့ လျော်ကြေးပေးဖို့ကိစ္စ ကျနော်က မေးတယ်။ သူတို့အနေနဲ့က လျော်ပြီးဖြစ်တယ်ဆိုတဲ့ အခြေအနေမျိုး ပြန်ပြောတယ်” ဟု ပြည်သူ့ အကျိုးဆောင်ကွန်ရက် တာဝန်ခံ ကိုဝေဠုက ဧရာဝတီကို ပြောသည်။
သို့အတွက် လယ်သမားများ ပို၍ မကျေနပ်မှု ပိုဖြစ်သွားရကြောင်း၊ ဆွေးနွေးညှိနှိုင်း အဖြေရှာလျှင် အဆင်ပြေမည်ဟု မျှော်လင့်ကြောင်း၊ သို့မဟုတ်ပါက မလိုလားအပ်သည့် ပြဿနာများ ဖြစ်လာနိုင်ကြောင်း သူက ဆိုသည်။
သို့အတွက် ဒေသခံ လယ်သမားများသည် ၄င်းတို့ရွာများ မပြောင်းရွှေ့ရေး၊ အကယ်၍ စီမံကိန်းနယ်မြေအဖြစ် ကျေးရွာ ယာမြေများ သိမ်းဆည်းသည်ဆိုပါကလည်း ဘ၀ အာမခံချက်ရှိသည့် နစ်နာကြေး၊ လျော်ကြေးကိစ္စ ညှိနှိုင်းရန် လိုလားလျက်ရှိကြောင်း၊ ယခင်က သဘောတူထားခဲ့သည့်အတိုင်း ညှိနှိုင်းမှုမပြုဘဲ စီမံကိန်းကို ဆက်လက် အကောင်အထည်ဖော်ပါက ဒေသခံရွာသားများက ဆက်လက်တားမြစ် တိုက်ပွဲဝင်မည်ဖြစ်ကြောင်း ကိုဝေဠုက ဆက်ပြောသည်။
ဒေသခံများက မကျေမနပ်ဖြစ်ကာ ဆက်လက်ချီတက် ဆန္ဒပြရန် ကြွေးကြော်နေပြီး ကူညီဆောင်ရွက် ပေးသူများကလည်း မကျေနပ်မှုများ ပို၍ မကြီးထွားစေရန် ထိမ်းထိမ်းသိမ်းသိမ်းဖြစ်ရေး ညှိနှိုင်းနေဆဲဖြစ်ကြောင်း သိရသည်။
ယမန်နေ့ ညပိုင်းကလည်း ဒေသခံ ရွာသူ၊ ရွာသား ၃၀၀ ခန့်နှင့် လက်ပန်းတောင်းတောင် ကြေးနီစီမံကိန်းက သိမ်းပိုက်ထားသည့် နယ်မြေတွင် လက်နက်အပြည့်အစုံနှင့် ရဲ၊ လုံ/ထိန်း အင်အား ၁၀၀ ခန့်တို့အကြား တင်းမာမှု ဖြစ်ခဲ့ကြောင်း၊ တိုင်းဒေသကြီး အစိုးရ၏ ခွင့်ပြုမိန့်ဖြင့် ယမန်နေ့က ရဲ၊ လုံ/ထိန်းများနှင့် အင်အားပြ ခြိမ်းခြောက်ပြီး စီမံကိန်းများကို ပြန်လည် စတင်လုပ်ဆောင်ရန်လာစဉ် ရွာသားများက တားဆီးရာမှ တင်းမာမှုများ ဖြစ်ခဲ့ကြောင်း ရွာသူ၊ ရွာသားများက ရှင်းပြသည်။
စီမံကိန်းအတွက် သိမ်းဆည်းခံရသော လယ်ယာမြေများအတွက် ထိုက်တန်သည့် လျော်ကြေး တစုံတရာ မပေးသရွေ့၊ ညှိနှိုင်းဆွေးနွေးမှု မပြီးပြတ်သေးခင်ကာလ အဆိုပါနယ်မြေတွင် အဆောက်အဦး ဆောက်လုပ်ခြင်း၊ စွန့်ပစ်မြေ၊ ပစ္စည်းများ စွန့်ပုံခြင်းများ မပြုလုပ်ရန် သက်ဆိုင်ရာတာဝန်ရှိသူ၊ ကုမ္ပဏီတို့နှင့် ဒေသခံတို့ကြား သဘောတူခဲ့ကြကြောင်း၊ အဆိုပါ သဘောတူညီမှုကို ယမန်နေ့က ချိုးဖောက်ခြင်း ဖြစ်ကြောင်း ဒေသခံ ရွာသူတဦးဖြစ်သူ မအေးလဲ့က ပြောသည်။
