ပြောကြားသည်။ ယာဉ်ထိန်းတပ်ဖွဲ့ အခြေပြုရာ နေရာများတွင် တပ်ဖွဲ့ဝင်အင်အား ၃၀ ထပ်တိုး၍ စတင်စမ်းသပ် အရေးယူ ဆောင်ရွက်ခြင်းဖြစ်ပြီး နောက်ပိုင်းတွင် ဆက်လက် လုပ်ဆောင်သွားမည် ဖြစ်ကြောင်း ၎င်းက ပြောဆိုသည်။ ရန်ကုန်မြို့တော်တွင် ယာဉ်ကြော ရှုပ်ထွေး၊ ပိတ်ဆို့သည့်နေရာ ၁၈ နေရာရှိပြီး စမ်းသပ်ဆောင်ရွက်သည့်နေရာ ငါးနေရာမှာ အနော်ရထာ-ဗိုလ်ဆွန်ပက်လမ်း၊ အနော်ရထာ-ဗိုလ်အောင်ကျော်လမ်း၊ မဟာဗန္ဓုလလမ်းပေါ်ရှိ သိမ်တော်ကြီး အနီးတဝိုက်၊ ဗညားဒလလမ်းပေါ် ယုဇန ပလာဇာရှေ့နှင့် ဟံသာဝတီ အဝိုင်းတို့ ဖြစ်ကြောင်း ယာဉ်ထိန်းရဲတပ်ဖွဲ့ရုံးထံမှ စုံစမ်းသိရှိရသည်။ “ဖြူနီကျားမှာ ရပ်တဲ့ယာဉ်တွေ၊ တစ်လမ်းမောင်းမှာ ညာဘက်ကပ်ရပ်တဲ့ ယာဉ်တွေ၊ ပြီးတော့ အသံချဲ့စက်နဲ့ အော်ပြီး ယာဉ်တွေကို တားနေတာတွေ့တယ်။ သက်ဆိုင်ရာက ကြပ်မတ် လုပ်ဆောင်နေတုန်း ခဏပဲ။ ပြီးရင် စည်းကမ်းမဲ့ လုပ်ကြတာပါပဲ။ အဲ့ဒီလို အမြဲလုပ်နိုင်ရင်တော့ ကောင်းတာပေါ့” ဟု ယာဉ်များကို ဖမ်းဆီး အရေးယူနေသည်ကို တွေ့ရှိရသူတစ်ဦးက ဆိုသည်။ လူကူးမျဉ်းကျား ရေးဆွဲခြင်း၊ လူကူးမျဉ်းကျားတွင် ယာဉ်ထိန်းရဲတပ်ဖွဲ့ဝင်များ၊ နယ်မြေခံရဲများ၊ မြို့တော်စည်ပင်နှင့် မထသ အပါအဝင် NGO အဖွဲ့အစည်းများ ပူးပေါင်း၍ ၂၀၁၃ ခုနှစ် မေလ ၆ ရက်နေ့မှ ၁၂ ရက်နေ့ထိ ပြုလုပ်ခဲ့ပြီး ယာဉ်အန္တရာယ် ကင်းရှင်းရေး ရက်သတ္တတစ်ပတ် လှုပ်ရှားမှုကို ဆောင်ရွက်ခဲ့ကြောင်း မထသ (ဗဟို) က တရားဝင် ထုတ်ပြန်ထားသည်။
The voice Weekly ဆီမှကူးယူဖော်ပြပါသည်
No comments:
Post a Comment