“သူတို့က စီမံကိန်း ဆက်မလုပ်ပါဘူးဆိုပြီး စာချုပ်တွေ ချုပ်ထားကြတာ။ အဲဒါမနေ့က စပြီး သူတို့လုပ်တယ်။ ဆားလင်းကြီး မြို့နယ်အုပ်ချုပ်ရေးမှူးကို သူတို့နဲ့ ကျမတုိ့ ညှိနှိုင်းမှုမပြီးမချင်း ဘာလို့ လုပ်တာတုန်းဆိုတော့ တိုင်းဒေသကြီး အဖွဲ့က လုပ်ခိုင်းလို့ လုပ်တာတဲ့။ ဘယ်သူ့မှ ညှိနှိုင်းစရာ မလိုတော့ဘူး ပြောပါတယ်” ဟု သူက ဆိုသည်။
ဒေသခံ တောင်သူများသည် မြေပဲ၊ နှမ်း၊ ဂျုံ၊ နေကြာအစရှိသည့် ယာလုပ်ငန်းများ စိုက်ပျိုးအသက်မွေးခဲ့ကြကြောင်း၊ ယခုအခါ စီမံကိန်းနယ်မြေအတွက် မြေဧက ၇၈၀၀ ကျော် သိမ်းဆည်းပြီးနောက် ဒေသခံ တောင်သူများကို သီးနှံလျှော်ကြေးသာ ပေးမည်ဆိုပြီး ယာမြေများအတွက် သက်ဆိုင်ရာ ဦးပိုင်နှင့် တရုတ်ကုမ္ပဏီတို့က ညှိနှိုင်းမည်ဆိုပြီး မည်သို့မျှ မစဉ်းစားပေးကြောင်း၊ သို့အတွက် ယခုအခါ ယာမြေသိမ်းဆည်းခံ တောင်သူများဘ၀ ရပ်တည်ရေး ခက်ခဲနေကြောင်း တောကျောင်းရွာမှ အသက် ၄၉ နှစ်ရှိ တောင်သူ ဦးမြင့်ဌေးက ပြောသည်။
“ကျနော့်ယာမြေတွေ ဆုံးရှုံးသွားတော့ စားဝတ်နေရေး အရမ်းခက်ခဲနေပါတယ်။ ဒီနှစ်အဆိုးဆုံးပါပဲ။ အခုဆို ကလေးတွေ ကျောင်းဆက်ထားဖို့တောင် အရမ်း အခက်အခဲ ဖြစ်နေတာပါ”ဟု သူက ဆိုသည်။
လက်ပန်းတောင်းတောင် ကြေးနီ စီမံကိန်းလုပ်ငန်းများကို မြန်မာ့စီးပွားရေး ဦးပိုင်က တရုတ် ၀မ်ပေါင် ကုမ္ပဏီနှင့် ပူးပေါင်းပြီး ကြေးနီလုပ်ငန်း စီမံကိန်းအတွက် အနီးအနားပတ်ဝန်းကျင်ရှိ ကျေးရွာပေါင်း ၂၆ ရွာနှင့် လယ်မြေများကို စီမံကိန်းနယ်မြေအဖြစ် သတ်မှတ်ကာ စီမံကိန်းပိုင်း အဓိကနေရာတွင် ရှိသည့် ရွာ ၄ ရွာကိုလည်း အတင်းအဓမ္မ ဖယ်ရှားခိုင်းခဲ့၍ ဒေသခံလယ်သမားများက မကျေမနပ် ဖြစ်ခဲ့ကြသည်။
တချို့ကျေးရွာသားများက ၄င်းတို့ ကျေးရွာများမှ မပြောင်းရွှေ့သေးဘဲ ညှိနှိုင်းမှုပြုရန် တောင်းဆိုနေဆဲဖြစ်သည်။ အဆိုပါ စီမံကိန်းနယ်မြေတွင် လွန်ခဲ့သည့် ဇူလိုင်လ ၂၃ ရက်မှ စတင်ကာ ပုဒ်မ ၁၄၄ ထုတ်ပြန်ထားသည်။
By Irrawaddy
No comments:
Post a Comment